ايماقتار • 09 قازان، 2019

ماڭعىستاۋدا ءابىش پەن فاريزا شىعارماشىلىعىنا ارنالعان «ءسوز بەن ساز» كەشى وتەدى

77 رەتكورسەتىلدى

ماڭعىستاۋ ارناسىنداعى ء«سوز بەن ساز» باعدارلاماسىنىڭ 27- كونتسەرتى، قازاق ادەبيەتىنىڭ كورنەكتى وكىلدەرى ءابىش كەكىلباەۆپەن فاريزا وڭعارسىنوۆانىڭ 80 جىلدىعىنا وراي ۇيىمداستىرىلۋدا. بۇل تۋرالى ماڭعىستاۋ وبلىسىنىڭ وڭىرلىك كوممۋنيكاتسيا قىزمەتىنەن حابارلادى.

ماڭعىستاۋ اۋدانىندا وتەتىن مەرەكەلىك كەشكە قازاقستاننىڭ ءار ايماعىنان جينالعان سازگەرلەردىڭ ۇلى تۇلعالارىمىزعا ارناپ شىعارعان اندەرى شىرقالاتىن بولادى.

- وسى ۋاقىتقا دەيىن ءابىش كەكىلباي ۇلى مەن فاريزا وڭعارسىنوۆاعا ارناپ، ارعى تاريحى وتىز جىلدان اسا، بەرگىسى جاس بۋىن سازگەرلەر ءان ارناعان ەكەن. بارلىعىن جيناقتاپ ءبىر كونتسەرتكە سىيعىزىپ وتىرمىز. بۇل جەردە ءابىش كەكىلباي ۇلىنىڭ شىعارمالارىمەن فاريزا وڭعارسىنوۆانىڭ ولەڭدەرىنە جازىلعان اندەر ايتىلمايدى. ولارعا ارنالعان اندەر ايتىلادى. نەگىزگى اۆتورلارى ەلىمىزدىڭ 8 وبلىسىنان كەلەدى دەپ جوسپارلاپ وتىرمىز،  - دەدى ء«سوز بەن ساز» باعدارلاماسىنىڭ اۆتورى ءارى جۇرگىزۋشىسى بەردىحان المەن.

80 جىلدىققا ارنالعان مەرەيتويدا جامبىل وبلىسىنان «فاريزا جان» ءانىنىڭ اۆتورى، مادەنيەت سالاسىنىڭ ۇزدىگى ابيىربەك ءتىنالى، الماتى قالاسىنان قازاق ەستراداسىنىڭ جارىق جۇلدىزى روزا القوجا، قىزىلوردا وبلىسىنان كومپوزيتور جاقسىگۇل بەگمانوۆا، اقتوبە وبلىسىنا مارعۇلان قۇلماعانبەتوۆ جانە ماڭعىستاۋلىق اقىن-سازگەرلەر قاتىسادى دەپ كۇتىلۋدە.

ايتا كەتەيىك قازىرگى ۋاقىتتا ماڭعىستاۋ، اتىراۋ، اقتوبە وبلىسىندا  ءابىش كەكىلباي ۇلى مەن فاريزا وڭعارسىنوۆا ەسىمى بەرىلگەن 6 مەكتەپ بار. شىعارماشىلىق كەشتىڭ ەرەكشەلىگى – اتالعان ءۇش وبلىستان ەڭ ۇزدىك دەگەن وقۋشىلارى كەلىپ، ادەبيەت الىپتارىنىڭ ولەڭدەرىن ناقىشىنا كەلتىرىپ وقيتىن بولادى.

سوڭعى جاڭالىقتار

ۇقساس جاڭالىقتار