قوعامدىق قابىلداۋعا جاۋاپتى ورگانداردىڭ باسشىلارى قاتىستى. كەلۋشىلەردىڭ ءبىرى-كاسىپكەر, مەملەكەتتىك باعدارلامانىڭ قاتىسۋشىسى انۋاربەك دالاباەۆ وتكەن جىلى «اگرارلىق-نەسيەلىك كورپوراتسياسى» ارقىلى 30 ملن تەڭگە نەسيە راسىمدەپ, ءىرى قارا مال الۋدى جوسپارلاعان. بىراق «متس جايما» جشس مالداردى جەتكىزىپ بەرمەگەن. كەلىسىمشارت جاسالعان. بيىل 10 ميلليون تەڭگە كولەمىندە الدىن الا تولەم جاساپ قويعان. وبلىستىق پوليتسيا دەپارتامەنتى تەرگەۋ باسقارماسىنىڭ باستىعى راشات وتەۋوۆ تەرگەۋ باستالعانىن ايتتى. كاسىپكەرگە پارتيا فيليالى تاراپىنان زاڭگەرلىك قولداۋ كورسەتىلەءدى.
ال, كوپ بالالى انا جاننا قوجامباەۆا بالاسىنىڭ وقۋىنا گرانت سۇراۋ ءۇشىن ەكىباستۇز قالاسىنان كەلدى. قاراعاندى مەديتسينالىق ۋنيۆەرسيتەتىندە اقىلى بولىمدە ءبىلىم الۋدا.
بيىل مەديتسينا سالاسى بويىنشا وبلىس اكىمىنىڭ گرانتىن ۇتىپ العان 4 ستۋدەنت وقۋدان باس تارتقان. سوندىقتان, ءبىر گرانت ەندى جاننا قوجامباەۆانىڭ قىزىنا بەرىلەتىن بولدى. ءوزگە گرانتتار دا باسقالارعا تاپسىرىلادى.
گۇلنار دوسماعامبەتوۆا ءوڭىر باسشىسىنان ءۇي ماسەلەسىن شەشۋدە كومەك كورسەتۋىن سۇرادى. بولات باقاۋوۆ جالعىزباستى اناعا اۋىلدىق جەرگە كوشىپ, بوس تۇرعان ءۇيدى پايدالانۋدى ۇسىندى. گ.دوسماعامبەتوۆا اۋىلعا كوشۋگە دايىن ەكەنىن جەتكىزىپ, العىسىن ءبىلدىردى.
پاتەر كەزەگىندە تۇرعان زارينا مۋكينا بالالارىمەن بىرگە پاتەر جالداپ تۇرۋدا. وبلىس اكىمى ز.مۋكينا جۇمىس ىستەپ جاتقان ترامۆاي باسقارماسىمەن بايلانىسقا شىعاتىنىن ايتتى.
ال, رىسكەن جانعوجينا وبلىس ورتالىعىنداعىكوشەنىڭ بىرىنە اكەسى جۇمابەك جانعوجيننىڭ ەسىمى بەرىلسە ەكەن دەيدى.
اكەسى اققۋلى اۋدانىندا تۋعان, سوتسياليستىك ەڭبەك ەرى. 1966-1971 جىلدار ارالىعىندا «وبلىستىڭ ۇزدىك شوپانى», 1972-1987 جىلدارى «رەسپۋبليكانىڭ ۇزدىك شوپانى» اتانعان.وبلىستىق مادەنيەت باسقارماسىنىڭ باسشىسى ەرنۇر داۋەنوۆ مادەنيەت جانە سپورت مينيسترلىگىنە حات جولدانعانىن ايتتى.
قوعامدىق قابىلداۋعا كەلگەندەردەردىڭ قاتارىندا جەر ۋچاسكەسىن الۋ, پاتەر يەلەرىنىڭ كووپەراتيۆىنىڭ جۇمىسىنا شاعىم ءتۇسىرۋ, كىتاپ شىعارۋ ىسىنە كومەك كورسەتۋ بويىنشا ساۋال قويعاندار بولدى. وبلىس اكىمى بارلىق ماسەلەنى تىڭداپ, باسقارما باسشىلارىنا ءتيىستى تاپسىرما بەردى.
