ءىس-شارا ءداستۇر بويىنشا تۇڭعىش پرەزيدەنت اتىنداعى قالالىق پاركتە ءوتتى. كەڭەس وداعىنىڭ ەكى مارتە باتىرى تالعات بەگەلدينوۆاتىنداعى اۋە قورعانىس كۇشتەرى ءاسكەري ينستيتۋنىڭ 104 تۇلەگىنە العاشقى «لەيتەنانت» اسكەري اتاعى سالتاناتتى تۇردە تاپسىرىلىپ, جوعارى ءبىلىم تۋرالى ديپلومدار مەن ءتوس بەلگىلەرى بەرىلدى. تۇلەكتەر اراسىندا – ۇقشۇ باعدارلاماسى بويىنشا جوو-ندا وقىعان قىرعىزستان مەن تاجىكستاننىڭ 10 وكىلى بار.
لەيتەنانتتاردى شىعارۋ – ەرەكشە داستۇرگە تولى سالتاناتتى ءراسىم: جاۋىنگەرلىك تۋدى الىپ شىعۋ, العاشقى وفيتسەرلىك ءۆالسى جانە كۋرسانترەتىندە سوڭعى شەرۋمەن ءوتۋ.
ءتورت جىل بويى جوو-ندا كۋرسانتتار اسكەري ءىستى, اۆياتسيا ماماندىقتارىن مەڭگەرىپ, دەنە شىدامدىلىقتارىن ارتتىردى. بولاشاق ۇشقىشتار مەن اۆياتسيا ماماندارى ۇشۋ تاجىريبەسىنەن جانە اۋە-قورعانىس كۇشتەرى اۆياتسيالىق بولىمدەرىندە اسكەري تاعىلىمدامادان ءوتتى, اۆياتسيالىقتەحنيكانىڭ ۇشۋ جانە تەحنيكالىق پايدالانۋ بويىنشا تاجىريبەسىنە يە بولدى.
قازىرگى زامانعى اسكەري ۇشاقتار مەن تىكۇشاقتاردىڭ قۇرىلعىسىنىڭ كۇردەلىلىگى اسكەري ۇشقىشتاردان تەرەڭ ينجەنەرلىك ءبىلىمدى قاجەت ەتەدى. سوندىقتان ينستيتۋتتا ۇشاقتى باسقارۋدان باسقا ۇشۋ اپپاراتتارىنىڭ بارلىق جۇيەلەرىن ساۋاتتى پايدالانۋ قولدانۋدى ۇيرەتەدى.
وقۋ جىلدارىندا ءار كۋرسانت وقۋ باعدارلاماسىنا سايكەس مايدان, ارميا نەمەسە اسكەري-ترانسپورتتىق اۆياتسيادا شامامەن 80 ساعاتتى قۇرايدى.
جاس وفيتسەرلەر اراسىندا اسكەري اۆياتسيا ماماندارىنىڭ ماماندىقتارىن يگەرىپ قانا قويماي, سونىمەن قاتار سپورتتا, ينستيتۋتتىڭ قوعامدىق ومىرىندە جانە عىلىمي جۇمىستارداجوعارى ناتيجەلەرگە قول جەتكىزگەن, وقۋ-ماتەريالدىق بازانى جاقسارتۋ بويىنشا ۇسىنىستار ەنگىزگەن تۇلەكتەر ەرەكشە اتاپ ءوتىلدى.
ورتالىق ازياداعى جالعىز ۇشۋ ينستيتۋتىنىڭ وفيتسەر-تۇلەكتەرى سۇرانىسقا يە جانە قازاقستانقارۋلى كۇشتەرى قاتارىندا قىزمەت اتقارادى. ودان باسقا, ۇقك شەكارا اسكەرلەرى اۆياتسيالىق بولىمدەرىندە جانە ءىىم ارنايى بولىمشەلەرىندە قىزمەت ەتە الادى.
