بىرقاتار اۋدانداردىڭ احۋالىنىڭ جاقسارۋىنا دا سەرپىن بەرۋدە. الايدا قازىرگى كەزدە وڭىردە ەنەرگيا تاپشىلىعى وزەكتى ماسەلە بولىپ وتىر. بۇگىندە جامبىل وبلىسىندا اتالعان ماسەلەنى شەشۋ ماقساتىندا جاڭارتىلاتىن ەلەكتر ەنەرگياسى كوزدەرىن پايدالانۋ جۇيەلى قولعا الىنىپ كەلەدى. بۇل ماقساتتا وڭىرگە ءتيىستى ينۆەستيتسيالار دا تارتىلۋدا.
ەنەرگيا تاپشىلىعىن جويۋ ماقساتىندا وڭىردەگى ستانسالاردىڭ قاتارى الداعى ۋاقىتتاردا تۇركيالىق «گلوبال ستروي» جاۋاپكەرشىلىگى شەكتەۋلى سەرىكتەستىگىنىڭ كۇن ەلەكتر ستانساسىمەن تولىعاتىن بولادى. بۇل رەتتە جامبىل وبلىسىنىڭ اكىمى اسقار مىرزاحمەتوۆ تۇركيالىق «گلوبال ستروي» جاۋاپكەرشىلىگى شەكتەۋلى سەرىكتەستىگىنىڭ وكىلدەرىمەن كەزدەسىپ, كەلىسىم ارقىلى ەكىجاقتى مەموراندۋمعا قول قويىلعان بولاتىن. قازىرگى كەزدە اتالعان كومپانيا وكىلدەرى وڭىرىمىزدە 400 مەگاۆاتتىق كۇن ەلەكتر ستانتسياسىن سالۋعا نيەتتى. ەگەر جوبا جۇزەگە اسقان جاعدايدا وڭىردە ورتا ازياداعى ەڭ ءىرى ستانسالاردىڭ بىرىنەن سانالاتىن «Burnoye Solar-1» ستانساسىنان ءتورت ەسە كوپ ەلەكتر ەنەرگياسىن وندىرىلەدى دەپ كۇتىلۋدە. بۇل ماقساتتا اسقار مىرزاحمەتوۆ جەرگىلىكتى بيلىك ينۆەستورلاردى بارىنشا قولداۋعا ءازىر ەكەندىگىن, ولارعا قاجەتتى جاعدايلار جاسالاتىنىن ايتىپ وتىر. ول ءۇشىن اۋەلى قاجەتتى جەر كولەمىن ناقتىلاپ, ستانسا سالۋعا قولايلى ايماقتى انىقتاۋ شارالارىن جۇرگىزۋ ماڭىزدى بولىپ وتىر. بۇگىنگى تاڭدا وبلىستا قۇرىلىسى جۇرگىزىلىپ, ناتيجەسىندە جۇمىس ىستەپ جاتقان جەل, كۇن ەلەكتر ستانسالارى بار. بۇل رەتتە ايماقتىڭ بالامالى ەنەرگيا ءوندىرۋ باعىتىندا ايتارلىقتاي تاجىريبەسى بار دەۋگە بولادى.
سونىمەن, كەلەشەكتە اۋليەاتا وڭىرىنەن الەۋەتى جوعارى كۇن ەلەكتر ستانساسى بوي كوتەرەدى. ءوز سوزىندە «گلوبال ستروي» جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى بۋلگان احمەت ديۋران مەن اتالعان كومپانيانىڭ باس ديرەكتورى ۋيگۋن ەيۋپ جامبىل وبلىسى كۇن ساۋلەسى كوپ تۇسەتىن ءوڭىر بولعاندىقتان تاڭداۋ وسىندا ءتۇسىپ وتىرعانىن جەتكىزدى. سونىمەن قاتار, سالىناتىن ستانساعا جەل مەن كۇننىڭ قوزعالىسىنا ىڭعايلى جاڭا تەحنولوگيالاردى پايدالاناتىندارىن ايتىپ, جۇمىستى باستاۋعا دايىن ەكەندىكتەرىن مالىمدەدى. سونداي-اق ولار بولاشاقتا قازاقستاندا 8 مىڭ مەگاۆاتتىق ستانسا سالۋدى دا جوسپارلاپ وتىر ەكەن. ال, جامبىل وڭىرىنەن سالىناتىن كۇن ەلەكتر ستانساسى بولاشاقتا ورتا ازياداعى تاعى ءبىر ءىرى جوبا بولعالى تۇر.
جامبىل وبلىسى
