قوعام • 24 قازان، 2019

«اقپاراتتىق تۇلعانى» قالىپتاستىرۋدىڭ جاڭا جوباسى جاريالاندى

166 رەت كورسەتىلدى

قازاقستاندا پوستيندۋستريالدىق «اقپاراتتىق قوعام» قالىپتاستىرۋ ءۇشىن اقپاراتتىق تەحنولوگيالاردى ەنگىزۋ جەتكىلىكسىز. ول ءۇشىن قوعامدا الەۋمەتتىك ۇدەرىستەردە جاڭا قۇندىلىقتارعا نەگىزدەلگەن اقپاراتتىق مادەنيەت قالىپتاسۋى قاجەت.

ەكونوميكانى تسيفرلاندىرۋ جۇيەلى بايلانىسقا، اقپاراتتى تالداۋ مەن جيناقتاۋعا رۋحاني دايىن «اقپاراتتىق تۇلعانى» قالىپتاستىرماي جۇزەگە اسپايتىنى انىق. بىراق ءبىزدىڭ بۇگىنگى قوعامدا ءبىلىم سالاسىنىڭ الدىندا مۇنداي مىندەت قويىلماعان ءارى تاربيەلىك ءمانى بار مىندەتتەر جويىلىپ بارادى. الماتىدا قازاقستان ءباسپاسوز كلۋبىندا «Aspandau» عىلىمي-ءبىلىم بەرۋ قورىنىڭ ۇيىمداستىرۋىمەن وتكەن اقپاراتتىق قوعام اعارتۋشىلارىنىڭ جيىنىندا وسىنداي كەلەلى ماسەلەلەر قوزعالدى.  

ساياساتتانۋشى، «تاۋەكەلدەردى باعالاۋ توبى» كونسالتينگتىك ۇكىمەتتىك ەمەس ۇيىمىنىڭ ديرەكتورى دوسىم ساتپاەۆ اۋقىمدى نەمەسە قازاقستان دەڭگەيىندە اقپاراتتىق قوعام ماسەلەلەرىن قوزعاعاندا اقپاراتتىق كەڭىستىك بۇگىندە جاھاندى ءبىر ءبۇتىن كەڭىستىكتە توعىستىرىپ وتىرسا، ەندى ءبىر جاعىنان قوعامدى ءدىني، ساياcي، ەتنوسارالىق، ت.ب. جىككە ءبولدى. ءوزىنىڭ ءبىر ماقالاسىن «جاڭا ورتا عاسىر» دەپ كورسەتتىم دەگەن ساراپشى، قوعام تەحنولوگيالاردىڭ جاڭا ءبىر فورماسىنا كوشتى دەگەنىمىزبەن دە بۇگىندە عالامدا ورىن الىپ جاتقان ءتۇرلى قايشىلىقتار سول ورتا عاسىر كەزەڭىندەگىدەي تەكە-تىرەستەرگە تاپ بولىپ وتىر. ەكىنشى جاعىنان اقپاراتتىق رەۆوليۋتسيا كەزەڭىندە ءبىر كەزدەردە بولماعان اۋقىمدى ءبىلىم كەڭىستىگىنە جول اشىلسا، ەندى ءبىر جاعىنان ناداندىقتىڭ كورىنىستەرى پايدا بولىپ بارادى، دەيدى.

«Aspandau» عىلىمي-ءبىلىم بەرۋ قورىنىڭ پرەزيدەنتى، DBA قانات نۇروۆتىڭ ايتۋىنشا،  بۇگىنگى كۇنى اقپاراتتىق-كوممۋنيكاتسيالىق تەحنولوگيالار بۇكىل ادامداردىڭ ساناسىن جاھاندىق اقپاراتتىق قاۋىمداستىق اياسىندا بىرىكتىرۋگە زور مۇمكىندىكتەر بەرىپ وتىر. جاھاندانۋدىڭ وسى ترەندتەرىنە سايكەس كەلە وتىرىپ، ونىڭ قوعامدىق سانا مەن جەكە تۇلعا بوستاندىعىن مانيپۋلياتسيالاۋ تۇرىندەگى جاعىمسىز سالدارىنان قورعانۋ ماقساتىندا قازاقستان ءوزىنىڭ ۇلتتىق مادەنيەتىن جانداندىرىپ قانا قويماي، ونى اقپاراتتتىق قوعامنىڭ جاڭا قۇندىلىقتارىمەن سايكەستەندىرۋى قاجەت. سوندىقتان ءبىلىم، عىلىم، بيزنەس، ونەر سالاسىنداعى تابىستى قايراتكەرلەر، سونداي-اق، ۇكىمەت پەن ازاماتتىق قوعام وكىلدەرى اقپاراتتىق قوعام اعارتۋشىلارى رەتىندە جاھاندانۋدىڭ كەرەعار ىقپالدارىنا قارسى تۇرا الاتىن «اقپاراتتىق تۇلعانى» قالىپتاستىرۋعا اتسالىسۋعا شاقىرا وتىرىپ،  قانات نۇروۆ  قور تاراپىنان جارىق كورگەن اقپاراتتىق قوعام اعارتۋشىلارىنىڭ ۇندەۋىمەن تانىستىردى.

ال «اتامەكەن» ۇكپ جانىنداعى كورپوراتيۆتىك باسقارۋ جونىندەگى ۇلتتىق كەڭەستىڭ باعالاۋ جانە رەيتينگتەر كوميتەتىنىڭ مۇشەسى ايگۇل تاسبولات،  كاسىپكەر، قوعامدىق قايراتكەرى ەرلان ستامبەكوۆ اقپاراتتىق قوعام اعارتۋشىلارىنىڭ ۇندەۋحاتىندا اشىپ كورسەتىلگەن ماقساتتى ستراتەگيالارعا كەڭىنەن توقتالدى. ونىڭ بارىسىندا  الداعى ۋاقىتتا ءبىلىم بەرۋ جۇيەسىندە سىني تۇرعىدا ويلاۋ قابىلەتىن قالىپتاستىرۋ ءۇشىن تانىمدى، ادامداردا جالپىعا ورتاق قۇندىلىقتاردىڭ زايىرلى ءارى شىنايى جۇيەسىن، ءاربىر ادامنىڭ قۇقىعىن ساقتاۋدىڭ ىرگەتاسى رەتىندە ەركىن قۇقىقتىق سانانى قالىپتاستىرۋ باعىتىنداعى،ت.ب.  قادامدارعا قول جەتكىزۋ كوزدەلگەن.

پۋبليتسيست، كاسىپكەر، قوعامدىق قايراتكەر، DBA دانا ورمانباەۆا بۇگىندە قوعامداعى تاربيە ماسەلەسىنىڭ ماڭىزدىعىنا توقتالىپ، ومىرلىك تاجىريبەسىنەن بىرەنەش مىسالدار كەلتىرىپ ءوتتى. ال قۇقىقتانۋشى، «ادىلەت» جقم اعا وقىتۋشىسى، IUSTUS زاڭگەرلىك كەڭەس بەرۋشىلەر پالاتاسى توراعاسىنىڭ ءبىرىنشى ورىنباسارى ارمان شايكەنوۆ «كەز كەلگەن مەملەكەتتىك نەمەسە حالىقارالىق باعدارلامالاردى دايىنداپ، جاڭعىرتۋ جايلى كەڭىنەن ءسوز قوزعاپ، ساياسي ساحناداعى تۇلعالاردى اۋىستىرىپ-وزگەرتىپ، كەز كەلگەن زاڭداردى قابىلداۋعا بولادى، الايدا ەگەردە ەلدە ازاماتتىق قوعام بولماسا، بۇدان تۇك ناتيجە شىقپاي، بوس ءبىر امالعا اينالارى ءسوزسىز. سوندىقتان ءبىزدىڭ  اتا زاڭىمىزدا ايتىلعانداي، قازىرگى جانە بولاشاق ۇرپاق الدىنداعى ءوز جاۋاپكەرشىلىگىمدى تۇسىنە وتىرىپ، مەن وسى جارقىن اعارتۋشىلاردىڭ توبىنا ۇلكەن ماقتانىشپەن ءارى ۇمىتپەن قوسىلىپ وتىرمىن» دەپ اتاپ ءوتتى.

«Aspandau» عىلىمي-ءبىلىم بەرۋ قورى جانە وعان نيەتتەس تۇلعالار قوعامدىق اعارتۋشىلاردىڭ ۇندەۋحاتىنا قوسىلعان بارلىق باستامالار مەن جوبالارعا بەلسەندى تۇردە ارالاسىپ، ولاردى ءوزىنىڭ بۇكىل ۇيىمدىق، اقپاراتتىق جانە باسقا دا قورلارىمەن قولداۋعا دايىن ەكەندىگىن ءبىلدىردى. مەملەكەت بار كۇشىن سالىپ وتىرعانىنا قاراماستان، وتاندىق ءبىلىم مەن عىلىم سالاسىنداعى جاعىمسىز بەتالىستارعا قوعامنىڭ كومەگىنسىز تويتارىس بەرۋ مۇمكىن ەمەس. ازاماتتىق قوعامدى وسى سالاداعى ماسەلەلەردى شەشۋگە كەڭىنەن تارتۋ ارقىلى قوعامدىق تۇيكىلدەردى بىرلەسە شەشۋگە بولادى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار