جاستار اراسىندا تۋرنير وتكىزۋدەگى ماقسات – «جاستار جىلىندا» جاستاردى سالاۋاتتىلىققا تاربيەلەۋگە اتسالىسۋ, سونداي-اق باشقۇرت حالقىنىڭ تاريحي وتانى - باشقۇرتستاننىڭ 100 جىلدىعىنا وراي جاسوسپىرىمدەر اراسىندا اتالمىش كۇرەس ءتۇرىن ناسيحاتتاۋ.
«كۇرەش» – تۇركى حالىقتارى اراسىنداعى ءداستۇرلى كۇرەس ءتۇرى. باشقۇرتتاردا بۇل قارسىلاستار بەلىنە بەلبەۋ وراپ كۇرەسەدى. كۇرەش, كەز كەلگەن سپورت سياقتى, ادامدى دامىتادى. ول ادامداردى كۇشكە, توزىمدىلىككە, ءوز قابىلەتتەرىنە سەنۋگە تاربيەلەيدى, ولاردى سالاۋاتتى ءومىر سالتىنا جانە اتا-بابالارىنىڭ داستۇرلەرىن قۇرمەتتەۋگە داعدىلاندىرادى.
جەڭىمپازدار مەن جارىستىڭ بەلسەندى قاتىسۋشىلارى ديپلومدارمەن جانە مەدالدارمەن, سونىمەن قاتار اقشالاي سىيلىقتارمەن ماراپاتتالدى.
-وسى ءتۋرنيردىڭ جوعارى دەڭگەيدە وتۋىنە اتسالىسقانى ءۇشىن وبلىستىق مامانداندىرىلعان وليمپيادالىق رەزەرۆتەگى بالالار مەن جاسوسپىرىمدەر مەكتەبىنە, ديرەكتوردىڭ مىندەتىن اتقارۋشى قايسار قانات ۇلىنا, جاسوسپىرىمدەر ساناتىنداعى اعا جاتتىقتىرۋشى احمەدحانوۆ ريكشاگقا جانە بارلىق ەتنومادەني بىرلەستىكتەردىڭ توراعالارىنا, سونداي-اق وبلىستىق قازاقستان حالقى اسسامبلەياسىنا راحمەت ايتامىن, دەدى «سالاۆات» باشقۇرت ەتنومادەني بىرلەستىگىنىڭ ءتورايىمى بۋدچەنكو گۋزاليا حيسمەتقىزى.
