- تەاتر ارۋاقىتتا حالىقپەن تەاتر. قۇرىلعانىنا ءبىر جىل تولعان «جاڭا عاسىر» تەاترىنىڭ العاشقى ءىس-ساپارىن 362 اۋليە مەكەن ەتكەن كيەلى ماڭعىستاۋ وڭىرىنەن باستاعاندى ءجون كوردىك. ماقساتىمىز - جاس تالانتتاردى حالىقپەن تانىستىرىپ, ەلگە كورسەتۋ, دەدى قازاقستاننىڭ حالىق ءارتىسى ءاسانالى ءاشىموۆ.
جاس تەاتردىڭ ءبىر ەرەكشەلىگى – مۇنداعى 27 ءارتىستىڭ بارلىعى ءبىر وقۋ ورنىندا, ءبىر فاكۋلتەتتە بىرگە وقىعان كۋرستاستار. قويىلىمدارىن وزدەرى جازىپ, وزدەرى قويىپ, وزدەرى ويناپ شىعادى. بيىل عانا قۇرىلعان ۇجىم از ۋاقىتتا قورجىنىن 10 سپەكتاكلمەن تولتىرىپ ۇلگەرگەن. كوستيۋمەر, رەجيسسەر, درامماتۋرگ, اكتەرلار دا ءوز ىشىندە. ولار اقتاۋدا العاش كورەرمەن نازارىنا ن.ءجانتورين اتىنداعى وبلىستىق مۋزىكالىق دراما تەارت ساحناسىندا جاس اكتەر ەلدار تاشكەنبايدىڭ شىعارماسىنان الىنعان «سوڭعى قوڭىراۋ» پوەتيكالىق كومەدياسىن ۇسىنباق.
- قازىر 21-عاسىر عوي. بۇگىنگى كورەرمەننىڭ كوزقاراسى بولەك, ويى بولەك. سوعان لايىقتى, سوعان ساي شامامىز كەلگەنشە تىرىسۋدامىز. جاڭاشا جول ىزدەپ, اكتەرلەردىڭ ءرول سومداۋ ادىستەرىنە دە وزگەرىستەر ەنگىزدىك, دەدى «جاڭا عاسىر» تەاترىنىڭ كوركەمدىك جەتەكشىسى تالعات كۋبەكوۆ.
العاشقى ءىس-ساپارىن ماڭعىستاۋ وڭىرىنەن باستاعان تەاتر ۇجىمىنىڭ كەلەسى گاسترولدىك ساپارى اتىراۋ, اقتوبە, باتىس قازاقستان, قىزىلوردا وبلىستارىندا جالعاساتىن بولادى.
ماڭعىستاۋ وبلىسى
