ءابىش كەكىلباەۆ شىعارماشىلىعىنىڭ كوركەمدىك ەرەكشەلىگىن, باي ءسوز قورىن ناسيحاتتاۋ ارقىلى وقۋشىلار مەن ستۋدەنتتەردىڭ وي-تانىمىن كەڭەيتۋ, ولاردىڭ بويىندا وزىندىك كوزقاراستارىن قالىپتاستىرۋ ماقساتىنداعى بايقاۋعا اۋدان, قالا ءبىلىم بەرۋ ۇيىمدارى مەن كوللەدجدەردەن بارلىعى 153 ۇمىتكەر قاتىستى.
الدىمەن اۋداندىق-قالالىق, كوللەدجىشىلىك, سوسىن وبلىستىق كەزەڭدەگى بايقاۋ ءابىش شىعارمالارى كەيىپكەرلەرىنەن مونولوگ وقۋ تالاپ ەتىلگەن «ۇزدىك وقىرمان», ءبىلىم الۋشى داپتەرىنىڭ ءتورت بەتىنە ءابىش شىعارمالارىنداعى ءبىر كەيىپكەرگە حات جازادى, كەيىپكەردىڭ ومىرىندەگى ارەكەتتەردى وسى زامانمەن بايلانىستىرا وتىرىپ, جەتى ساۋال قويىلادى جانە وعان سول كەيىپكەر بولىپ جاۋاپ بەرىلەدى, حات كوركەمدىگى, تازالىعى, مازمۇندىلىعى جانە تاربيەلىك قۇندىلىعىنا بايلانىستى باعالاناتىن «ۇزدىك ءتىلشى», سونداي-اق وقۋشى مەكتەبىندەگى ء«ابىشتانۋ» كابينەتىنىڭ اشىلۋ ماقساتىن, ونداعى بولىمدەردى, قۇندى جادىگەرلەردى تانىستىرىپ, كابينەتتە وتكەن شارالار مەن كەزدەسۋلەردى, بايقاۋلاردى ايتا كەلە, ءابىش شىعارمالارىن مەكتەپ وقۋشىلارىنا جارنامالاۋ مىندەتتەلگەن «ۇزدىك گيد» نوميناتسياسى, ءابىش شىعارمالارىنان «تابيعات», «حاندىق بيلىك», «شەشىم», «اۋىل كورىنىسى» تاقىرىپتارىنا 4 سۋرەت سالىپ تاپسىرۋ تالاپ ەتىلگەن «جاس قىلقالام شەبەرى» نوميناتسياسى, ءابىش دراماسىنان جانە اۋدارمالارىنان ۇزىندىگە دايىندالىپ, وقۋشىنىڭ وبرازعا ءتۇسۋى, داۋىس مانەرىنىڭ وزگەرىسى, سويلەۋ شەبەرلىگى مەن وبرازعا سايكەس كيىنە ءبىلۋى باعالاناتىن «جاس كوركەمسوز شەبەرى» نوميناتسياسى, ءابىشتىڭ «كولدەنەڭ كوك اتتى», «باسەكە», «قۇس قاناتى» پوۆەستەرىنىڭ بىرەۋىنەن زەردەلەۋ جوباسى ۇسىنىلىپ, جوبادا جازۋشىنىڭ وزىنە ءتان بايانداۋ ءستيلىن, ءسوز ورالىمدارىن, تۇسپالداۋى مەن بولجاۋىن جانە وقيعا شەشىمىنىڭ ورىندىلىعىن دالەلدەۋ, ديالەكت سوزدەردىڭ قولدانىسى, ماقال-ماتەل مەن دانالىق سوزدەردىڭ ماعىناسىن اشۋ تالاپ ەتىلگەن «جاس عالىم» نوميناتسياسى, سونىمەن قاتار وزىندىك ەرەجە, تالاپتارى كورسەتىلگەن «ۇزدىك ستسەناري قۇرۋشى» نوميناتسياسى, «ەڭ ۇزدىك انيماتور» نوميناتسياسى, «جاس اقىن» نوميناتسياسى جانە «جاس اكتەر» نوميناتسياسى سىندى ون باعىت بويىنشا ءوتتى.
وبلىستىق «ابىز اعا – ءابىش» كونكۋرسىنىڭ جەڭىمپازى اتانعان جالپى ءبىلىم بەرەتىن ۇيىمداردىڭ 8-11 سىنىپ وقۋشىسى مەن كوللەدج ستۋدەنتى ماڭعىستاۋ وبلىسى اكىمىنىڭ بىرجولعى 100 000 تەڭگەلىك شاكىرتاقىسىنا يە بولادى.
قازان ايىنىڭ 4-دە اقتاۋ قالاسىنداعى ءبىلىم-يننوۆاتسيا ليتسەيىندە وتكەن بايقاۋعا 30-عا تارتا وڭىرگە بەلگىلى ونەر ادامدارى مەن عالىمدار قازىلىق ەتتى.
جەڭىمپازداردى ماراپاتتاۋ 11 قازان كۇنى ماڭعىستاۋ اۋدانىنىڭ وندى اۋىلىندا وتەدى.
ماڭعىستاۋ وبلىسى
