سەنات اپپاراتى 18 جىلدان استام ۋاقىت بويى مەملەكەتتىك جاستار ساياساتىن جۇزەگە اسىرۋعا بەلسەندى قاتىسىپ كەلەدى. سەناتتا جىل سايىن 30-دان 60-قا دەيىن ستۋدەنت تاجىريبەدەن وتەدى.
سەنات توراعاسىنىڭ ورىنباسارى ب.بەكنازاروۆ كەزدەسۋدە جاستار تۋرالى ايتا كەلىپ, ءوزىنىڭ ومىرلىك تاجىريبەسىمەن ءبولىستى. ول ۇلى ويشىل ءال-ءفارابيدىڭ «كەز-كەلگەن ەلدىڭ بولاشاعىن كورگىڭ كەلسە, سول ەلدە تۇرىپ جاتقان جاستاردىڭ تىنىس-تىرشىلىگىنە قارا» دەگەن ءسوزىن ەسكە سالا وتىرىپ, جاس ۇرپاقتىڭ بولاشاعىنا سەنىم ءبىلدىردى جانە تىلەگىن جەتكىزدى. ب.بەكنازاروۆ سونداي-اق جاس مامانداردىڭ پەداگوگتاردىڭ مارتەبەسى, مەملەكەتتىك ءتىلدى دامىتۋ, ءبىلىم بەرۋ, ۇلتتىق قۇندىلىقتاردى نىعايتۋ, قازاقستان پوليتسياسىنداعى رەفورما جانە تاعى باسقا ماسەلەلەر بويىنشا بىرقاتار سۇراقتارىنا جاۋاپ بەردى.
«وتانىمىزدىڭ گۇلدەنۋى مەن ءال-اۋقاتى سىزدەردىڭ قولدارىڭىزدا. ەل يگىلىگى ءۇشىن ەڭبەك ەتىڭىزدەر. ادام تاعدىرىنا ءاردايىم مۇقيات بولىڭىزدار, ءوز ەلىنىڭ پاتريوتى اتانىڭىزدار. بارشاڭىزعا يگىلىك پەن تابىس تىلەيمىن», - دەدى ب.بەكنازاروۆ.
