شارا بارىسىندا اپا الەۋمەتتىك جانە مادەني ىستەر, ەكونوميكالىق جانە تۇراقتى دامۋ, ساياسي ىستەر, بيۋدجەت پەن جوسپارلاۋ تۇراقتى كوميتەتتەرىنىڭ وتىرىستارى بولىپ ءوتتى. سونداي-اق بيۋرو مۇشەلەرى سايلانىپ, قاتار مەن شىعىس تيموردىڭ اپا-عا مۇشە بولۋ تۋرالى وتىنىشتەرى جانە تۇراقتى كوميتەتتەردە رەزوليۋتسيالار قارالدى.
ونىڭ ىشىندە, الەمدىك دىندەر اراسىنداعى دىنارالىق ديالوگ پەن كەلىسىمدى ىلگەرىلەتۋ جونىندەگى رەزوليۋتسيادا الەمدىك جانە ءداستۇرلى دىندەر ليدەرلەرى VI سەزىنىڭ جاھاندىق وركەنيەتتەر مەن دىندەر اراسىنداعى تۇسىنىستىككە قوسقان ۇلەسى اتاپ ءوتىلدى.
شاراعا اۋعانستان, ءازىربايجان, باحرەين, بانگلادەش, بۋتان, يوردانيا, يراق, يران, كامبودجا, كۋۆەيت, قاتار, پاكىستان, پالەستينا, رەسەي, تۇركيا جانە شىعىس تيمور پارلامەنتتەرىنىڭ دەلەگاتسيالارى قاتىستى.
