بۇل كۇندەرى ۇيەڭكى جاپىراقتار ەلىندە تۇرىپ جاتقان 39 جاستاعى ونولۋنوسە قارا قۇرلىقتاعى نيگەريا ەلىندە تۋىپ-وسكەن. ونىڭ كاسىپقوي رينگتە باق سىناپ جۇرگەنىنە 15 جىلدان استى. سول ۋاقىت ارالىعىندا 27 كەزدەسۋ وتكىزىپ, 24 مارتە جەڭىسكە جەتتى. سەگىز باسەكەنى مەرزىمىنەن بۇرىن اياقتادى. ەكى مارتە ۇتىلىپ, تاعى ءبىر تارتىستا تەڭ ەسەپ تىركەلدى. ءوزىنىڭ سوڭعى جەكپە-جەگىن البەرت ونولۋنوسە ۇستىمىزدەگى جىلدىڭ قاڭتار ايىندا مەكسيكالىق گەنارو ورتيسكە قارسى وتكىزىپ, ايقىن جەڭىسكە قول جەتكىزدى.
كاسىپقويلار اراسىندا جەتى جەكپە-جەك وتكىزىپ, سونىڭ بارلىعىندا مەرەيى ۇستەم بولعان 26 جاستاعى جانىبەك ءالىمحان ۇلى الداعى ايقاستا WBC Continental Americas نۇسقاسى بويىنشا التىن بەلبەۋىن قورعايدى.
