ايماقتار • 10 قازان، 2019

ماڭعىستاۋ وبلىسى مۇنايلى اۋدانىندا قوعامدىق قابىلداۋ ءوتتى

40 رەتكورسەتىلدى

مۇنايلى اۋدانىندا «نۇر وتان» پارتياسىنىڭ عيماراتىندا قوعامدىق قابىلداۋ ءوتتى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ ءباسپاسوز قىزمەتىنەن حابارلادى.

ازاماتتاردى قابىلداۋدى مۇنايلى اۋدانىنىڭ اكىمى ر.ت.ەلتيزاروۆ، سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى س.قانىبەكوۆ جانە Nur Otan پارتياسىنىڭ مۇنايلى اۋدانى فيليالى توراعاسىنىڭ ءبىرىنشى ورىنباسارى م.ب.كامالوۆ جۇرگىزدى. 

شاراعا «ماڭعىستاۋ – ادالدىق الاڭى» جوبالىق كەڭسەسىنىڭ وكىلدەرى دە قاتىستى.

قابىلداۋعا ءتۇرلى سۇراقتارمەن 15 ازامات جۇگىندى. قابىلداۋعا كەلگەن ازاماتتاردىڭ باسىم كوپشىلىگى، ياعني 8-ءى باسپانا ماسەلەسىن كوتەرسە، 3-ءۋى جەر ماسەلەسىن كوتەرگەن. سونىمەن قاتار قارجى، جۇمىس سۇراپ كەلگەندەر دە بار ەكەن.

باياندى سەلوسىنىڭ ءبىر توپ تۇرعىنى تۇرعىلىقتى جەرى بويىنشا گاز تارتىپ بەرۋ ماسەلەسىن كوتەرسە، اۋدان تۇرعىنى گ.بۇحارباەۆا وزىنە اماناتقا قالدىرىلعان ۇلتى قاراقالپاق، وزبەكستان ازاماتى بولىپ ەسەپتەلەتىن بالانىڭ بۇگىندە قۇجاتسىز، 22 جاستاعى ازامات ەكەنىن ايتىپ، شەشىلمەگەن داۋلى ماسەلەگە قولۇشىن بەرۋدى سۇراپ كەلگەن.

بارلىق ارىز-شاعىمدار مۇقيات تىڭدالىپ، زاڭ تۇرعىسىندا اقىل-كەڭەستەر بەرىلدى.

 

 

ماڭعىستاۋ وبلىسى

                          

 

 

 

 

سوڭعى جاڭالىقتار

ۇقساس جاڭالىقتار