باعالى قاعازدار جونىندەگى كوميسسيالاردىڭ حالىقارالىق ۇيىمىنىڭ قولداۋىمەن حالىقتىڭ ينۆەستيتسيالىق ساۋاتىن ارتتىرۋعا باعىتتالعان كەزدەسۋگە مەملەكەتتىك ورگاندار, «اتامەكەن» ۇقپ, سونداي-اق ماڭعىستاۋ وبلىسىنىڭ اكادەميالىق توپتارى وكىلدەرى قاتىستى.
وتكەن جىلى اتالعان قارجى ورتالىعى ماڭعىستاۋ وبلىسى اكىمدىگىمەن وڭىرگە ينۆەستورلار تارتۋدا ورتالىق الاڭىن پايدالانۋ جونىندە مەموراندۋمعا قول قويعان بولاتىن. دەلەگاتسيا باسشىسى, «استانا» حقو اكىمشىلىگى» اق باسقارما توراعاسىنىڭ كەڭەسشىسى ب.قۋاندىقوۆتىڭ ايتۋىنشا, مەموراندۋم اياسىندا ماڭعىستاۋدا ەكى ينۆەستيتسيالىق جوبا جۇزەگە اسىرىلۋدا, ونىڭ ءبىرى قوناقۇي كەشەنى قۇرىلىسى.
– بۇدان وزگە تاعى ون جوبا جوسپارلانۋدا. ايماق باسشىسىمەن كەزدەسىپ, ماڭعىستاۋ وبلىسىنا ينۆەستورلار تارتۋ ماسەلەسىن تالقىلادىق. ءبىزدىڭ الاڭىمىزعا تىركەلگەن ارىپتەستەر ءۇشىن سالىقتىق جەڭىلدىكتەر قاراستىرىلعان. سونداي-اق ورىن العان داۋلى ماسەلەلەردى شەشۋدە حالىقارالىق سوت كومەگىنە جۇگىنۋگە مۇمكىندىك بار. وتكەن جىلى ءىرى كومپانيالاردى ءوز الاڭىمىزعا تارتۋ ءۇشىن ءىرى شارالار قولعا الىندى, – دەيدى ب.قۋاندىقوۆ.
– ينۆەستيتسيا مەن ونى ەل ەكونوميكاسىنا تارتۋ, سونداي-اق قارجىلىق ساۋاتتىلىق – قاجەت ماسەلەلەر. سوندىقتان «استانا» حقو كەزدەسۋى وسى تاقىرىپتاعى ساۋالدارىمىزعا جاۋاپ الىپ, بۇعان دەيىن بەيمالىم بولىپ كەلگەن تۇستاردى تەرەڭ تانۋىمىزعا مۇمكىندىك بەردى. مۇنايلى ءوڭىر, ءارى تەڭىز جولى قاتىناسى بار ماڭعىستاۋ وڭىرىنە ينۆەستيتسيا تارتۋدا قارجى ورتالىعىنىڭ الەۋەتى كۇشەيەدى دەي الامىز, دەيدى قاتىسۋشىلار.
ماڭعىستاۋ وبلىسى
