اقمولا وبلىسىندا «ەڭبەك» مەملەكەتتىك باعدارلاماسى ىسكە اسىرىلۋدا

12 500 ادام جۇمىسقا ورنالاستىرىلدى, ونىڭ ىشىندە 10 478 ادام نەمەسە 84% تۇراقتى جۇمىسقا ورنالاستىرىلدى.

ەڭبەك نارىعىندا سۇرانىسقا يە ماماندىقتار بويىنشا كاسىبي داعدىلاردى قالىپتاستىرۋ ماقساتىندا ازاماتتاردىڭ جەكەلەگەن ساناتتارى ءۇشىن قىسقا مەرزىمدى كۋرستار وتكىزۋدى كوزدەيتىن «ەڭبەك» مەملەكەتتىك باعدارلاماسىنىڭ ءبىرىنشى باعىتى شەڭبەرىندە اقمولا وبلىسىندا 1 977 ادام وقىتۋمەن قامتىلدى. قىسقا مەرزىمدى كاسىپتىك وقىتۋ اياقتالعاننان كەيىن حالىقتى جۇمىسپەن قامتۋ ورتالىقتارى مەملەكەتتىك باعدارلامانىڭ قاتىسۋشىلارىنا جۇمىسقا ورنالاسۋعا كومەك كورسەتەدى.

مەملەكەتتىك باعدارلامانىڭ ەكىنشى باعىتىنىڭ نەگىزگى مىندەتى ازاماتتاردىڭ كاسىپكەرلىك باستامالارىن دامىتۋ بولىپ تابىلادى. ول ءۇشىن «باستاۋ بيزنەس» جوباسى اياسىندا كاسىپكەرلىك نەگىزدەرىنە وقىتۋ جۇرگىزىلەدى جانە باستاپقى بيزنەستى ىسكە اسىراتىن جانە ىسكە اسىرۋدى جوسپارلايتىن جانە بۇرىن باسقا مەملەكەتتىك باعدارلامالار شەڭبەرىندە قارجىلىق قولداۋ الماعان ۇمىتكەرلەرگە وتەۋسىز جانە قايتارىمسىز نەگىزدە 100 جانە 200 اەك دەيىنگى مولشەردە مەملەكەتتىك گرانتتار بەرىلەدى. سونىمەن قاتار, اۋىلدا جانە قالالاردا كاسىپكەرلىك الەۋەتى بار ءىسىن جاڭا باستاعان كاسىپكەرلەرگە, اۋىل شارۋاشىلىعى كووپەراتيۆتەرىنە جانە زەينەتكەرلىك جاسىنا جەتپەگەن ولاردىڭ مۇشەلەرىنە, شارۋا جانە فەرمەر قوجالىقتارىنا ميكروكرەديتتەر بەرىلەدى.

اقمولا وبلىسىندا ميكروكرەديتپەن 695 ادام قامتىلدى. مەملەكەتتىك گرانتتاردى 100 اەك – كە دەيىنگى مولشەردە مەملەكەتتىك باعدارلامانىڭ 423 قاتىسۋشىسى, 200 اەك-كە دەيىنگى مولشەردە-210 ادام (جاستار, از قامتىلعان جانە كوپبالالى وتباسى مۇشەلەرى, ەڭبەككە قابىلەتتى مۇگەدەكتەر) الدى.

مەملەكەتتىك باعدارلامانىڭ ءۇشىنشى باعىتى ازاماتتاردىڭ جەكەلەگەن ساناتتارىن جۇمىسقا ورنالاستىرۋ ءۇشىن مەملەكەت ەسەبىنەن سۋبسيديالاناتىن جۇمىس ورىندارىن قۇرۋدى كوزدەيدى. ونى جۇزەگە اسىرۋ اياسىندا اقمولا وبلىسىندا 3 214 ادام جۇمىسقا ورنالاستىرىلدى, ونىڭ ىشىندە الەۋمەتتىك جۇمىس ورىندارىنا – 558 ادام, جاستار تاجىريبەسىنە – 681 ادام جانە قوعامدىق جۇمىستارعا – 1 975 ادام.