كەزدەسۋ بارىسىندا ەلباسى ەكى ەل اراسىنداعى دوستىق قاتىناستاردى ساقتاۋدىڭ جانە ودان ءارى دامىتۋدىڭ ماڭىزدىلىعىن اتاپ ءوتتى.
– ءبىزدىڭ ەلگە ساپارمەن كەلگەنىڭىزگە قۋانىشتىمىن. ءبىز بىرگە تالاي قيىندىقتاردان وتتىك. وسى جىلداردىڭ ىشىندە ءبىر-بىرىمىزدەن ءبىراز نارسە ۇيرەندىك. قازىر الەم ايتارلىقتاي وزگەرىپ جاتىر. مۇنداي جاعدايدا قول جەتكىزگەن جەتىستىكتەردى ساقتاپ قالۋ ماڭىزدى. ءسىزدى بەلارۋس رەسپۋبليكاسىنا سىڭىرگەن بارلىق ەڭبەگىڭىز بەن ادامي قاسيەتتەرىڭىز ءۇشىن قۇرمەتتەيمىن. سونداي-اق, ءسىزدىڭ سەنىمدى دوسىڭىز بولىپ قالا بەرەمىن, - دەدى نۇرسۇلتان نازارباەۆ.
ءوز كەزەگىندە, الەكساندر لۋكاشەنكو قازاقستاننىڭ تۇڭعىش پرەزيدەنتىنىڭ وڭىرلىك ينتەگراتسيالىق بىرلەستىكتەر اياسىندا ىنتىماقتاستىقتى دامىتۋداعى ماڭىزدى ءرولىن اتاپ ءوتتى.
– ءسىزدى جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى رەتىندە سانكت-پەتەربۋرگتە وتەتىن كەڭەس وتىرىسىنا شاقىرۋ جونىندە ورتاق ۇسىنىس ءتۇستى. بۇل باسقوسۋدا الداعى پەرسپەكتيۆالاردى ايقىندايمىز. تاعدىر قازاقستان, بەلارۋس پەن رەسەيگە پوستكەڭەستىك كەڭىستىكتەگى وسى ينتەگراتسيانىڭ يادروسى بولۋدى جازدى. قازاقستان ءسىز ارقىلى ارقاشان وسىنداي ينتەگراتسيانىڭ باستاماشىسى بولدى. سوندىقتان جۇمىستى وسى قارقىنمەن جالعاستىرۋ كەرەك, - دەدى بەلارۋس رەسپۋبليكاسىنىڭ پرەزيدەنتى.
