قايرات رەيىموۆتىڭ اتىنا قوزعالعان قىلمىستىق ءىس قازاقستان رەسپۋبليكاسىنىڭ قك 2ت. 190 باپ بويىنشا № 190000041000072 قىلمىستىق ءىس بولىپ تىركەلىپتى.
«Bank RBK» اق باسقارما توراعاسىنىڭ مىندەتىن اتقارۋشى ا. توكارەۆتىڭ 12.03.2019 جىلى قول قويعان «36004798231,02 تەڭگە سوماسىندا بانك قارجىسىن ۇرلادى» دەگەن ايىپپەن كومپانياداعى جاۋاپتى تۇلعالاردى قىلمىستىق جاۋاپكەرشىلىككە تارتۋ تۋرالى» ارىزىمەن باستالىپتى.
ق. رەيىموۆتىڭ تۇسىندىرۋىنشە, اۋەل باستا بۇل ازاماتتىق –قۇقىقتىق ءىس بولاتىن. سەبەبى Bank RBK جانە ءبىزدىڭ كومپانيالار اراسىندا بانك قارىزى تۋرالى شارت بار. بۇل شارت 150 پايىزعا دەيىن كەپىلمەن قامتاماسىز ەتىلىپتى. ويدان جاسالعان قىلمىستىق ءىستى قوزعاعانعا دەيىن «الماتىمەتروقۇرىلىس» اكتسيونەرلەرى وزدەرىنىڭ نارازىلىقتارىن ازاماتتىق-قۇقىقتىق تارتىپتە شەشىپ كەلىپتى.
«كومپانيالار مەن بانك اراسىنداعى قارىزدىڭ ۇشتەن ءبىرى وتەلگەن. جانە قارىزدى وتەۋ جانە بەرەشەكتى ەسەپكە الۋ تۋرالى مامىلە دە جاسالعان» دەيدى قايرات رەيىموۆ.
قايرات رەيىموۆ, سونداي-اق بۇل ءىستىڭ قىلمىستىق تارتىپتە قاراستىرىلماۋى كەرەك ەكەنىن جينالعانداردىڭ قاپەرىنە سالىپ ءوتتى. بۇگىن ءبىر-بىرىمەن كەلىسىمگە كەلە الماي وتىرعان «الماتىمەتروقۇرىلىس» اكتسيونەرلەرىنىڭ يەلىگىندەگى «ينجەنەرلىك قولداۋ قۇرىلىس كومپانياسى» مەن «دك ينۆەستمەنت» جشس اراسىندا 2014 جىلى 20 ناۋرىز ايىنداعى شارت اياسىندا باعالى قاعازداردى ساتۋ جانە ساتىپ الۋ تۋرالى كەلىسىمگە قول قويىلعان. وسى شارتقا سايكەس «ينجەنەرلىك قولداۋ قۇرىلىس كومپانياسى» «دك ينۆەستمەنت» جشس-نە «الماتىمەتروقۇرىلىس» اق اكتسيالارىنىڭ 39 پايىزىن تابىستاۋ تۋرالى مىندەتتەمەنى قابىلداپ, دىنمۇحاممەد ىدىرىسوۆ پەن «الماتىمەتروقۇرىلىس» اق اراسىندا شارتقا قول قويىلعان.«شارتتا كورسەتىلگەن 39 پايىز اكتسيانى مەن تاپسىرۋعا دايىنمىن. بىراق ونى زاڭدى تۇردە جۇرگىزۋ كەرەك. ول ءۇشىن اكتسيالاردى نەمەسە باعالى قاعازداردى قولدانىستان شىعارىپ, ەكىنشى تاراپتىڭ يەلىگىنە وتكىزۋ تۋرالى ەكى بۇيرىق كۇشىنە ەنۋ كەرەك. بىراق ىدىرىسوۆتان باعالى قاعازداردى تاپسىرۋعا بۇيرىق بولعان جوق. ت1,5 ملرد قارىزعا كەلەتىن بولساق, «مەتروقۇرىلىس» اق ونى تولەۋگە دايىن, بىراق نەسيە بەرۋشى ونى قابىلداپ الۋعا دايىن ەمەس, ول بىزبەن كەلىسسوز ۇستەلىندە وتىرمايدى. مەن 2019 جىلدىڭ ناۋرىز ايىنان بەرى ىدىرىسوۆپەن كەزدەسكەن جوقپىن. ەگەر ول ماعان 80% اكتسيانى وزىنە بەرۋىم كەرەك دەگەن قۇجاتتى ۇسىنسا, مەن ونى دەرەۋ تاپسىرامىن» دەيدى قايرات رەيىموۆ.
جوعارىدا اتالعان دەرەكتەرگە قاراماستان, باسىندا ۇقك, كەيىن ەكونوميكالىق بەرگەۋ دەپارتامەنتى, قازىر پوليتسيا دەپارتامەنتى پروكۋراتۋرانىڭ قاداعالاۋىمەن ازاماتتىق قۇقىقتىق جانە كوممەرتسيالىق داۋ سيپاتىنداعى جاعدايعا قاتىستى قىلمىستىق قۋدالاۋدى التى ايدان بەرى جالعاستىرىپ كەلە جاتىر.
«الماتىمەتروقۇرىلىس» اق ديرەكتورلار كەڭەسىنىڭ تورعاسى قايرات رەيىموۆتىڭ ايتۋىنشا, جاقىندا پوليتسيا دەپارتامەنتى جوعارىدا اتاپ وتكەن ەكى ءىستى ءبىر قىلمىستىق ىسكە بىرىكتىرىپ تاستاپتى.
«دىنمۇحاممەد ىدىرىسوۆ, پروكۋراتۋرا, پوليتسيا قايرات رەيىموۆكە قارسى شىعىپ وتىر. مۇنى قالاي توقتاتۋعا بولادى؟» دەيدى قايرات رەيىموۆ.
وتكەن اپتادا «الماتىمەتروقۇرىلىس» اكتسيونەرلەرىنىڭ تەكەتىرەسى مەترو قۇرىلىسىن تۇرالاتۋى مۇمكىن» دەگەن حابار تاراعان بولاتىن.
ق. رەيىموۆ اكتسيونەرلەر اراسىنداعى تەكە-تىرەس «الماتىمەتروقۇرىلىس» جۇمىسىنا كەدەرگى كەلتىرۋى مۇمكىن» دەگەن قاۋىپتى جوققا شىعارمايدى. سەبەبى اق-نىڭ 80 پايىز اكتسياسى قازىر بۇعاتتالعان.
«مەن مەترو قۇرىلىسى توقتايدى دەپ ويلامايمىن, بىراق مەن قۇقىق قورعاۋ ورگاندارىنىڭ قانداي ءىس-قيمىل جاساي الاتىندىعىن ەلەستەتە المايمىن. مەتروداعى جۇمىسشىلاردىڭ كەز-كەلگەن ماسەلەلەرگە قاتىستى الاڭداۋشىلىعىن مەن تۇسىنەمىن» دەيدى قايرات رەيىموۆ.
جوعارىدا ايتىپ كەتكەندەي, «الماتىمەتروقۇرىلىس» اكتسيونەرلەرى اراسىنداعى تەكە-تىرەستىڭ باستالعانىنا جارتى جىل بولدى. قايرات رەيىموۆتىڭ تۇسىندىرۋىنشە, الماتى مەتروپوليتەنىنىڭ ەكى ستانتسياسى قۇرىلىسى كەستەگە ساي ءجۇرىپ جاتىر. قارجىلاندىرۋ جاعىنان كەدەرگىلەر بولماسا, ەكى ستانتسيا دا 2020 جىلدىڭ سوڭىنا قاراي پايدالانۋعا بەرىلەدى.
24 قازاندا «الماتىمەتروقۇرىلىس» قىزمەتكەرلەرى توراعاسى رەيموۆتى قىلمىستىق قۋدالاۋ ەكى مەترو ستانتسياسىنىڭ قۇرىلىسىن جالعاستىرۋعا قاۋىپ توندىرەتىنىن باق ارقىلى مالىمدەگەن بولاتىن.
25 قازاندا الماتى مەتروپوليتەنى باسشىلىعى قۇرىلىستىڭ توقتاپ قالۋىنا سەبەپ جوق ەكەنىن, جۇمىس جالعاسىپ جاتقانىن حابارلاعان.
