قازاقستان • 03 قازان، 2019

الماتىدا «جول قۇرىلىسىنىڭ وزەكتى ماسەلەلەرى» تاقىرىبىندا حالىقارالىق عىلىمي-كونفەرەنتسيا ءوتتى

42 رەتكورسەتىلدى

پوستكەڭەستىك ەلدەردەگى جولداردى جوبالاۋ تاسىلدەرى 50 جىلدان استام جاڭارتۋ كورمەگەن. تاپتاۋرىن بولعان بۇل نورمالاردى زامانعا ساي جەتىلدىرۋ ىسىندە قازاقستان جول عىلىمي-زەرتتەۋ ينستيتۋتىنىڭ تىڭ تالپىنىستارى  حالىقارالىق قاۋىمداستىق تاراپىنان قولداۋ تاۋىپ كەلەدى. بۇل تۋرالى ينستيتۋتتىڭ 60 جىلدىعىن اتاپ ءوتۋ اياسىندا وتكەن حالىقارالىق عىلىمي-تاجىريبەلىك كونفەرەنتسيادا ايتىلدى.

اتالعان ۇجىم جىلجىمالى زەرتحانا كومەگىمەن 2013 جىلدان بەرى 9081 شاقىرىم اۆتوموبيل جولى مەن 545 كوپىر قۇرىلىسىنىڭ دياگنوستيكاسىن جۇرگىزىپ، جالپى ۇزىندىعى 10284 شاقىرىم رەسپۋبليكالىق ماڭىزى بار اۆتوموبيل جولدارىن پاسپورتتاۋ ىسىنە قاتىسقان.

ينستيتۋت سوڭعى جىلدارى كوپىر مەن جول قۇرىلىسىنا، جوندەۋ جۇمىستارىنا ارنالعان جاڭا ماتەريالدار مەن تەحنولوگيالاردى ەنگىزە باستادى. بۇگىندە وتاندىق نارىقتاعى قۇرىلىس ماتەريالدارى مەن جاڭا بۋىن مەحانيزمدەرىنىڭ الۋان تۇرلىلىگى وسۋدە. ولاردى جاپپاي قولدانۋ  جول سالاسىنىڭ نورماتيۆتىك باعا قۇراۋشى بازاسىنا جاڭا تەحنولوگيالاردى دەرەۋ ەنگىزۋدى تالاپ ەتەدى. 2002 جىلى ينستيتۋت تمد بويىنشا العاش بولىپ،  وتاندىق ستاندارتتاردى شەتەلدىك ستاندارتتارمەن ۇيلەستىرۋ ماسەلەسىن شەشۋگە كىرىسكەن. قازىرگى ۋاقىتتا 116 ۇلتتىق ستاندارت ۇيلەستىرىلىپ ۇلگەرگەن. «تەحنيكالىق رەتتەۋ تۋرالى» زاڭعا سايكەس بەس بىردەي رەگلامەنت ازىرلەنسە، 2014-2015 جىلدار ارالىعىندا كەدەن وداعىنىڭ 11 مەملەكەتارالىق ستاندارتى دايىندالعان.  

– 2010 جىلدان باستاپ رەسپۋبليكانىڭ ءتۇرلى ايماقتارىنداعى اۆتوموبيل جولدارىنىڭ جول جامىلعىلارى مەن جەر توسەمەلەرىنىڭ سۋ-جىلۋ رەجيمى زاڭدىلىقتارىن زەرتتەۋ بويىنشا كەشەندى جۇمىستار جۇرگىزىلۋدە. جەر توسەمەسىندەگى ىلعالدىڭ فازالىق اۋىسۋىن ەسكەرىپ، سوڭعى ەلەمەنتتەر ءادىسىن قولدانا وتىرىپ، جول قۇرىلىمدارىنىڭ تۇراقتى جانە تۇراقسىز تەمپەراتۋرالىق ورىستەرىنىڭ ماتەماتيكالىق مودەلدەرى ازىرلەندى. اسفالتبەتون مەن بيتۋمداردىڭ بەرىكتىگى، توزىمدىلىگى، سوزىلعىشتىعى تەرەڭ زەرتتەلدى. بۇل زەرتتەۋلەردىڭ ناتيجەسى 3 عىلىمي جاڭالىق; «تومەنگى تەمپەراتۋرالى جارىقشاقتاردىڭ پايدا بولۋى كەزىندەگى اسفالتبەتوندى جامىلعىلاردىڭ ءوزىن-ءوزى ۇيىمداستىرۋ زاڭدىلىعى» (2016ج.)، «تۇتقىرسەرپىمدى ماتەريالداردىڭ توزۋ دەرسترۋكتسياسى زاڭدىلىقتارى (تەلتاەۆ ءپرينتسيپى)» (2017ج.) جانە ء««ارتۇرلى از قۋاتتى  بيتۋم شايىرلارىنىڭ اسفالتەن مەن مايعا اينالۋ قۇبىلىسى» (2019ج.) اشۋعا مۇمكىندىك بەردى. بۇل الەم بويىنشا اۆتوموبيل جولدارى سالاسىنداعى تۇڭعىش عىلىمي  جاڭالىقتار رەتىندە ەندى، –  دەيدى «قازجولعزي» اق پرەزيدەنتى باعدات تەلتاەۆ.

«قازجولعزي» اق سەرىكتەستەرى اتاپ وتكەندەي، ينستيتۋتتىڭ ماتەريالدىق-تەحنيكالىق جانە عىلىمي بازاسى ەلىمىزدىڭ كليماتتىق جاعدايلارىن ەسكەرە وتىرىپ، جولداردى سالۋ جانە كۇتىپ ۇستاۋ بويىنشا ۇزدىك شەشىمدەر  قابىلداۋعا مۇمكىندىك بەرەدى. سوڭعى جىلدارى ينستيتۋتتا زەرتحانالىق بازانى جاقسارتۋعا كوپ كوڭىل ءبولىنىپ كەلەدى. ماسەلەن، 2008 جىلدان باستاپ اقش، ۇلىبريتانيادان، گەرمانيادان، گوللانديادان جانە رەسەيدەن ناقتى كورسەتكىشتەر بەرەتىن، بيتۋم مەن اسفالتبەتونداردى سىناۋعا ارنالعان جاڭا قۇرالدار-جابدىقتار  الىنعان.

كونفەرەنتسيا قوناقتارى ينستيتۋتتىڭ جىلجىمالى جانە ستاتسيونارلىق زەرتحانالارىمەن تانىستى. سونداي-اق، تەحنيكالىق تۋر اياسىندا «الماتى-قاپشاعاي»، «الماتى-قورعاس» اۆتوموبيل جولدارىنداعى تولەم الۋ جۇيەسىنىڭ جۇمىسى شەتەلدىك عالىمدار نازارىنا ۇسىنىلدى. ەسكە سالساق، بيىل «قازجولعزي» قازاقستان جول عىلىمي-زەرتتەۋ ينستيتۋتىنا 60 جىل تولىپ وتىر.

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

ۇقساس جاڭالىقتار