بۇگىنگى كۇندە ماڭعىستاۋ وبلىسى بويىنشا كاسىپكەرلىكتى دامىتۋدىڭ ديناميكالىق كورسەتكىشتەرى وڭ ناتيجەگە يە. جۇمىس ىستەپ تۇرعان شاعىن جانە ورتا بيزنەستىڭ سانى 7 ايدا 53 مىڭ بىرلىكتى قۇرادى. شاعىن جانە ورتا بيزنەستە جۇمىسپەن قامتىلعانداردىڭ سانى 114 مىڭ ادامدى قۇراپ, ولاردىڭ ۇلەسى 37%-عا دەيىن ءوستى. كورسەتكىشتەردىڭ وسۋىنە ەلىمىزدە كاسىپكەرلىككە باعىتتالىپ ىسكە اسىرىلىپ جاتىرعان «بيزنەستىڭ جول كارتاسى 2020», «قاراپايىم زاتتار ەكونوميكاسى», «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلامالارىنىڭ ۇلەسى زور. وڭىردە ءوزىمىزدىڭ «نۇر كاپيتال» 1% شاعىن جانە ورتا بيزنەستى قارجىلىق قولداۋدىڭ وڭىرلىك باعدارلاماسى دا ىسكە اسىرىلۋدا. ايتا كەتەيىك, دۇنيەجۇزىلىك بانكتىڭ رەيتينگىسىنىڭ ناتيجەلەرىنە سايكەس ماڭعىستاۋ وبلىسى بيزنەس جۇرگىزۋدىڭ قاراپايىمدىلىعى بويىنشا الماتى قالاسىنان كەيىن 2-ءشى ورىندى يەلەنىپ وتىر.
-مەملەكەت باسشىسى قاسىم-جومارت توقاەۆتىڭ جولداۋىن ىسكە اسىرۋ اياسىندا ماڭعىستاۋ وبلىسىنا مىناداي مىندەتتەر جۇكتەلگەن بولاتىن: الەۋمەتتىك اسپەكتىلەرگە باسا نازار اۋدارا وتىرىپ, ءبىرىنشى كەزەكتە كوپ بالالى جانە از قامتىلعان وتباسىلار ءۇشىن وتباسىلىق كاسىپ قۇرۋعا - بيزنەستى قولداۋدىڭ جاڭا نىساندارىن بەلسەندى تۇردە ەنگىزۋ. بيزنەس-قاۋىمداستىق وكىلدەرىمەن كەزدەسۋ بارىسىندا كاسىپكەرلەر كاسىپكەرلىك سالاسىنداعى سوڭعى ترەندتەرگە قىزىعۋشىلىق تانىتاتىنىن ايتادى. مىسالى, ستارتاپ جوبالاردى قالاي تەز وتەۋ تۋرالى, سالىق بويىنشا قاراپايىم تىلمەن بارلىق اقپاراتتار جانە نولدىك بيۋدجەتپەن قانداي ماركەتينگتىك فيشكالاردى قولدانۋعا بولادى. ءبىزدىڭ كاسىپكەرلەر جاڭا ونەركاسىپتىك جانە كوممەرتسيالىق نىسانداردى قۇرۋدى, قىزمەت كورسەتۋ سالاسىن كەڭەيتۋدى قالايدى. وسى جوبالاردى ىسكە اسىرۋ ءۇشىن ءبىز شاعىن جانە ورتا بيزنەس سۋبەكتىلەرىنە قارجىلىق جانە كونسۋلتاتسيالىق قولداۋ كورسەتۋ جونىندەگى جۇمىستى جالعاستىرامىز, دەدى وبلىس اكىمى سەرىكباي ترۇموۆ.
جيىن بارىسىندا ماڭعىستاۋ وبلىسىنداعى كاسىپكەرلەر پالاتاسى ديرەكتورىنىڭ مىندەتىن اتقارۋشى نۇربەك قاراساەۆ كاسىپكەرلەر پالاتاسىنىڭ سوڭعى 8 اي كولەمىندە اتقارعان جۇمىستارى جونىندە باياندادى.
-2019 جىلى 8 اي ىشىندە پالاتاعا 394 ءوتىنىش كەلىپ ءتۇستى, ونىڭ 115-ءى بيزنەستى قورعاۋعا جۇگىندى, 57 ءوتىنىش (50%-ى) وڭ شەشىمىن تاپتى. وتىنىشتەردىڭ 31%-ى – جەر قاتىناستارىنا قاتىستى, 26% - زاڭنامالىق نورمالارعا سايكەس; 12% - قىزمەت كورسەتۋ بويىنشا; 9% - مەملەكەتتىك ورگاندارعا شاعىمدار; 12% - باسقا ماسەلەلەر.
بيىل «Bastau Business» باعدارلاماسى بويىنشا 525 ادام وقىدى, ونىڭ ىشىندە 2019 جىلدىڭ 1 قىركۇيەگىندە 76 ستۋدەنت جالپى سوماسى 155 ميلليون تەڭگەگە جوبالارىن اياقتادى. «جاس كاسىپكەر» جوباسىنا 600 ءوزىن-ءوزى جۇمىسپەن قامتىعان جانە جۇمىسسىز جاستار مەن كوپ بالالى جاس وتباسى مۇشەلەرى كىرەدى. جوبالار ميكروكرەديتتەر جانە گرانتتارمەن تولىق قامتاماسىز ەتىلگەن, دەدى نۇربەك قاراساەۆ.
