جاڭاوزەندە دەنساۋلىق سالاسىندا دارىگەرلەر اراسىندا كادر تاپشىلىعى كۇردەلى ماسەلە بولىپ وتىر. مىسالى, 2018 جىلى كارديولوگ, حيرۋرگ, اكۋشەر-گينەكولوگ, نەۆروپاتولوگ, جالپى تاجىريبەلى دارىگەر, نەانوتولوگ, ماممولوگ جانە وزگە دە 29 دارىگەر-مامان جەتىسپەسە, 2019 جىلى اكۋشەر-گينەكولوگ دارىگەر, ينفەكتسيونيست دارىگەر, بالالار انەستەزيولوگ-رەانيماتولوگ دارىگەرى, جتد دارىگەر, وكۋليست دارىگەر, لور دارىگەر, ونكولوگ دارىگەر, نەۆروپاتولوگ دارىگەرلەر جەتىسپەيدى.
- كادر جەتىسپەۋشىلىگىن شەشۋ ءۇشىن جاس ماماندارعا بىرىنشىلىك اقشالاي كومەك جانە تۇرعىن ءۇي ماسەلەسىن شەشۋ قاجەت. سونىمەن قاتار جۇرەك اۋرۋىنا شالدىققان ناۋقاستارعا قالا اۋماعىندا مەديتسينالىق كومەك كورسەتۋ ماقساتىندا, جەكە ينۆەستور قاراجاتى ەسەبىنەن كارديوورتالىق اشۋ جۇمىستارى جۇرگىزىلۋدە, 2019 جىلدىڭ قازان ايىندا قولدانىسقا بەرىلەدى دەپ جوسپارلانۋدا.
جاڭاوزەن قالاسىن الەۋمەتتىك-ەكونوميكالىق دامىتۋدىڭ 2012-2020 جىلدارعا ارنالعان كەشەندى جوسپارى شەڭبەرىندە «وزەنمۇنايگاز» اق-نىڭ قاراجاتى ەسەبىنەن «جاڭاوزەن قالاسىنداعى 50 كەرەۋەتتىك ستاتسيونارى بار مەديتسينالىق ورتالىقتىڭ قۇرىلىسىن اياقتاۋ» جوباسىنىڭ جوبالىق سمەتالىق قۇجاتتاماسىنا (جسق-نا) تۇزەتۋلەر جۇرگىزىلۋدە. بيۋدجەت قاراجاتى ەسەبىنەن 180 كەرەۋەتتىك «جاڭاوزەن قالاسىندا قالالىق اۋرۋحانانىڭ تەراپەۆتىك كورپۋس عيماراتىن سالۋ» جوباسى توقتاپ قالۋىنا بايلانىستى جۇمىسىن جانداندىرۋدى قاجەت ەتەدى,- دەدى جاڭاوزەن قالاسىنىڭ اكىمى ماقسات وڭعارباي ۇلى.
ماڭعىستاۋ وبلىسى
