بۇل بوكسشىلاردىڭ بارلىعىنىڭ دا ەسىمى جانكۇيەرلەرگە جاقسى تانىس. ماسەلەن, 37جاستاعى كەللي پاۆليك 2007-2010 جىلدار ارالىعىندا WBC پەن WBO نۇسقالارى بويىنشا الەم چەمپيونى اتاندى. كاسىپقوي رينگتە بارلىعى 42 جەكپە-جەك وتكىزگەن ول 40 رەت (34 نوكاۋت) جەڭىسكە جەتتى.
36 جاستاعى سەرگەي كوۆالەۆ قازىرگى كەزدە WBO نۇسقاسىنىڭ تەڭدەسسىزى. ورىس جىگىتى 38 رەت شارشى الاڭعا كوتەرىلىپ, 34 مارتە (29 نوكاۋت) جەڭىسكە جەتتى. ءۇش رەت ۇتىلىپ, تاعى ءبىر باسەكەدە تەڭ ەسەپ تىركەلدى.
28 جاستاعى پاتريك تەيشەرا دا بىرقاتار نۇسقالاردىڭ التىن بەلبەۋىنىڭ يەگەرى. وڭتۇستىك امەريكانىڭ وعلانى 30 كەزدەسۋدىڭ تەك بىرەۋىندە عانا ۇتىلدى. قالعانىن ءوز پايداسىنا شەشىپ, 22 قارسىلاسىن ەسىنەن تاندىردى.
ەستەرىڭىزگە سالا كەتەيىك, «Qazaq Promotions» ۇيىمى 26 قىركۇيەكتە الماتىداعى بالۋان شولاق اتىنداعى مادەنيەت جانە سپورت سارايىندا بوكس كەشىن وتكىزەدى. سول جارىستىڭ باستى جەكپە-جەگىندە قازاقتىڭ ۇلى قانات يسلام ناميبيالىق ۋولتەر كاۋتوندوكۆامەن ايقاسادى.
