ايماقتار • 21 قازان، 2019

ماڭعىستاۋلىق تاەكۆوندوشىلار اتىراۋعا جارىسقا اتتانباق

38 رەتكورسەتىلدى

مۇنايشىلار استاناسىندا جاسوسپىرىمدەر اراسىندا 26-27 قازاندا تاەكۆوندو GTF تۇجىرىمى بويىنشا Atyrau Open ءتۋرنيرى وتەدى. ەلىمىزدىڭ باتىس وڭىرلەرىنەن، اتاپ ايتقاندا ورال، اقتوبە، اتىراۋ جانە اقتاۋدان بارلىعى 300 سپورتشى قاتىسادى دەپ كۇتىلۋدە. 

ماڭعىستاۋدىڭ نامىسىن قورعاۋعا باپكەر بۇركىت يساك ۇلىنىڭ شاكىرتتەرى ساقاداي-ساي دايىن. قازىر ولار «وركەن» وقۋ ورتالىعىندا بالعىن تاەكۆوندوشىلار وقۋ-جاتتىعۋ جيىنىن وتكىزۋدە.

ايتا كەتۋ كەرەك، فەدەراتسيانىڭ بولىمشەلەرى «ورلەۋ» جانە ءنومىرى 8 ورتا مەكتەپتە دە جۇمىس جاسايدى. ماڭعىستاۋ وبلىستىق تاەكۆوندو GTF فەدەراتسياسى وسىدان 8 جىل بۇرىن ءوز جۇمىسىن باستاعان بولاتىن، ونىڭ پرەزيدەنتى ساتتىعۇل ءابىتوۆ.

وسى ۋاقىت  ارالىعىندا بالعىن تاەكۆوندوشىلار كوپتەگەن حالىقارالىق تۋرنيرلەر، ەل بىرىنشىلىكتەرى، ەۋروپا جانە الەم چەمپيوناتتارىندا جۇلدەگەر اتانىپ ءجۇر. باپكەر شاكىرتتەرىنىڭ اتوي سالاتىندارىنا سەنىمدى. 

-اتىراۋدا وتەتىن تۋرنير جوعارى دەڭگەيگە ۇيىمداستىرىلاتىنىنا كۇمان كەلتىرمەيمىز. ءبىزدىڭ كوماندا مەدالدىڭ بارلىعىنان ءۇمىتتى، اسىرەسە التىن كوبىرەك بولادى دەگەن ويدامىن. شاكىرتتەرىمدى جەڭىسكە بارىنشا جىگەرلەندىرۋدەمىن،  دەيدى باپكەر.

سپورتشىلارعا وزدەرىنىڭ سپورتتىق شەبەرلىكتەرىن شىڭداپ، ءوزارا تاجىريبە الماسىپ، دايىندىقتارىن كورسەتۋگە جانە باسقا دا جارىستاردا ءوز مىقتىلىقتارىن دالەلدەۋگە مۇمكىندىك بار. 

سوڭعى جاڭالىقتار

كۇلكى كەرۋەنى № 16

رۋحانيات • كەشە

اقىنعا ارنالعان كۇن

رۋحانيات • كەشە

باسپانامەن قامتيتىن باستى قۇجات

باعدارلامالار • كەشە

بولمىسى ءبۇتىن باعاەۆ

رۋحانيات • كەشە

ۇقساس جاڭالىقتار