«كورمە» كەشەنىنىڭ كونگرەسس-زالىندا «Travolution»: تەحنولوگيا كۇشى ازيا فورۋمى» مەن «كونتەنت-ماركەتينگ فورۋمى: جەتىستىك جولى مەن كونتەنت جاساۋدىڭ ەۆوليۋتسياسى» اتتى ەكى ءىس-شارا ءوتتى.
«Travolution» فورۋمىنىڭ اشىلۋىندا «ەير استانا» اۋە كومپانياسىنىڭ باس ديرەكتورى پيتەر فوستەر ءسوز سويلەپ, سوڭعى 30 جىلدا تۋريزم سالاسى تۇبەگەيلى وزگەرگەنىن اتاپ ءوتتى. ونىڭ سوزىنشە, شەتەلگە ساياحات ادامداردىڭ ءال-اۋقاتى ءوسۋىنىڭ عانا ەمەس, كوپ ەلدەردىڭ اشىقتىق دەڭگەيىنىڭ ارتۋى ارقاسىندا قولجەتىمدى بولا تۇسكەن. «قازاقستاننىڭ بۇگىنگى تۋريستىك الەۋەتى وتە جوعارى. اۋە كومپانياسىنىڭ جەتەكشىسى رەتىندە قازاقستاندا تۋربيزنەستى دامىتۋ ءۇشىن قولىمىزدان كەلگەننىڭ ءبارىن جاساپ جاتقانىمىزدى ايتقىم كەلەدى. بۇل ەل – ۇلى جىبەك جولىنىڭ ءبىر بولشەگى. وسىندا كەلۋ ارقىلى كوشپەندىلەردىڭ تاريحىنا جاقىنداي تۇسەسىز», دەدى فوستەر.
«Travolution» فورۋمىنىڭ ءبىرىنشى سەسسياسى – ازيا-تىنىق مۇحيتى ايماعىندا تۋريزم سالاسىنا «ۇشتىك ولشەمشارتتىڭ» ىقپال ەتۋىنە ارنالعان كورپوراتيۆتىك يننوۆاتسيالارعا ازيا دامۋ بانكى, راتا مەن Plug and Play Tech Center وكىلدەرى قاتىستى. ولار وزدەرى جاساپ جاتقان «Travel Lab Asia» باعدارلاماسى قامتيتىن نەگىزگى ماسەلەلەرىن فورۋم قاتىسۋشىلارىمەن ءبولىستى.
«Travel Lab Asia» – ازياداعى تۋريزم سالاسىنىڭ يننوۆاتسيالارىنا ارنالعان پلاتفورما. ول ورنىقتى دامۋ مەن ەكولوگيانىڭ ەڭ وزەكتى ماسەلەلەرىن شەشۋدە كورپوراتسيالاردىڭ باستاپقى تەحنولوگيالىق شەشىمدەردى تابۋىنا كومەكتەسەدى. وسى باعدارلاماعا قاتىساتىن كورپوراتسيالار دۇنيە جۇزىندەگى ورنىقتى دامۋعا باعىتتالعان ستارتاپتار مەن ۇتىمدى شەشىمدەرگە قول جەتكىزەدى. سەسسيا سپيكەرلەرى قازاقستاننىڭ تۋريزم سالاسىنداعى مۇمكىندىكتەرىن تولىق پايدالانۋ ءۇشىن مەملەكەتتىك, سالالىق جانە يننوۆاتسيالىق كومپانيالار جۇمىلا جۇمىس ىستەۋى كەرەك ەكەنىنە, بىرىگىپ تۋربيزنەس قىزمەتىنىڭ دۇرىس ەكوجۇيەسىن قۇرۋ قاجەتتىلىگىنە توقتالدى. پاتريسيا نوردسترومنىڭ ايتۋىنشا, Plug and Play-ءدىڭ ماڭىزدى قىرى – مادەني مەنتاليتەتتى وزگەرتۋ. ء«بىز بۇكىل الەمدى ارالايمىز جانە قازىرگى تاڭدا تۋريستىك كومپانيالارعا ستارتاپتارعا ۇلكەن نازار اۋدارۋ كەرەكتىگىن ايتامىز. تۋريستىك بيزنەستى ءتيىمدى قۇرۋدا ولاردىڭ ءرولى ەرەكشە. وسىنى ەسكەرىڭىزدەر», دەپ قوسا ايتتى. سونداي-اق دجەيسون لاسك «تۋريزم سالاسىنداعى جوبالاردى جۇزەگە اسىرۋ ءۇشىن, ەلدەر ءبىر-بىرىمەن مامىلەدە بولىپ, كورشىلەردىڭ تابىستى تاجىريبەسىن زەرتتەۋى, سونداي-اق ءوز ەلدەرىنىڭ ەرەكشەلىكتەرىن ەسكەرە وتىرىپ, ولاردى ەنگىزۋى كەرەك. بۇل – تۋريزم سالاسىن دۇرىس دامىتۋدىڭ كەپىلى» دەدى.
«الەممەن بەتپە-بەت» سەسسياسى جەرگىلىكتى كومپانيالاردىڭ شەتەل نارىعىنا شىعۋ ستراتەگيالارىنا ارنالدى. سەسسيا بارىسىندا, Aviata.kz-نىڭ باس ديرەكتورى نيكولاي مازەنتسەۆ ءوز كومپانياسىنىڭ قىزمەتى مەن باسقا ەلدەردىڭ نارىعىنا شىعۋ تۋرالى جوسپارىن ايتىپ بەردى. ۇيىم اۋە جانە تەمىر جول بيلەتىن ونلاين ساتۋ بويىنشا قازاقستان نارىعىندا كوش باستاپ تۇر.
«وۆەرتۋريزمگە ارنالعان تسيفرلى شەشىمدەر» سەسسياسىنىڭ قاتىسۋشىلارى تانىمال جەرلەردە تۋريستەردىڭ باعىت تابۋىنا جانە بەلگىلى ءبىر ۋاقىتتاعى (مەرەكە كۇندەرى, دەمالىس جانە باسقا ۋاقىتتاردا) قانداي دا ءبىر باعىتتاردىڭ جۇكتەمەسىنە قاراي, ساياحاتتى جوسپارلاۋعا جاردەمدەسەتىن تسيفرلى پلاتفورمالاردى دامىتۋ ماسەلەلەرى تالقىلاندى. سالا وكىلدەرى كليەنتتەردىڭ قاجەتتىلىگىن ەسكەرىپ, بولجام جاساۋ ءۇشىن جانە بەلگىلى ءبىر باعىتتارداعى شامادان تىس ءتۋريزمنىڭ جاعىمسىز اسەرىن جەڭىلدەتۋ ءۇشىن ىقتيمال تۋريستەرگە بالامالى باعىتتاردى نەمەسە كۇندەردى ۇسىنا وتىرىپ, تەحنولوگيالىق جاڭا جەتىستىكتەردى قولدانۋ قاجەت.
«تۇتىنۋشىنىڭ مىنەز-قۇلقىن قالىپتاستىراتىن تاجىريبەلىك دەرەكتەر» سەسسياسى الدىڭعى سەسسيانىڭ قيسىندى جالعاسى بولدى. مۇندا ساياحاتتى جوسپارلاعاندا (باعىتتاردى قاراعاندا, برونداعاندا, باعىتتاردى جاساعاندا, كورىكتى جەرلەردى ىزدەگەندە جانە ت.س.س.) تەحنولوگيانى قولدانۋ اۋقىمدى دەرەكتەر قورىن قۇراتىنى, ونى دۇرىس پايدالانۋ كومپانيالاردىڭ تۇتىنۋشىعا باعىت الۋىنا كومەكتەسەتىنى ءسوز بولدى. اۋقىمدى دەرەكتەردى تالداۋمەن اينالىساتىن كومپانيالاردىڭ مىندەتى – وسى ءبىر اقپارات اعىنىن كادەگە جاراتۋ.
كونتەنت-ماركەتينگ فورۋمى: جەتىستىك جولى جانە كونتەنت جاساۋدىڭ ەۆوليۋتسياسى تۇستەن كەيىن باستالدى. جاڭا مەديانىڭ بۇكىل شوعىرىنىڭ ساراپشىلارى قوناقتارعا, اۋديتورياعا قىزىق ونىمدەردى جاساۋ ءۇشىن قانداي جولداردى تاڭدايتىنىن ايتتى. سەسسيا سپيكەرلەرى تسيفرلى اقپاراتتىق رەسۋرستاردىڭ, الەۋمەتتىك جەلىلەردەگى فوتو جانە ۆيدەو بلوگتاردىڭ, جالپى ۆيدەو كونتەنتتىڭ تانىمالدىلىعى ارتىپ كەلە جاتقانىن جەتكىزدى.
BBC Global News-ءتىڭ جارناما جونىندەگى ۆيتسە-پرەزيدەنتى دجون ۋيليامس ءوز سوزىندە, قازىر ۆۆس زەرتتەلىپ جاتقان تاريحي جانە ارحەولوگيالىق جاڭالىقتارعا قاتىستى جۇمىستارعا كوپ كوڭىل بولەتىنىن اتاپ ءوتتى.
PTM 2019 اياسىندا قازمزۋ-دا ازيا-تىنىق مۇحيتى تۋريستىك قاۋىمداستىعىنىڭ (Pacific Asia Travel Association – PATA) «باسىنان سوڭىنا دەيىن: تاريح ءبىزدى قالاي بايلانىستىرادى» اتتى جاستار سيمپوزيۋمى ءوتتى. سيمپوزيۋم سوڭى ستۋدەنتتىك كلۋبتار مەن تۋريزم سالاسىنداعى جاس مامانداردىڭ الەمدىك تۋريزم نارىعىنىڭ تانىمال تۇلعالارىمەن جانە ازيا-تىنىق مۇحيتى تۋريستىك اسسوتسياتسياسىنىڭ باسقارما مۇشەلەرىمەن كەزدەسۋىنە ۇلاستى. ءىس-شاراعا جەرگىلىكتى جانە شەتەلدىك 120 ستۋدەنت, وقىتۋشى, وسى سالانىڭ تۇلەكتەرى مەن ماماندارى جينالدى.
