باسقوسۋدا ماڭعىستاۋ وبلىسى سوتتارىنىڭ 9 ايدا اتقارعان سوت تورەلىگى بويىنشا جۇمىستارى ساراپقا سالىندى.سونداي-اق مەملەكەت باسشىسى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىنداعى سوتقا جۇكتەلگەن باستى مىندەتتەر تۋرالى ايتىلدى.
ە.قاراباەۆ بۇگىندە داۋلاردى بىتىمگەرشىلىكپەن شەشۋ باستى نازاردا ەكەندىگىنە توقتالىپ, ءوڭىر بويىنشا فرونت-وفيس, مەدياتسيا كابينەتتەرى, تاتۋلاستىرۋ ورتالىقتارى اشىلعانىن اتاپ ءوتتى. سونداي-اق ول ءوڭىر سوتتارىندا مەدياتسيا راسىممەن اياقتالعان ىستەردىڭ قاتارى وسكەنىن جەتكىزدى.
ودان ءارى ن.پريماشەۆ جولداۋدا اكىمشىلىك ادىلەت قۇرىلىمىن ەنگىزۋ قاجەتتىگى تۋرالى ايتىلعانىن نازارعا الىپ, مەملەكەتتىك ورگاندارمەن, اكىمدىكتەرمەن, قۇقىقتىق قاۋىمداستىقپەن كەلىسىلگەن اكىمشىلىك راسىمدىك-پروتسەستىك كودەكسىنىڭ جوباسى پارلامەنت ماجىلىسىندە قاراۋدا ەكەنىن اتاپ ءوتتى. «بۇل جوبا اكىمشىلىك راسىمدەردى جۇزەگە اسىرىپ, جاريا-قۇقىقتىق قاتىناستار سالاسىنداعى داۋلاردى شەشۋ جونىندەگى اكىمشىلىك ءىس جۇرگىزۋگە بايلانىستى قوعامدىق قاتىناستاردى رەتتەۋگە باعىتتالعان», دەدى ن.پريماشەۆ.
سپيكەرلەر قىلمىستىق, ازاماتتىق جانە اكىمشىلىك ىستەردى قاراۋداعى سوت تورەلىگىن جۇزەگە اسىرۋ جانە زاڭدىلىقتىڭ ساقتالۋ جاعدايى, سونىمەن قاتار, اتالعان ىستەردى قاراۋ كەزىندە تۋىندايتىن ماسەلەلەر مەن, ەڭ باستىسى, سوت جۇيەسىندەگى رەفورمالار تۋرالى اقپاراتتارمەن تانىستىردى.
ا.مولباەۆا سوت ءىسىن جۇرگىزۋدە قازىرگى زامانعى اقپاراتتىق تەحنولوگيالاردى قولدانۋ ماسەلەسىنە توقتالىپ, ونىڭ ىشىندە سوت وتىرىسىنا قاشىقتىقتان قاتىسۋ, تالاپ ارىزداردى ەلەكتروندى بەرۋ, سوت پروتسەستەرىنىڭ اۋديو-بەينەجازبالارعا تاسپالانۋى تۋرالى ايتتى. سونداي-اق ول باق بويىنشا 9 ايدا اتقارىلعان جۇمىستار تۋرالى اقپاراتتاردى نازارعا ۇسىندى.
2019 جىلدىڭ 9 ايىندا بارلىعى بۇقارالىق اقپارات قۇرالدارىندا 1674 جاريالانىم جاسالدى. اتاپ ايتساق, 344 ماقالا, ۆەب-سايتتاعى اقپاراتتار سانى - 556, تەلە-راديو ارنالارداعى جاريالانىم -171, عالامتور جاريالانىمدارى - 603.
باق وكىلدەرىنىڭ باسىم بولىگىنىڭ قىزىعۋشىلىعىن تۋدىرعان وڭىردەگى قىلمىستىق احۋال, سىبايلاس جەمقورلىق, پارا الۋ, پارا بەرۋ, ايەلدەر مەن بالالارعا قاتىستى قىلمىستار جانە قوعامنىڭ قىزىعۋشىلىعىن تۋدىرعان قىلمىستىق ىستەر تۋرالى ەرجان قاراباەۆ ناقتى ءارى جان-جاقتى مالىمەت بەردى.
بريفينگ بارىسىندا باق وكىلدەرى سوت جۇيەسىندەگى جاڭاشىلدىقتار, زاڭنامالارداعى وزگەرىستەر, كونستيتۋتسيالىق رەفورما ناتيجەسى جانە سوت تورەلىگىنىڭ ساپاسى تۋرالى سۇراقتار قويىپ, سپيكەرلەر تاراپىنان ناقتى جاۋاپتار الا الدى.
ماڭعىستاۋ وبلىسى
