ايماقتار • 18 قازان، 2019

اۋە شابۋىلىنا قارسى لاگەرلىك جيىن اياقتالدى

24 رەتكورسەتىلدى

ماڭعىستاۋ وبلىسى «باتىس» وڭىرلىك قولباسشىلىعىنىڭ «ويماشا» پوليگونىندا اۋە شابۋلىنا قارسى قورعانىس بولىمشەلەرىنىڭ لاگەرلىك جيىنى اياقتالدى. «باتىس» وڭىرلىك قولباسشىلىعى باسقارماسىنىڭ ءباسپاسوز قىزمەتىنەن كاپيتان رۋستەم  يگيسينوۆ حابارلادى.

اقتاۋ، اقتوبە جانە اتىراۋ گارنيزوندارى اۋە شابۋىلىنا قارسى قورعانىس بولىمشەلەرىنىڭ 200-گە جۋىق اسكەري قىزمەتشىسى مەن 50-گە جۋىق اسكەري تەحنيكاسى ءىس-جۇزىندە جاۋىنگەرلىك ماقساتتاعى ماسەلەلەردى پىسىقتادى.

اسكەري قىزمەتشىلەر زۋ-23-2 زەنيتتىك قوندىرعىلارىنان جانە تاسىمالداناتىن زەنيتتىك-زىمىران كەشەنىنەن جاۋىنگەرلىك جانە وقۋ-جاتتىعۋ اتىستارىن، زەنيتتىك-ارتيللەريالىق ۆزۆودتار اتىستارىن جانە زەنيتتىك ديۆيزيوننىڭ تاكتيكالىق جاتتىعۋلارىن ورىندادى، سونداي-اق جاۋىنگەرلىك ۇيلەستىرۋدىڭ سوڭعى كەزەڭىن پىسىقتادى.

جيىن بارىسىندا دايىندىعى جاقسى بولىمشەلەردى انىقتاۋ ءۇشىن ارنايى سايىس ۇيىمداستىرىلدى. اسكەري قىزمەتشىلەر زەنيتتىك ارتيللەريانىڭ اتىس كۋرسى بويىنشا تەوريالىق ەرەجەلەرىنەن بىلىكتىلىكتەرىن كورسەتىپ، تاكتيكالىق جانە ارنايى دايارلىق بويىنشا كورسەتكىشتەتىن ورىندادى.

«باتىس» وڭىرلىك قولباسشىلىعىنىڭ اۋە شابۋىلىنا قارسى قورعانىس اسكەرلەرىنىڭ باستىعى پودپولكوۆنيك رۋسلان نۇراحمەتوۆتىڭ ايتۋىنشا، اتىراۋ قالاسى اسكەري ءبولىمىنىڭ زەنيتشىلەرى ۇزدىك ناتيجەگە قول جەتكىزگەن.

وتكىزىلگەن جاۋىنگەرلىك اتىستار مەن تاكتيكالىق وقۋ-جاتتىعۋلاردىڭ ناتيجەلەرى بويىنشا زەنيتتىك بولىمشەلەردىڭ كومانديرلەرى ولاردى جاۋىنگەرلىك ازىرلىككە كەلتىرۋ كەزىندە، جاۋىنگەرلىك ءىس-قيمىلداردى دايىنداۋ جانە جۇرگىزۋ كەزىندە اسكەرلەردى باسقارۋدا جاڭا پراكتيكالىق تاجىريبە الدى. زەنيتتىك ديۆيزيونداردىڭ تاكتيكالىق جاتتىعۋلارى جاقسى دايىندالعان بولىمشەلەردى انىقتاۋعا، سونداي-اق اۋە شابۋىلىنا قارسى قورعانىس اسكەري قىزمەتشىلەرىن دايارلاۋ جۇيەسىن ودان ءارى جەتىلدىرۋ ءۇشىن جۇمىس جوسپارىن انىقتاۋعا مۇمكىندىك بەردى.

سوڭعى جاڭالىقتار

ءجۇز جىل

100 • كەشە

تاپا تال تۇستەگى قاراقشىلىق

ايماقتار • 20 قاراشا، 2019

ۇقساس جاڭالىقتار