ايماقتار • 20 قازان، 2019

اقتاۋ: «چحۋسوك» مەيرامىن اتاپ ءوتتى

32 رەتكورسەتىلدى

ماڭعىستاۋ تۋريزم كوللەدجىندە وڭىرلىك كورەي ەتنومادەني ورتالىعى "چحۋسوك" ءداستۇرلى مەرەكەسىن اتاپ ءوتتى.

اتالمىش ءىس-شاراعا كوللەدج مۇعالىمدەرى مەن ستۋدەنتتەرى، كورەي ەتنومادەني ورتالىعىنىڭ وكىلدەرى، «جاڭعىرۋ جولى» رەسپۋبليكالىق جاستار قوزعالىسىنىڭ وڭىرلىك شتابى قاتىستى.

«چوسون» كورەي ەتنومادەني بىرلەستىگىنىڭ ءتورايىمى مادەنوۆا رايسا كەلگەن قوناقتاردى كورەي حالقىنىڭ مادەنيەتىمەن، سالت-داستۇرىمەن، ونەرىمەن تانىستىرىپ ءوتتى.

«چحۋسوك» – قىركۇيەك پەن قازان ايىنىڭ ورتاسىندا تويلاناتىن كورەي حالقىنىڭ ەڭ اتاۋلى مەرەكەسى. كورەيادا بۇل مەرەكە 5 كۇن قاتارىنان تويلانادى. مەرەكە اتاۋىنىڭ ماعىناسىنا زەر سالساق «چحۋ» كورەي تىلىنەن اۋدارعاندا - كۇزدى، «سوك» - كەشتى بىلدىرەدى ەكەن، ياعني «كۇزگى كەش» دەپ اۋدارىلادى. مەرەكە ەجەلدەن كۇزگى جيىن-تەرىم جۇمىستارىنىڭ اياقتالۋىنا سايكەس تۇستا، اي تولعان كەزدە تويلانادى. اتاۋلى مەرەكە ارنايى جەمىس-جيدەكتەردىڭ، ءداندى داقىلداردىڭ ءپىسىپ جەتىلگەن كەزىنە ورايلاستىرىلىپ وتكىزىلەتىن ىرىس-بەرەكەنى، ەڭبەكتى ناسيحاتتايتىڭ دۋماندى مەرەكە.

ءىس-شارا بارىسىندا جاقىندا وتكەن كورەي كينوفەستيۆالىنىڭ جوعارى دەڭگەيدە وتۋىنە ۇلەس قوسقان بىرنەشە جاستار العىس حاتتارمەن ماراپاتتالدى. سونىمەن قاتار «NURBANK» اق اقتاۋ قالاسىنداعى فيليالى كورەي وكىلدەرىنىڭ اعا بۋىندارىن اتاۋلى مەرەكەمەن قۇتتىقتاپ، سىيلىقتار تابىستادى. 

«چحۋسوك» مەيرامىندا كورەي حالقىنىڭ ۇلتتىق تاعامدارى جانە ۇلتتىق كيىمدەرىنەن كورمە جاساقتالدى. ءىس-شارا سوڭىندا ءان شىرقالىپ، مەرەكە كوڭىلدى اياقتالدى.

سوڭعى جاڭالىقتار

كۇلكى كەرۋەنى № 16

رۋحانيات • كەشە

اقىنعا ارنالعان كۇن

رۋحانيات • كەشە

باسپانامەن قامتيتىن باستى قۇجات

باعدارلامالار • كەشە

بولمىسى ءبۇتىن باعاەۆ

رۋحانيات • كەشە

ۇقساس جاڭالىقتار