كەزدەسۋگە قالا اكىمى ەرلان ايتاحانوۆ, دەنساۋلىق ساقتاۋ ءمينيسترى ەلجان ءبىرتانوۆ, ءبىلىم جانە عىلىم ءمينيسترى اسحات ايماعامبەتوۆ, ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ, مادەنيەت جانە سپورت ۆيتسە-ءمينيسترى وركەن بيساقاەۆ, اقپارات جانە قوعامدىق دامۋ ۆيتسە-ءمينيسترى دانيار ەسين قاتىستى.
ۆيتسە-پرەمەر شىمكەنتتىكتەرگە پرەزيدەنتتىڭ قازاقستان حالقىنا ارناعان جولداۋىندا ايتقان باسىم مىندەتتەردىڭ ورىندالۋى تۋرالى ايتىپ بەردى. بەردىبەك ساپارباەۆ ءوز سوزىندە ءبىلىم بەرۋ, دەنساۋلىق ساقتاۋ, الەۋمەتتىك قولداۋ جانە وزگە دە باعىتتارعا توقتالدى.
ول ەل باسشىلىعى مەملەكەتتىڭ الەۋمەتتىك مىندەتتەمەلەرىن ورىنداۋعا جانە الەۋمەتتىك سالانى دامىتۋعا ەرەكشە نازار اۋداراتىنىن اتاپ ءوتتى. بۇعان رەسپۋبليكالىق بيۋدجەتتىڭ 45%-عا جۋىعىنىڭ الەۋمەتتىك سالاعا باعىتتالعاندىعى دالەل. الايدا, قولداۋ ماسىلدىق پيعىلدىڭ ورشۋىنە سوقتىرماۋى كەرەك. مەملەكەتتىك كومەك تەك مۇقتاج ازاماتتارعا كورسەتىلۋى كەرەك. وسىعان بايلانىستى ۇكىمەت زاڭناماعا ءتيىستى وزگەرىستەر ەنگىزۋدى جوسپارلاپ وتىر.
«قوعامدىق كەلىسىم بولعان كەزدە وڭ ناتيجە دە, ءال-اۋقات پەن وركەندەۋ دە بولادى. پرەزيدەنت قاسىم-جومارت توقاەۆ بۇعان ەرەكشە كوڭىل بولەدى. بۇل مەملەكەت پەن قوعام اراسىنداعى ديالوگقا قاتىستى. بۇل جەردە ۇكىمەتتىك ەمەس ۇيىمداردىڭ الەۋەتىن پايدالانۋ كەرەك. ۇكىمەت ەكى تۇجىرىمداما ازىرلەپ جاتىر: ءبىرى — «حالىق ۇنىنە قۇلاق اساتىن مەملەكەت» جانە 2025 جىلعا دەيىنگى ازاماتتىق قوعامدى دامىتۋ. بۇل قۇجاتتار جىلدىڭ سوڭىنا دەيىن دايىن بولۋى كەرەك. بۇل قۇجاتتاردا اشىق ۇكىمەت جانە حالىقپەن ءتيىمدى كەرى بايلانىس ماسەلەلەرى قاراستىرىلادى. ازاماتتاردىڭ بىردە-ءبىر ءوتىنىشى, بىردە-ءبىر شاعىمى جاۋاپسىز قالماۋى كەرەك», — دەپ اتاپ ءوتتى بەردىبەك ساپارباەۆ.
ۆيتسە-پرەمەر قوعامدىق كەڭەستەردىڭ قىزمەتىن كۇشەيتۋ قاجەتتىگىن اتاپ ءوتتى. ءفورماليزمدى بولدىرماۋ ءۇشىن ولاردىڭ جۇمىسىن جاقسارتۋ كەرەك, دەپ ەسەپتەيدى ول.
سونىمەن بىرگە, پارلامەنت قاراۋىندا «پەداگوگ مارتەبەسى تۋرالى» زاڭ جوباسى جاتىر, ول كاسىبي قۇقىقتاردى كەڭەيتۋ, جۇكتەمەنى ازايتۋ جانە مۇعالىمدەردىڭ مارتەبەسىن كوتەرۋدى قاراستىرادى.
بەردىبەك ساپارباەۆ الەۋمەتتىك قورعاۋ, دارىندى بالالاردى قولداۋ, جۇمىسپەن قامتۋ, مادەنيەت پەن سپورتتى دامىتۋ تۋرالى ايتتى.
شىمكەنتتىكتەر ۆيتسە-پرەمەر مەن مينيسترلەرگە ءوز سۇراقتارىن قويا الدى, قالاۋلارى مەن ۇسىنىستارىن جەتكىزدى. اتاپ ايتساق, ولار جەمقورلىقپەن كۇرەستى كۇشەيتۋ, ءبىلىم بەرۋ ساپاسىن ارتتىرۋ, حالىقتىڭ الەۋمەتتىك ءالسىز توپتارىن قولداۋ, الەۋمەتتىك قامسىزداندىرۋ جانە باسقا دا ماسەلەلەردى قوزعادى. بارلىق سۇراقتارعا جاۋاپ بەرىلدى. قوسىمشا پىسىقتاۋدى قاجەت ەتەتىن ماسەلەلەر بويىنشا ۆيتسە-پرەمەر زاڭناماعا سايكەس مۇمكىندىگىنشە قىسقا ۋاقىت ىشىندە جاۋاپ بەرۋدى تاپسىردى.
مەگاپوليستىڭ جاس بەلسەندىلەرمەن, عالىمدارىمەن, كاسىپكەرلەرىمەن جانە سپورتشىلارىمەن كەزدەسۋ كەزىندە ب. ساپارباەۆ جاستاردىڭ سۇراقتارىنا جاۋاپ بەردى. كەزدەسۋگە, سونداي-اق, قالا اكىمى ەرلان ايتاحانوۆ جانە اقپارات جانە قوعامدىق دامۋ ۆيتسە-ءمينيسترى دانيار ەسين قاتىستى.
ستۋدەنتتەر ءبىلىم بەرۋدى, سپورتتى دامىتۋ, جاستاردى قولداۋ جونىندەگى مەملەكەتتىك ساياساتتى ىسكە اسىرۋ ماسەلەلەرىنە قىزىعۋشىلىق تانىتتى.
«باسەكەلەستىك بارلىق جەردە بولۋى كەرەك, اسىرەسە ستۋدەنتتەر اراسىندا. 2019 جىل ‒ جاستار جىلى. ول بىرتىندەپ ەرىكتىلەر جىلىنا اينالادى. مەن وڭىرلەرگە ءجيى بارامىن, جاستارمەن كەزدەسەمىن. كوپتەگەن ءورشىل جانە ماقساتتى ادامداردى كورەمىن. سىزدەردە بارلىق مۇمكىندىكتەر بار. ەڭ باستىسى ‒ جاقسى ءبىلىم الۋ مۇمكىندىگى بار. ەندى جوو-لاردىڭ رەيتينگى تۇلەكتەردى جۇمىسقا ورنالاستىرۋ جانە ولاردىڭ نارىقتاعى سۇرانىسى بويىنشا جاسالادى», — دەپ اتاپ ءوتتى ب. ساپارباەۆ.
كەزدەسۋ اياسىندا قر اقپارات جانە قوعامدىق دامۋ ۆيتسە-ءمينيسترى دانيار ەسين جاستار ساياساتىن جۇزەگە اسىرۋ تۋرالى ايتتى. ونىڭ ايتۋىنشا, ەلىمىزدىڭ بارلىق ايماقتارىندا كومەك كورسەتۋگە باعىتتالعان 200-دەن استام رەسۋرستىق ورتالىق, سونداي-اق جاستار ساياساتى سالاسىندا 500-دەن استام ۇكىمەتتىك ەمەس ۇيىم بار. سونىمەن قاتار, جاس ۇرپاقتى ىنتالاندىرۋعا جانە قولداۋعا باعىتتالعان, جاستار جىلى اياسىندا قابىلدانعان جول كارتاسى ءساتتى جۇزەگە اسىرىلۋدا.
«جول كارتاسى 5 نەگىزگى باعىتتان تۇرادى ‒ بۇل جۇمىس ىستەيتىن جاستاردى تۇرعىن ۇيمەن قامتاماسىز ەتۋ, جاستاردى جۇمىسپەن قامتۋ, ءبىلىم بەرۋ مەن ۆولونتەرلىكتى دامىتۋ, جاستاردىڭ الەۋمەتتىك بەلسەندىلىگىن دامىتۋ, جاس وتباسىلاردى قولداۋعا, دەنساۋلىقتى نىعايتۋعا جانە الەۋمەتتىك ينكليۋزيۆتىلىكتى قولداۋعا باعىتتالعان شارالار كەشەنى. ماسەلەن, شىمكەنتتە جۋىردا جۇمىس ىستەيتىن جاستارعا جالدامالى باسپانا بەرۋ ماسەلەسى باستالادى. 900 پاتەر بەرۋ جوسپاردا بار», — دەدى دانيار ەسين.
ءوز كەزەگىندە, ۆيتسە-پرەمەر جاستارعا ماسىلدىق كوڭىل-كۇيدى جويۋعا جانە جاڭا تسيفرلىق تەحنولوگيالاردى يگەرۋگە, ءبىلىم مەن ەڭبەكقورلىققا ۇمتىلۋعا كەڭەس بەردى.
«جاستارعا مەملەكەتتىك گرانتتار بولىنۋدە. قازىر جۇمىس ىستەيتىن جانە داميتىن ۋاقىت. ونىڭ ۇستىنە مەملەكەت تەڭدەسسىز مۇمكىندىكتەر جاساپ جاتىر. جىل سايىن ءۇش مەگاپوليستىڭ جاس ماماندارىنا مىڭداعان جالدامالى پاتەرلەر بەرىلىپ, جاڭا جۇمىس ورىندارى اشىلادى», — دەدى قر پرەمەر-ءمينيسترىنىڭ ورىنباسارى.
م. اۋەزوۆ اتىنداعى وقمۋ ماگيسترانتى ساكەن ساعىندىم جاستار ءماسليحاتتارىنىڭ دامۋ پەرسپەكتيۆالارى تۋرالى سۇرادى.
«بيلىككە جاستاردى كوبىرەك تارتۋىمىز كەرەك. مۇنى, ەڭ الدىمەن, جەرگىلىكتى اتقارۋشى ورگاندار قولعا الۋى كەرەك. مۇنداي ءماسليحاتتار كەيبىر قالالاردا, سونىڭ ىشىندە شىمكەنتتە دە قۇرىلعان. ولاردىڭ جۇمىسى تەك كۇشەيە تۇسەدى. قازىر مەملەكەتتىك قىزمەتتە جاس, ءبىلىمدى ادامدار از ەمەس, بۇل قۋانتارلىق جاعداي», — دەدى ۆيتسە-پرەمەر.
كەزدەسۋگە قاتىسۋشىلار جاس كاسىپكەرلەردى, ولاردىڭ ستارتاپتارى مەن باستامالارىن قولداۋ تۋرالى ۇسىنىستارىن جەتكىزدى. سولاردىڭ ءبىرى — ۆوركاۋت-قوزعالىسىن دامىتۋ. قازىر شىمكەنتتە وسىنداي جەتى سپورت الاڭى بار.
«سپورت الاڭدارىنىڭ سانىن كوبەيتۋ كەرەك», — دەدى ب. ساپارباەۆ.
«بولاشاق» باعدارلاماسى ستيپەندياتتارى قاۋىمداستىعىنىڭ شىمكەنت فيليالىنىڭ جەتەكشىسى ەراسىل تولەباەۆ «شىمكەنت ‒ ادالدىق الاڭى» جوبالىق كەڭسەسىنىڭ جۇمىسى تۋرالى ايتىپ بەردى.
ء«بىزدىڭ جوبالارىمىز ەلدەگى وزىق جوبالار بولىپ سانالادى. جاقىندا, ماسەلەن, ءبىزدىڭ باستامامىز بويىنشا كەيبىر مەكتەپتەر مەن ەمحانالاردىڭ ءبىرىنشى باسشىلارى ءبىرىنشى قاباتتارعا كوشتى. بۇل سىبايلاس جەمقورلىقتى جويۋ جانە لاۋازىمدى تۇلعالاردىڭ جۇمىسىن بارىنشا ايقىن ەتۋ ءۇشىن جاسالادى», — دەدى ول.
ب. ساپارباەۆ اتاپ وتكەندەي, سىبايلاس جەمقورلىققا قارسى ۇگىت-ناسيحات قانا ەمەس, سونىمەن بىرگە بيۋدجەتتىك ۇيىمدار قىزمەتكەرلەرىنىڭ جالاقىسىن كوتەرۋ دە پاراقورلىقتى جويۋعا باعىتتالعان. سپيكەردىڭ ايتۋىنشا, بۇل ءۇشىن الداعى ەكى جىلعا قاراجات قاراستىرىلعان.
جاس شىمكەنتتىكتەرمەن اڭگىمە اشىق, كرەاتيۆتى, ەڭ باستىسى, سىندارلى تۇردە ءوربىدى. ستۋدەنتتەر ەلوردادان كەلگەن قۇرمەتتى قوناق پەن تاجىريبەلى جەتەكشىنىڭ ىسكەرلىك كەڭەستەرىن مۇقيات تىڭداپ, ولاردى وزدەرىنە ءتۇرتىپ الدى.
ولاردىڭ ۆيتسە-پرەمەرمەن اڭگىمەلەسۋدەن العان باستى ساباعى — بىلىمگە ۇمتىلۋ, ارانداتۋشىلىققا بوي الدىرماۋ, بيزنەس نەگىزدەرىن ۇيرەنۋ جانە يدەيالاردى شىندىققا اينالدىرۋ. قازىر سونداي ارەكەتتەردىڭ ۋاقىتى كەلدى!
سونىمەن قاتار, بەردىبەك ساپارباەۆ ازاماتتاردى جەكە ماسەلەلەرى بويىنشا قابىلدادى, سونىمەن قاتار قالا ارداگەرلەرىمەن كەزدەستى.
