ماتچ باستالاردان 3-4 ساعات بۇرىن «استانانىڭ» كوشباسشىسى مارين توماسوۆتىڭ الاڭعا شىعا المايتىندىعى بەلگىلى بولدى. كەزدەسۋدەن كەيىنگى ءباسپاسوز ءماسليحاتىندا گريگورچۋك حورۆات فۋتبولشىسى ءوزىن جايسىز سەزىنگەنىن ايتتى. سونداي-اق ويىن الدىنداعى ءباسپاسوز جيىنىندا «پارتيزان» كومانداسىنىڭ باس باپكەرى ساۆو ميلوشەۆيچ «توماسوۆ پەن ماەۆسكيگە ەرەكشە نازار اۋدارامىز, ويتكەنى ولار «استانا» ساپىندا ەڭ قاۋىپتى ويىنشىلار» دەپ ايتقان بولاتىن. بىراق سەربيالىق كوماندانىڭ قۋانىشىنا وراي سول ويىندا توماسوۆ الاڭعا شىعا المادى.
سونىمەن قاتار «استانا» باس باپكەرى رومان گريگورچۋك ماتچ الدىنداعى ءباسپاسوز ءماسليحاتىندا «ەرتەڭ نەگىزگى قۇرام بويىنشا تاۋەكەلگە بارامىز جانە قۇرامدا مىندەتتى تۇردە وزگەرىس بولادى» دەگەن-ءدى. الاڭعا ءبىرىنشى مينۋتتان باستاپ شىعاتىن فۋتبولشىلاردىڭ ءتىزىمىن كورگەندە بىردەن ءۇش وزگەرىستىڭ بولعانىن بايقادىق. شابۋىلشى سەرگەي حيجنيچەنكو مەن جارتىلاي قورعاۋشى يۋري پەرتسۋح ەۋروكۋبوك ويىندارىنداعى دەبيۋت ماتچىن وتكىزسە, قورعاۋشى ابزال بەيسەبەكوۆ چەمپيوندار ليگاسىنىڭ ءبىرىنشى ىرىكتەۋ كەزەڭىندەگى چفر كلۋبىنا قارسى وتكەن ويىنان كەيىن ەۋروكۋبوك باسەكەسىندە جاسىل الاڭعا ءبىرىنشى رەت شىقتى. سونداي-اق قورعاۋشى لۋكا شيمۋنوۆيچ پەن جاركو توماشەۆيچ ەۋروپا ليگاسىندا ءبىرىنشى رەت قورعانىستا يىق تىرەسىپ ونەر كورسەتتى. ەۋروليگادا تۇراقتى ويىن وتكىزىپ جۇرگەن رومان مۇرتازاەۆ, ەۆگەني پوستنيكوۆتىڭ قوسالقى قۇرامدا قالىپ قويعانى ازداپ تاڭعالدىردى. ال «پارتيزان» كومانداسى وزدەرىنىڭ نەگىزگى قۇرام ويىنشىلارىمەن كەزدەسۋدى باستادى.
ماتچتىڭ العاشقى 15 مينۋتى تەڭ دارەجەدە باستالىپ, قوس كوماندا دا الما-كەزەك شابۋىلداۋمەن بولدى. شابۋىلشى سەرگەي حيجنيچەنكو مەن دميتري شومكو «پارتيزان» قاقپاسىنا الىستان سوققى جاساپ, قاقپاشىنىڭ قىراعىلىعىن ءبىر بايقاپ كوردى. دەگەنمەن سەربيالىق تاجىريبەلى قاقپاشى ۆلاديمير ستويكوۆيچ ءوز ورنىنان تابىلا ءبىلدى. ال ويىننىڭ 16-مينۋتىندا قورعاۋشى جاركو توماشەۆيچ جاراقات الىپ, كوماندانى قيىن جاعدايعا قالدىردى. ونىڭ ورنىنا ەۆگەني پوستنيكوۆ شىقتى. كەزدەسۋدىڭ 20-مينۋتىنان باستاپ سەربيالىق كوماندا ۇرىمتال سəتتەردi iزدەپ, قارسى شابۋىلعا جيi شىعىپ جاتتى. ناتيجەسىندە قوناقتار ءوز دەگەندەرىنە جەتىپ, كەزدەسۋدەگى ەسەپتى ءبىرىنشى بولىپ اشتى. ماتچتىڭ 28-مينۋتىندا نەناد ەريچ قاقپاسىنىڭ الدىنداعى قاربالاس سəتتە ۋمار ساديك مۇمكiندiگiن ءمۇلت جىبەرمەدى. ەسەپ 0:1. ءسويتىپ العاشقى 45 مينۋت قوناقتاردىڭ پايداسىنا اياقتالدى.
كەزدەسۋدiڭ ەكiنشi تايمى دا «پارتيزاننىڭ» دوپقا يەلiك ەتۋiمەن جالعاسىپ جاتتى. سەيدۋبا سۋما, بويان اسانو «استانا» قاقپاسىن جيi تورۋىلدادى. 37 جاستاعى نەناد ەريچتiڭ شەبەرلiگi بولماسا ويىننىڭ 55-مينۋتىنا تامان ەسەپ 0:3 بولۋى əبدەن مۇمكiن ەدi. 60-مينۋتتا ۋمار ساديك كەزدەسۋدەگى ەكىنشى گولىن سوققان بولاتىن. الايدا شۆەتسيالىق باس تورەشى موحاممەد ءال-حاكيم گول ويىننان تىس سوعىلدى دەپ, گولدى ەسەپتەمەي تاستادى. ارادا 13 مينۋت وتكەندە ۋمار ساديك ءوز دەگەنىنە جەتىپ, دۋبل اۆتورى اتاندى. سەربيا كومانداسى ەسەپتەگi باسىمدىعىنا قاراماستان قورعانىستا ساۋاتتى ويناپ, شابۋىلدا جيناقى ويىن كɵرسەتتi. 76-مينۋتتا ۋمار ساديك بۇرىشتاما دوبىنان ءۇشiنشi گولىن سوققانىمەن تورەشى ەسەپكە المادى.
Ɵز جانكۇيەرiنiڭ الدىندا ɵنەر كɵرسەتكەن «استانا» 85-مينۋتتا يسلانديالىق لەگيونەردiڭ كɵمەگiمەن ەسەپ ايىرماسىن قىسقارتتى. شامامەن 20-25 مەتر جەردەن قاقپانى نىساناعا العان رۋنار سيگۋرونسسون الىس بۇرىشتى دəل كɵزدەدi. ەس جيىپ سوڭعى بەس مينۋتتا تارازى باسىن تەڭەستiرۋگە تىرىسقانمەن «پارتيزان» مۇمكiندiك بەرە قويمادى. قورىتىندى ەسەپ 1:2.
«L» توبىنداعى كەزدەسۋدە نيدەرلاندىنىڭ «از الكمار» كومانداسى ءوز الاڭىندا اعىلشىننىڭ «مانچەستەر يۋنايتەد» كلۋبىن قابىلدادى. بۇل كەزدەسۋدە ەسەپ اشىلماي, قوس كوماندا 0:0 ەسەبىمەن تەڭ تارقاستى. سونداي-اق ەكى كوماندا دا ءبىر-ءبىر ۇپاي يەلەندى. وسىلايشا ميۋ مەن «پارتيزان» كومانداسى 4 ۇپايمەن العاشقى ەكى ورىندى ءبولىسىپ تۇرسا, «از الكمار» 2 ۇپايمەن ءۇشىنشى ورىنعا جايعاستى. «استانا» ازىرشە سوڭعى ورىندا تۇر. الدا ءالى 4 تۋر بار ەكەنىن جانە ميۋ مەن از كوماندالارىنىڭ تەڭ ويناعانىن ەسكەرەر بولساق, «استاناعا» ەۋروپا ليگاسىنىڭ پلەي-وفف كەزەڭىنە وتۋگە ءالى دە مۇمكىندىك بار. ەندى «استانا ارەنادا» وتەتىن ەكى ويىندا جەڭىسكە جەتىپ, سىرت الاڭداعى ماتچتاردا مەيىلىنشە ۇپاي ولجالاۋ كەرەك.
ءسوز سوڭىندا ستاتيستيكا سۇيەر جانكۇيەرلەرگە, الگى ويىننىڭ بىرنەشە ناقتى تسيفرلارىن ايتا كەتەيىك. «استانا» ساپىنداعى جالعىز گولدىڭ اۆتورى رۋنار مار سيگۋرونسسون ەلوردا كلۋبىنىڭ ەۋروكۋبوك ويىندارىنداعى ۇزدىك بەس سۇرمەرگەننىڭ قاتارىنا ەندى. بەس گول سوققان يسلانديالىق ويىنشى رومان مۋرتازاەۆ پەن باۋىرجان دجولچيەۆپەن ءبىر قاتاردا تۇر. ال سيگۋرونسسونعا ناتيجەلى پاس اسىرعان رومان مۋرتازاەۆ گول+پاس جۇيەسى بويىنشا ۇزدىك بەستىككە ەندى.
ەۋروپا ليگاسىنىڭ ەكىنشى تۋر ويىنىنان كەيىن «استانا» كومانداسى ەڭ ءتارتىپتى كوماندا اتاندى. قازاقستاندىق كوماندا ەكى تۋردىڭ قورىتىندىسى بويىنشا, بىردە-ءبىر سارى جانە قىزىل قاعاز الماعان. سونىمەن قاتار ەكى ويىندا 18 رەت ەرەجە بۇزىپ, توپ-6 كوماندانىڭ قاتارىنا كىردى. ال يسپانيانىڭ «حەتافە», شوتلانديانىڭ «سەلتيك» جانە گەرمانيانىڭ «اينتراحت» كومانداسى ەڭ ءتارتىپسىز كوماندا اتاندى. سونداي-اق «استانا» 48 كوماندانىڭ ىشىندە ءبىر گول سوققان 45-ءشى, ءۇش گول وتكىزىپ العان 32-ءشى, قارسىلاس كوماندانىڭ قاقپاسىندا 12 سوققى جاساعان 47-ءشى, 795 رەت پاس انىق پاس بەرگەن 37-ءشى, ەكى بۇرىشتاما دوبىن ورىنداعان 48-ءشى جانە بەس رەت ويىننان تىس قالعان 15-ءشى كوماندانىڭ قاتارىنان كورىندى.
ايتا كەتەيىك, «استانا» كلۋبى ەۋروپا ليگاسىنداعى 3-تۋر ويىنىن سىرت الاڭدا نيدەرلاندىنىڭ «از الكمار» كومانداسىنا قارسى وتكىزەدى. كەزدەسۋ 24 قازاندا وتەدى دەپ جوسپارلانعان.
