ايماقتار • 23 قازان، 2019

تاۋشىق اۋىلى 80 جىلدىعىن تويلادى

188 رەتكورسەتىلدى

ماڭعىستاۋدا قازاقتىڭ كەمەڭگەر ۇلى ءابىش كەكىلباەۆ بالالىق كەزەڭىن وتكىزگەن، تۇنىق اسپانىندا بۇلبۇل كومەي روزا باعلانوۆا ءان شىرقاعان، ۇلى  سازگەر ءشامشى قالداياقوۆ پەن اقيىق اقىن تولەگەن ايبەرگەنوۆتىڭ شابىتىن شالقىتقان تاۋشىق اۋىلىنا 80 جىل تولدى.

تەرەڭ تاريحى بار اۋىل بۇگىندە اجارلى كەيپىمەن، بازارلى تۇرمىس-تىرشىلىگىمەن ماڭعىستاۋ وبلىسىنداعى ۇلگىلى، الدىڭعى قاتارلى اۋىلداردىڭ بىرىنە اينالدى. وبلىستا «ۇلگىلى اۋىل» اتانعان تاۋشىق اۋىلى كۇن ساناپ كوركەيىپ، گۇلدەنىپ كەلەدى. اۋىل ازاماتتارىنىڭ قولداۋىمەن، جاڭا نىساندار بوي كوتەرىپ، حالىق يگىلىگى ءۇشىن ماڭىزدى شارالار اتقارىلۋدا.

تاۋشىق اۋىلىنىڭ 80 جىلدىق مەرەيتويىنا ماڭعىستاۋ وبلىسىنىڭ اكىمى س.ترۇموۆ قاتىسىپ، ماڭعىستاۋ وبلىسىنىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن تاۋشىقتىڭ بىرقاتار تۇرعىندارىنا العىس حات تابىستادى.

سونداي-اق، فيلوسوفيا عىلىمدارىنىڭ دوكتورى، پروفەسسور تىلەپوۆ جۇمات، مەملەكەت جانە قوعام قايراتكەرى ل.قيىنوۆ، مەملەكەت جانە قوعام قايراتكەرى ز. الشىمباەۆ، مەملەكەت جانە قوعام قايراتكەرى، ماڭعىستاۋ وبلىسىنىڭ قۇرمەتتى ازاماتى ق.ەرەجەپوۆ، جازۋشى ءابىش كەكىلباي ۇلىنىڭ اپاسى، ەڭبەك ارداگەرى         كەكىلباەۆا قاراكوز باستاعان ازاماتتار «تاۋشىق اۋىلىنا 80 جىل» مەرەكەلىك توسبەلگىسىمەن، بىرقاتار ازاماتتار تۇپقاراعان اۋدانى اكىمىنىڭ قۇرمەت گراموتاسىمەن ماراپاتتالدى.

ەكى كۇنگە ۇلاسقان مەرەيتوي اياسىندا شاحتا ورتا مەكتەبىندە ينتەللەكتۋالدىق كونفەرەنتسيا وتكىزىلىپ، ء«سوز بەن ساز» باعدارلاماسى ۇيىمداستىرىلدى. سونداي-اق، «تاۋشىق اۋىلى» پاسپورتى ماكەتى مەن فەرمەر، مارقۇم ت.جولدىباەۆ اتىنا بەرىلگەن كوشەنىڭ اشىلۋى بولىپ، ءتۇرلى سپورتتىق جارىستار وتكىزىلدى.

ناتيجەسىندە 36 شاقىرىمدىق الامان بايگەدە 1-ورىنعا تىگىلگەن «نيۆا» اۆتوكولىگىن اقشىمىراۋلىق م.اقجىگىتوۆتىڭ «اقسۇڭقارى» يەلەنسە، 2-ورىننىڭ جۇلدەسى موتوتسيكلدى اتىراۋدان كەلگەن م.ماشانوۆتىڭ «ورتەكەسى» يەلەندى. سونداي-اق، بەينەۋلىك ءا.تاڭاتاروۆتىڭ «اقتاسى» 3-ورىنعا تىگىلگەن توڭازىتقىشتى ەنشىلەدى. ال، 4-ءشى، 5-ءشى ورىن جۇلدەگەرلەرىنە تيىسىنشە تەلەديدار مەن كىر جۋاتىن ماشينا تارتۋ ەتىلدى.

12 شاقىرىمدىق قاشىقتىققا بەلگىلەنگەن قۇنان بايگەدە 1-ورىن جەڭىمپازى جىلويلىق مىرزاعاليەۆتەر اۋلەتى 100 مىڭ تەڭگەگە، مارە سىزىعىن 2-ءشى بولىپ كەسىپ وتكەن بەينەۋلىك ك.ىبىراەۆ 70 مىڭ تەڭگەگە جانە 3-ورىن يەگەرى تۇپقاراعاندىق ق.قويشىباەۆ 50 مىڭ تەڭگە جۇلدەگە قول جەتكىزدى.

24 شاقىرىمدىق وشاق بايگەدە 1-ورىنعا تىگىلگەن موتوتسيكلدى تاۋشىق اۋىلىنىڭ تۇرعىنى حامزا يەلەنسە، 2-ورىنعا تىگىلگەن توڭازىتقىشتى جىلويلىق م.ماشانوۆ، 3-ورىن جۇلدەسى شاڭسورعىشتى قىزىلتوبەلىك مۇحانوۆ يەلەندى.

8 شاقىرىمدىق تاي بايگەدە 1-ورىن 70 مىڭ تەڭگە اقتاۋلىق اتبەگى اسىلبەككە، 2-ورىن 50 مىڭ تەڭگە ساي-وتەس اۋىلىنان كەلگەن ءتاتتىباي مەن  3-ورىن 30 مىڭ تەڭگە شەتپەنىڭ سەيىسى ەرلانعا بۇيىردى.

قازاق كۇرەسىنەن 1-ورىن ن.جارىلعاپوۆ جۇلدەگە تىگىلگەن تۇيەنى جەتەكتەپ كەتسە، 2-ورىن العان ج.تاڭاتوۆ 150 مىڭ تەڭگەنى، 3-ورىن يەگەرى ع.شولتاەۆ 100 مىڭ تەڭگەنى يەمدەندى. ال، قول كۇرەسىندە جۇلدەگەرلەر - س.قالدىباەۆ 50 مىڭ تەڭگەنى، ا.بەكتەمىسوۆ 30 مىڭ تەڭگەنى، ك.بەكقالي 20 مىڭ تەڭگەنى جەڭىپ الدى.

قوي كوتەرۋدە رينات زۋلحارناەۆ جۇلدەگە تىگىلگەن قويدى جەتەكتەسە، كەيىنگى ورىندارداعى تەمىربەك ءماجىلىس 30 مىڭ تەڭگەنى، راسۋل زۋلحارناەۆ 20 مىڭ تەڭگەنى قانجىعالارىنا بايلادى.

تاۋشىق تويى وتكەنگە قۇرمەت، بۇگىنگىگە ىزەت، كەلەشەككە ساباق بولار تاعىلىمدى توي بولدى.

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار