سپورتتى جانى سۇيگەن جاسوسپىرىمدەردى شىڭدايتىن بىرەگەي جوبا بۇگىندە قاناتىن كەڭگە جايىپ كەلەدى. ايتۋلى شارا تۇرمىستىق جاعدايى تومەن وتباسىلاردان شىققان بالالارعا ارنالعان. بۇل جولى شاھاردىڭ ناۋرىزباي اۋدانىندا وتكەن سپورتتىق دوداعا الماتى قالاسى جانە الماتى وبلىسىنان 150-گە تارتا بالا قاتىستى.
ەركىن كۇرەستەن باق سىناعان بالعىن بالۋاندار ەكى جاس ەرەكشەلىكتەرى (9 بەن 13) بويىنشا بوزكىلەمدى شاڭداتتى. جارىس الماتى قالاسى اكىمدىگىنىڭ قولداۋىمەن ءوتىپ وتىر. ۇيىمداستىرۋشىلار سايىستىڭ ماقساتى – وسكەلەڭ ۇرپاقتى سپورتقا باۋلىپ, سالاۋاتتى ءومىر سالتىن ناسيحاتتاۋ ەكەنىن ايتادى.
ء«ىس-شارانىڭ باستى ماقساتى - جاستاردىڭ سپورتقا دەگەن كوزقاراسىن وزگەرتۋ, ويتكەنى بالالار قازىر ۇيالى تەلەفون نەمەسە تەلەديدار, كومپيۋتەر دەپ ۇيدە وتىرىپ قالادى. بولماسا ساندالىپ دالادا جۇرەدى. سول سەبەپتەن بالالاردىڭ بارلىعىن ءبىز جاتتىعۋ زالىنا تارتىپ جاتىرمىز», – دەيدى «باتىل بول» جوباسىنىڭ جەتەكشىسى مۇحتار تۇرسىنوۆ.
الماتى
