«Anti Corruption Lab» سىبايلاس جەمقورلىققا قارسى شەبەرحانا رەسپۋبليكامىزدىڭ 7 قالاسىندا وتكىزىلۋدە. شەبەرحانانىڭ مىندەتى ازاماتتارعا سىبايلاس جەمقورلىققا قارسى كۇرەس قۇرالدارىن ۇيرەتۋ بولسا, ماقساتى - قۇقىقتىق مادەنيەتتى قالىپتاستىرۋ, سىبايلاس جەمقورلىققا قارسى ءىس-قيمىل ماقساتىندا قاتىسۋشىلار مەن بەلسەندى ازاماتتاردى تاجىريبەلىك داعدىلارعا ۇيرەتۋ.
شەبەرحانانىڭ جۇمىسىنا سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ ماماندارى, ارنايى مونيتورينگتىك توبىنىڭ مۇشەلەرى, قوعامدىق ۇيىمداردىڭ وكىلدەرى, جاس جانە بەلسەندى ازاماتتار قاتىسىپ, اشىق ۇكىمەت پورتالىنىڭ كومپونەنتتەرى, مەملەكەتتىك ساتىپ الۋ پورتالى جانە اشىق دەرەكتەر كوزدەرى بويىنشا پراكتيكالىق كەڭەستەر الدى.
تاجىريبەلى جاتتىقتىرۋشىلار مەن سىبايلاس جەمقورلىققا قارسى شەبەرحانا ساراپشىلارى قاتىسۋشىلاردى زاڭنامالىق اكتىلەرمەن, پراكتيكالىق داعدىلارمەن تانىستىردى, سونداي-اق سىبايلاس جەمقورلىققا قارسى ءىس-قيمىلعا قوعامدىق قاتىسۋ تەتىكتەرىن ۇسىندى.
