ايماقتار • 21 قازان، 2019

ماڭعىستاۋ سوتتارى 9 ايدا اتقارعان جۇمىسىن قورىتىندىلادى

77 رەتكورسەتىلدى

ماڭعىستاۋ وبلىستىق سوتىندا وتكەن كەڭەيتىلگەن كەڭەس جۇمىسىندا 2019 جىلعى 9 ايدا اتقارىلعان سوتتاردىڭ جۇمىسى تالقىلاندى. بۇل تۋرالى ماڭعىستاۋ وبلىستىق سوتىنىڭ ءباسپاسوز قىزمەتى حابارلادى.

كەڭەس جۇمىسىنا ماڭعىستاۋ وبلىستىق سوتىنىڭ توراعاسى ەرجان داۋليەۆ باستاعان سۋديالار كورپۋسى قاتىستى.

ءىس-شارا بارىسىندا وڭىردەگى سوت تورەلىگىن ساپالى اتقارۋ، زاڭدىلىقتى ساقتاۋ، سوتتاردىڭ جۇمىسىن ودان ءارى جەتىلدىرۋ ماسەلەلەرى بويىنشا القا توراعالارى، اۋداندىق جانە وعان تەڭەستىرىلگەن سوتتاردىڭ توراعالارى بايانداما جاسادى.

كەڭەستە ءسوز العان ەرجان داۋليەۆ اعىمداعى جىلدىڭ قىرقۇيەگىندە قازاقستان پرەزيدەنتى قاسىم-جومارت توقاەۆ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى" اتتى قازاقستان حالقىنا جولداۋىن جولداعانانىن اتاپ ءوتتى.

-پرەزيدەنتتىڭ العاشقى جولداۋىنان سوت جۇيەسى دە تىسقارى قالماي، ەكىنشى تاراۋى ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋگە ارنالدى. بۇل تاراۋدا ەلىمىزدەگى قۇقىق جۇيەسىندە قوردالانعان وزەكتى ماسەلەلەرگە ءمان بەرىلگەن. الدىمەن سوت شەشىمدەرىنىڭ ساپاسىن ارتتىرۋ، سۋديالاردىڭ زاڭدى جانە ىشكى سەنىمدى باسشىلىققا الىپ، شەشىم شىعارۋىنا دەن قويىلعان، دەدى وبلىستىق سوتتىڭ توراعاسى.

ودان ءارى ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسىنىڭ تورعاسى ەرجان قاراباەۆ ەسەپتى مەرزىمدە قارالعان قىلمىستىق ىستەردىڭ ستاتيستيكاسى تۋرالى بايانداپ، وڭىردە الاياقتىق، ەسىرتكى، پسيحوتروپتىق زاتتارمەن زاڭسىز جۇمىس ىستەۋ، قاراقشىلىق، بيلىك وكiلiن قورلاۋ، ۇرلىق سەكىلدى ساناتتاعى  قىلمىستىق ىستەردىڭ كوبەيگەنىن ايتتى.

2019 جىلدىڭ 9 ايىندا اۋداندىق جانە وعان تەڭەستىرىلگەن سوتتاردا 1657 تۇلعاعا قاتىستى 1455 قىلمىستىق ءىس اياقتالىپ، 15 تۇلعا بويىنشا اقتاۋ ۇكىمى شىعارىلعان  (2018 جىلدىڭ 9 ايىندا – 17 تۇلعا اقتالسا، ونىڭ ىشىندە 5 تۇلعا جەكە ايىپتاۋ ىستەرى بويىنشا اقتالعان). 15 تۇلعاعا قاتىستى اقتاۋ ۇكىمدەرى اقتاۋ قالالىق سوتىندا -6، جاڭاوزەن قالالىق سوتىندا –7، مۇنايلى اۋداندىق سوتىندا – 2 شىعارىلعان.

 وبلىس سوتتارىندا مەدياتورلارمەن 192 (اياقتالعان ىستەردىڭ 11،5%) قىلمىستىق ءىس قارالىپ، سوتتالۋشىلار جابىرلەنۋشىلەرمەن تاتۋلاسۋىنا بايلانىستى قىلمىستىق ءىس وندىرىستەن قىسقارتىلعان (2018ج. 9 ايىندا – 159 ءىس، 10،5%) ياعني 36 ىسكە كوبەيگەن.

سىبايلاس جەمقورلىققا قاتىستى 2019 جىلدىڭ 9 ايىندا اۋداندىق جانە وعان تەڭەستىرىلگەن سوتتاردا 35 تۇلعاعا قاتىستى ءىس اياقتالعان (2018 جىلى-19/33، 1-تۇلعاعا كوبەيگەن). اۋداندىق سوتتار بويىنشا 568 ەلەكتروندىق قىلمىستىق ىستەر قارالعان، جالپى اياقتالعان ىستەردىڭ 34،2 پايىزىن قۇرايدى.

ال، ازاماتتىق ىستەر جونىندەگى سوت القاسىنىڭ توراعاسى نۇرساپا پريماشەۆ ەسەپتى مەرزىمدە ازاماتتىق ىستەردىڭ ازايعانىن، تاتۋلاستىرۋ راسىمدەرى بويىنشا قىسقارتىلعان ىستەردىڭ كوبەيگەنىنە توقتالدى.

ستاتيستيكالىق مالىمەتتەرگە سايكەس، وسى كەزەڭدە بارلىعى 17328 ءىس قارالىپ اياقتالعان، بىلتىر اياقتالعان ىستەردىڭ سانى 25 317 بولاتىن، ياعني بارلىق اياقتالعان ىستەردىڭ سانى 7 989 داناعا ازايعان.

1 693 ءىس تاتۋلاستىرۋ راسىمدەرىن قولدانۋ ارقىلى قىسقارتىلعان. ولاردىڭ ىشىندە 264 ءىس بىتىمگەرشىلىككە كەلۋ ارقىلى اياقتالعان. بىلتىر 943 ءىس تاتۋلاستىرۋ راسىمدەرىن قولدانۋ ارقىلى اياقتالعان، ياعني بۇل كورسەتكىش 750 داناعا وسكەن. ولاردىڭ ىشىندە 1423 ءىس مەدياتسيانىڭ تارتىبىمەن اياقتالعان. پارتيسيپاتيۆتىك كەلىسىمگە كەلۋ ارقىلى 6 ءىس قارالعان، بىلتىر 3 ازاماتتىق ءىس پارتيسيپاتيۆتىك تارتىپتە قارالعان بولاتىن.

2019 جىلدىڭ 9 ايىندا اقتاۋ قالاسىنىڭ مامانداندىرىلعان اكىمشىلىك جانە وبلىستىڭ اۋداندىق سوتتارىندا بارلىعى 10 589 اكىمشىلىك ءىس قارالعان. بىلتىر سوتتاردا 13 401 ءىس قارالعان بولاتىن، ياعني قارالعان ىستەردىڭ سانى 2812 داناعا ازايعان.

قۇقىق بۇزۋشى رەتىندە جاۋاپكەرشىلىككە 200 زاڭدى تۇلعا تارتىلعان، قالعاندارى جەكە تۇلعالار.          

كەڭەس سوڭىندا سوت توراعالارىنا نۇسقاۋلىقتار مەن ەسكەرتۋلەر بەرىلىپ، قاتاڭ تالاپتار قويىلدى.

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار