رەسپۋبليكا بويىنشا وڭىرلەر اراسىندا العاشقى بولىپ ماڭعىستاۋدا وتكىزىلىپ جاتقان شاراعا 200-گە جۋىق قىز-كەلىنشەك قاتىسۋدا. ايەلدەر مەن كوپ بالالى انالاردى ۇلتتىق برەند ارقىلى شاعىن جانە ورتا بيزنەسكە تارتۋ ماقساتىنداعى فەستيۆال اياسىندا جەكە كاسىبىن باستاعىسى كەلەتىن قىز-كەلىنشەكتەر ءۇش كۇن ترەنينگ-ساباقتارعا قاتىسادى. سونان سوڭ شەبەرلەر قولىنان شىققان كورپە, قورجىن, شىمىلدىق, قامزول, كاجەكەي, بەسىك جاساۋلارى سىندى ۇلتتىق بۇيىمدار كورمەسى وتەدى.
- «كورپە فەست» مەگا ءفيستيۆالى العاش رەت نۇر-سۇلتان قالاسىندا وتكەن ەدى. وڭىرلەردە وتكىزسەم دەگەن ويىم ءساتى ءتۇسىپ ماڭعىستاۋ جەرىنەن باستالىپ تۇر. مەن بۇدان ءۇش جىل بۇرىن ماڭعىستاۋعا كەلىپ شەبەرلىك سىنىپتارىن وتكىزگەنمىن, سول كەزدە ءدارىسىمدى تىڭداعان شاكىرتتەرىم ءۇش جىل بويعى ىزدەنىستەرىن كورمەدە كورسەتەتىن بولادى, ياعني ەسەپ بەرۋ دەۋگە بولادى. ترەنينگتە بۇرىننان قاتىسىپ كەلە جاتقان قىزدارعا كۇردەلى ديزاين تاپسىرمالارى بەرىلسە, جاڭادان قاتىسۋشىلارعا تەحنولوگيا الىپپەسى ۇيرەتىلەدى, - دەيدى ى.تۇرسىنزادا.
ماڭعىستاۋ وبلىسى
