مەديتسينا • 11 قازان، 2019

بەردىبەك ساپارباەۆ اقتاۋ ەمحانالارىن ارالادى

37 رەتكورسەتىلدى

بۇگىن قازاقستان رەسپۋبليكاسىنىڭ پرەمەر ءمينيسترىنىڭ ورىنباسارى بەردىبەك ساپارباەۆ اقتاۋ قالاسىنداعى ەمحانالاردى ارالادى.

الدىمەن جۇمىس ساپارى اقتاۋ قالالىق №2 ەمحاناسىنان باستالدى. ەمحانا باسشىسى بەكتىباي تولەگەنوۆ ناۋقاستاردى قابىلداۋ ءتارتىبى، ەمحانا مۇمكىندىكتەرى، مەديتسينالىق قىزمەتكەرلەردىڭ جالاقىسى تۋرالى بايانداپ بەردى. بەردىبەك ساپارباەۆ ەمحاناعا كەلگەن ناۋقاستارمەن تىلدەسىپ، مەديتسينالىق قىزمەت كورسەتۋدىڭ ساپاسى تۋرالى سۇرادى. كەزدەسۋ ماڭعىستاۋ وبلىستىق اۋرۋحاناسىندا جالعاسىن تاپتى.

شارا بارىسىندا «الەۋمەتتىك مەديتسينالىق ساقتاندىرۋ قورى» باسقارما توراعاسى ايباتىر جۇماعۇلوۆ ماڭعىستاۋ وبلىسىنىڭ مەديتسينالىق ساقتاندىرۋعا قانشالىقتى دايىن ەكەندىگىن جەتكىزدى. «ماڭعىستاۋدا 99 پايىز تۇرعىن ساقتاندىرىلعان ستاتۋسىن الىپ وتىر. بۇل كورسەتكىش باسقا ايماقتارعا قاراعاندا الدەقايدا جوعارى»، - دەپ اتاپ ءوتتى ايباتىر نىشانباي ۇلى. ونىڭ كەلتىرگەن دەرەكتەرى بويىنشا، ماڭعىستاۋدا شامامەن 15 مىڭ ادامنىڭ مارتەبەسى جاڭارتىلعان جوق.

-بۇگىنگى تاڭدا 2018 جىلدىڭ باسىندا مارتەبەگە يە بولعان 2،7 ملن ادامنىڭ 2 ملن. استامى (نەمەسە 74،6%) مەملەكەتتىك ورگانداردىڭ دەرەكقورىندا انىقتالدى. ءبىز بۇل ادامداردىڭ مارتەبەسىن ايقىنداۋ ءۇشىن جەرگىلىكتى ورىنداۋشى ورگاندارمەن ۇلكەن جۇمىس جۇرگىزدىك. قالعان 700 مىڭعا جۋىق ادامدى راسىمدەۋ وسى جىلدىڭ سوڭىنا دەيىن اياقتالادى، - دەيدى ول.

پرەمەر ءمينيستردىڭ ورىنباسارى بەردىبەك ساپارباەۆ مەديتسينالىق ساقتاندىرۋ جۇيەسىنىڭ ارتىقشىلىقتارىنا توقتالدى. «الەم تاجىريبەسىندە بار بۇل جۇيەگە ءبىز دە ءوتۋىمىز كەرەك. اسكەري قىزمەتكەرلەر مەن مەملەكەتتىك قىزمەتكەرلەردەن كەيىن، انت بەرەتىن مامان يەلەرى – دارىگەرلەر. سول سەبەپتى دارىگەرلەر انتقا ادال بولۋى ءتيىس»، - دەدى ۇكىمەت باسشىسىنىڭ ورىنباسارى.

سوڭعى جاڭالىقتار

سىرداعى دوستىق مەرەكەسى

ايماقتار • كەشە

كۇلكى كەرۋەنى № 19

رۋحانيات • كەشە

جاس بۋىن جاڭعىرۋ جولىندا

رۋحانيات • كەشە

ۇقساس جاڭالىقتار