ايماقتار • 11 قازان، 2019

ماڭعىستاۋ وبلىسى وندى اۋىلىندا جاڭا مەشىت اشىلدى

42 رەتكورسەتىلدى

ماڭعىستاۋ اۋدانىنىڭ وندى اۋىلىندا جاڭا مەشىت اشىلدى. رۋحاني وردانىڭ اشىلۋ راسىمىنە ارنايى كەلگەن پرەمەر-ءمينيستردىڭ ورىنباسارى بەردىبەك ساپارباەۆ الدىمەن «اي-انا» ەسكەرتكىشىنە تاعزىم ەتتى. ەسكەرتكىش 2009 جىلى ەل تىلەگىن تىلەگەن انالاردىڭ قۇرمەتىنە، ۇلى وتان سوعىسىنا اتتانىپ ورالماعان جۇبايلارىن كۇتكەن انالارىمىزدىڭ سيمۆوليكالىق بەينەسى رەتىندە، ابىشتەي دانانى دۇنيەگە اكەلگەن ايساۋلە انامىزعا ارناپ تۇرعىزىلعان بولاتىن.

ال، جەرگىلىكتى تۇرعىنداردىڭ قولداۋىمەن بوي كوتەرگەن مەشىت وسى جىلدىڭ ءساۋىر ايىندا باستالعان بولاتىن. ءبىر ۋاقىتتا 130-داي ادام قۇلشىلىق جاساي الاتىن مەشىتتە ەر ادامدار مەن ايەل ادامدارعا ارنالعان بولمە، كۇمبەز جانە ءدارىس بولمەلەرى بار. جالپى اۋماعى 250 شارشى مەتردى الاتىن وردا مۇناراسىنىڭ بيىكتىگى 15 مەتر، كۇمبەزى 12 مەتر، ال قابىرعالارى 5 مەتردى قۇرايدى.

-قازاقتا كيەلى، قاسيەتتى جەرلەر كوپ. دەسە دە، ۇلى ويشىل، كەمەڭگەر جازۋشى ءابىش كەكىلباەۆتاي ءبىر تۋار ازاماتتى دۇنيەگە اكەلگەن بۇل توپىراقتىڭ ورنى بولەك. وسى كيەلى وڭىردەن ابەكەڭنىڭ ءالى تالاي ءىزباسارلارى شىعادى دەپ ويلايمىز. بۇگىنگى 80 جىلدىق مەرەيتويدىڭ كەلەشەك ۇرپاق ءۇشىن تاريحي ماڭىزى وتە زور. الماتىدان باستاۋ العان شارالاردىڭ جالعاسى بۇگىن ماڭعىستاۋدا وتسە، ەرتەڭ ەلورداسى نۇر-سۇلتاندا جالعاسىن تاپپاق. وسىنداي شارالارعا ات سالىسىپ جۇرگەنىمىز – ءابىش اعانىڭ ارۋاعىنىڭ الدىنداعى بورىشىمىزدىڭ وتەلگەنى دەپ بىلەمىن، - دەپ بەردىبەك ماشبەك ۇلى ءوزىنىڭ جىلى لەبىزىن ءبىلدىردى.

سونىمەن قاتار ماڭعىستاۋ اۋدانىنا جۇمىس ساپارى بارىسىندا ۇكىمەت باسشىسىنىڭ ورىنباسارى وندى اۋىلىنداعى ءابىش كەكىلباي ۇلى ءبىلىم العان ورتا مەكتەپتىڭ تىنىس-تىرشىلىگىمەن تانىستى. ابىز تۇلعا بۇل ءبىلىم ورداسىندا 2-8 سىنىپ ارالىعىندا وقىپ، بالالىق شاعىن وسى جەردە وتكىزگەن. مەكتەپتەگى ابىز تۇلعانىڭ اتىنداعى مۇراجايعا بەردىبەك ساپارباەۆ جازۋشىنىڭ ديدارى بەينەلەنگەن كىلەم سىيعا تارتتى.

سوڭعى جاڭالىقتار

تاۋەلسىزدىك – تۇعىرىم

ايماقتار • بۇگىن، 17:01

جاس وتباسىلار باسپانالى بولدى

ايماقتار • بۇگىن، 16:16

كۇلكى كەرۋەنى № 25

رۋحانيات • بۇگىن، 12:49

بقو-دا جاستار سىيلىعى تابىستالدى

ايماقتار • بۇگىن، 10:01

ىرگەلى جوبالار جۇزەگە استى

قوعام • بۇگىن، 07:47

قولداۋ عىلىمعا قاجەت

قوعام • بۇگىن، 07:39

اپتا ۇزدىگى اتاندى

حوككەي • بۇگىن، 07:35

سۇيىسپەنشىلىكتىڭ اناسى – ىقىلاس

رۋحانيات • بۇگىن، 07:26

ۇقساس جاڭالىقتار