القالى جيىنعا قاراعاندى وبلىسىنىڭ اكىمى جەڭىس قاسىمبەك, قوعام جانە مەملەكەت قايراتكەرى ورالباي ابدىكارىموۆ, اقىن, قازاقستان جازۋشىلار وداعىنىڭ توراعاسى ۇلىقبەك ەسداۋلەت, «تۇركسوي» تۇركى مادەنيەتى مەن ونەرىن دامىتۋ جونىندەگى حالىقارالىق ۇيىمنىڭ باس حاتشىسى دۇيسەن قاسەيىنوۆ, ۇلتتىق عىلىم اكادەمياسىنىڭ اكادەميگى حانگەلدى ءابجانوۆ, ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى كۇلاش احمەت, سونداي-اق بەلگىلى لينگۆيستەر, ادەبيەتتانۋشىلار, تاريحشىلار, حالىقارالىق ۇيىمداردىڭ باسشىلارى, جوو وقىتۋشىلارى, ماگيسترانتتار مەن ستۋدەنتتەر قاتىستى.
كونفەرەنتسيا بارىسىندا ء«ۇش ارىس» كىتاپ-البومى مەن «ساكەن سەيفۋللين – مەملەكەتتىك تۇلعا» اتتى كىتاپتىڭ تۇساۋكەسەر ءراسىمى ۇيىمداستىرىلدى. العاشقى اتالعان ەڭبەك ساكەن سەيفۋلليننىڭ, ءىلياس جانسۇگىروۆتىڭ جانە بەيىمبەت ءمايليننىڭ 125 جىلدىعىنا ارنالعان. كىتاپ-البوم «تۇركسوي» حالىقارالىق ۇيىمىنىڭ تاپسىرىسى بويىنشا قازاق جانە ورىس تىلدەرىندە جارىققا شىققان.
– ءبىزدىڭ ۇيىمنىڭ باستى ماقساتى – تۇركى حالىقتارىنىڭ ورتاق مادەني مۇراسىن الەمدىك ارەناعا شىعارۋ. ءۇش جازۋشىمىزدىڭ شىعارماشىلىعىن سۋرەتتەر مەن شىعارمالارى ارقىلى كورسەتۋ ءۇشىن كىتاپ-البوم شىعارۋعا شەشىم قابىلدادىق, – دەدى «تۇركسوي» تۇركى مادەنيەتى مەن ونەرىن دامىتۋ جونىندەگى حالىقارالىق ۇيىمنىڭ باس حاتشىسى دۇيسەن قاسەيىنوۆ.
ال حانگەلدى ءابجانوۆ, سەرىك وسپانوۆ جانە تەمىرعالي ارشابەكوۆ بىرىگىپ جازعان «ساكەن سەيفۋللين – مەملەكەتتىك تۇلعا» قاراعاندى وبلىستىق مادەنيەت, مۇراعاتتار جانە قۇجاتتاما باسقارماسىنىڭ باستاماسىمەن جارىق كوردى.
بۇل ەڭبەكتە ومبى ارحيۆىنەن جانە الماتىداعى پرەزيدەنتتىك مۇراعاتتان الىنعان ماتەريالداردى كەڭىنەن پايدالانعان اۆتورلار ساكەن سەيفۋلليننىڭ تۇلعاسىن مەملەكەت قايراتكەرى رەتىندە كورسەتۋگە تىرىسقان.
جالپى, اتالعان كونفەرەنتسيا ماتەريالدارىنىڭ جيناعىنا كەلىپ تۇسكەن 120 عىلىمي ماقالانىڭ ىشىنەن 95 جۇمىس ىرىكتەلىپ الىنىپتى. سەكتسيالىق وتىرىستاردا قاتىسۋشىلار «ساكەن سەيفۋلليننىڭ مەملەكەت جانە قوعام قايراتكەرى رەتىندەگى تاريحي بەينەسى», «جاھاندانۋ داۋىرىندەگى ءتىل ءبىلىمىنىڭ وزەكتى ماسەلەلەرى» جانە «قازاق ادەبيەتىنىڭ دامۋ تاريحى: كەشە جانە بۇگىن» اتتى تاقىرىپتاردا پىكىر الماستى.
كونفەرەنتسيا اياسىندا ساكەن سەيفۋلليننىڭ جەكە زاتتارىنىڭ, سونداي-اق مۇراجاي ەكسپوناتتارى مەن كىتاپتارىنىڭ, مۇراعات ماتەريالدارىنىڭ كورمەسى ۇيىمداستىرىلدى.
قاراعاندى وبلىسى
