قوعام • 09 قازان، 2019

مۇنايلى اۋدانى بويىنشا 3 089 وتباسىنا اتاۋلى الەۋمەتتىك كومەك تولەنۋدە

45 رەتكورسەتىلدى

بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە مۇنايلى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمى باسشىسى گۇلباقىت اقنيازوۆا مالىمدەدى.

-مۇنايلى اۋدانى بويىنشا 3 089 وتباسى، ياعني 17 411 ادام اتاۋلى الەۋمەتتىك كومەك الىپ وتىر. وسى ماقساتتارعا 1 14،0 مىڭ تەڭگە الەۋمەتتىك كومەك تولەندى.

سونىمەن قاتار وبلىس اكىمىنىڭ تاپسىرماسى بويىنشا كوپ بالالى اتاۋلى الەۋمەتتىك كومەك الىپ وتىرعان وتباسىلارعا 100 مىڭ تەڭگەدەن ءبىر جولعى جاردەماقى تاعايىندالۋدا. 27.09.2019 جىل جاعدايىنا جالپى بارلىعى 1605 وتباسىنا 100 مىڭ تەڭگەدەن بارلىعى 160،5 ملن تەڭگە تولەندى. 27 قىركۇيەك جاعدايىنا اۋدان بويىنشا 3 089 وتباسى 17 411 ادام اتاۋلى الەۋمەتتىك كومەك الىپ وتىر. وسى ماقساتتارعا 1 141،0 مىڭ تەڭگە الەۋمەتتىك كومەك تولەندى.

مۇنايلى اۋدانى بويىنشا تابىسى جوعارى (كىرىستى جاسىرۋ فاكتىلەر) كاسىپكەرلەر سانى – 25 ادام بولسا، تابىسى 10 ملن جوعارى كاسىپكەرلەر سانى - 6 ادام.

بارلىق 6 كاسىپكەرگە اتاۋلى الەۋمەتتىك كومەكتى تولەۋ توقتاتىلدى.

تابىسى 1 ملن جوعارى كاسىپكەرلەر سانى - 19 ادام. ونىڭ ىشىندە 1 كاسىپكەر 200 000 تەڭگە قاراجاتتى بيۋدجەتكە كەرى قايتاردى.

1 توقسان جاعدايىنا توقتاتىلعان 14 ادامنىڭ ىشىندە 12 ادامنىڭ اتاۋلى الەۋمەتتىك كومەك توقتاتىلىپ، 2 ادامنىڭ اليمەنت تولەيتىندىگى انىقتالدى.

2 توقسان جاعدايىنا تابىسى وزگەرگەن 174 ادامنىڭ ىشىندە 5 كاسىپكەر الەۋمەتتىك كومەكتەن ءوز ەركىمەن باس تارتىپ، 9 ادامنىڭ اقشاسىنا قايتا ەسەپتەۋ جۇرگىزىلدى، اتاۋلى الەۋمەتتىك كومەك ۋاقىتشا توقتاتىلعاندار-2 ادام (جەكە كاسىپكەرلەردىڭ تاپسىرعان سالىق ەسەپتىلىكتەرى تەكسەرىلۋدە)، 158 ادام اقشاسىن قايتاراتىنداردى قۇرايدى.

زاڭسىز تاعايىندالعان اتاۋلى الەۋمەتتىك كومەك الۋشىلار سانى – 208 ادام. كۇنى بۇگىندە 28 ادام 3 847،8 مىڭ تەڭگەنى بيۋدجەتكە كەرى قايتاردى، دەپ مالىمدەدى گۇلباقىت اقنيازوۆا.

ونىڭ ايتۋىنشا، «اتاۋلى الەۋمەتتىك كومەك الىپ وتىرعان 60 بالانىڭ باسقا قالالاردا وقيتىندىعى انىقتالدى ونىڭ ىشىندە 16 بالاعا اتاۋلى الەۋمەتتىك كومەك تولەۋ توقتاتىلدى.

تەكسەرۋ بارىسىندا 24 بالانىڭ مۇنايلى اۋدانىندا وقيتىندىعى انىقتالىپ، 20 بالانىڭ دەرەكتەرىن انىقتاۋ جۇمىستارى جۇرگىزىلۋدە. 4 بالانىڭ وتباسى تولەنگەن قارجىنى بيۋدجەتكە كەرى قايتاردى.

اتاۋلى الەۋمەتتىك كومەك الىپ وتىرعان ادامداردىڭ ىشىندەگى جۇمىسقا قابىلەتتى مۇشەلەرى بار وتباسىلار سانى - 5090 قۇرايدى. حالىقتى جۇمىسپەن قامتۋ ورتالىعى ارقىلى تۇراقتى جۇمىسقا -329 ادام، الەۋمەتتىك جۇمىسقا -22 ادام، قوعامدىق جۇمىسقا -26 ادام، قىسقا مەرزىمدى كۋرستارعا - 6 ادام جولداندى.

سونىمەن قاتار 4 247 كوپ بالالى وتباسىلارعا تەگىن جول ءجۇرۋ كۋالىگى بەرىلدى، ونىڭ ىشىندە 47 انا التىن القا، 354 انا كۇمىس القا يەگەرلەرى.

سوڭعى جاڭالىقتار

ۇقساس جاڭالىقتار