جۇلدە قورى 2 296 490 ەۆرونى قۇراعان «ATP Erste Bank Open 500» جارىسىنىڭ ەكىنشى كەزەڭىندە جەرلەسىمىز يسپانيالىق پابلو كاررەنو-بۋستامەن شەبەرلىك بايقاستى. كۋكۋشكيننىڭ 28 جاستاعى قارسىلاسى وسىدان ەكى جىل بۇرىن الەمدىك رەيتينگتە «توپ-10» ويىنشىنىڭ قاتارىندا بولعان. ونىڭ ەڭ ۇزدىك كورسەتكىشى – 2017 جىلى اقش-تىڭ اشىق بىرىنشىلىگىندە جارتىلاي فينالعا شىعۋى. سونداي-اق, ول رولان گارروستىڭ شيرەك فينالىندا ونەر كورسەتتى.
ۆەناداعى كەزدەسۋ 2 ساعات 19 مينۋتقا سوزىلىپ, 7:6, 4:6, 1:6 ەسەبىمەن پيرەنەي تۇبەگى تۇلەگىنىڭ جەڭىسىمەن اياقتالدى.
