ونىڭ ايتۋىنشا, ينۆەستورلار مەن ەسەپ-قارجى ورتالىعى اراسىندا جاسالعان كەلىسىمشارتتار 3 مىڭ مەگاۆاتتقا جاقىندادى. قازاقستان ءۇشىن بۇل ايتارلىقتاي كولەم. وسى 3 مىڭ مەگاۆاتت بىرتىندەپ سالىنىپ, ەلىمىزدىڭ ەنەرگەتيكالىق تەڭگەرىمىنە ەنگىزىلەتىن بولادى.
بۇعان قوسا, ا. سوسپانوۆا 2019 جىلى قازاقستاندا نىساندار بەلسەندى تۇردە پايدالانۋعا بەرىلىپ جاتقانىن اتاپ ءوتتى. 2019 جىلدىڭ قورىتىندىسى بويىنشا ەلىمىزدە بەكىتىلگەن قۋاتتىلىعى 960 مەگاۆاتتى قۇرايتىن 86 نىسان بولادى. الدىن الا باعالاۋلار بويىنشا, بۇل جوبالار ەلىمىزگە $1 ملرد جۋىق تارتۋى ءتيىس.
«بۇل ينۆەستيتسيالار جۇمىس ورىندارىن قۇرىپ, سالىق تولەپ, «جاسىل» ەنەرگيانى وندىرۋگە مۇمكىندىك بەرەدى. بۇدان وزگە, ارينە, بۇل ينۆەستيتسيالاردىڭ تيىمدىلىگى – جاڭا سالانىڭ قۇرىلۋى جانە ءبىزدىڭ قازاقستاندىق مامانداردىڭ وقىتىلۋى. مۇندا Kegoc جۇيەلىك وپەراتورى دا, جەلىلىك ۇيىمدار دا تارتىلعان», — دەدى ا. سوسپانوۆا.
تاياۋدا عانا قاراعاندى وبلىسىندا قۋاتتىلىعى 50 مەگاۆاتت بولاتىن كۇن ستانتسياسى پايدالانۋعا بەرىلدى. بۇل جوباعا ينۆەستيتسيا سالعان نەمىس ينۆەستورى قازاقستانداعى جاڭارتىلاتىن ەنەرگەتيكا جوبالارىن بۇرىننان دامىتىپ كەلەدى.
سونداي-اق, ا. سوسپانوۆانىڭ ايتۋىنشا, رەسپۋبليكادا باسقا ەلدەردىڭ ينۆەستورلارى بەلسەندى جۇمىس ىستەيدى. بۇدان وزگە, ول قازىرگى زامانعا ساي ەستە قالارلىق ءۇردىستى اتاپ ءوتتى, — مۇناي الىپتارى جاڭارتىلاتىن ەنەرگەتيكا جوبالارىن دامىتا باستادى.
«Shell, Eni, Total, Iren سياقتى مۇناي كومپانيالارى جاڭارتىلاتىن ەنەرگيا كوزدەرى بويىنشا جوبالاردى دامىتۋدا جانە كەلەسى جىلى قازاقستاندا مۇناي كومپانيالارىنىڭ العاشقى جوبالارى جۇمىس ىستەيتىن بولادى. ءبىز ءۇشىن بۇل قازاقستاندا مۇناي-گاز سالاسىندا 20 جىلدىق تاجىريبەسى بار تۇراقتى ينۆەستورلاردىڭ جاڭارتىلاتىن ەنەرگيا كوزدەرىنە كەلۋىنىڭ جاقسى بەلگىسى. بۇل وتە جاقسى. ءبىز قازاقستاندى, ءبىزدىڭ زاڭنامامىزدى جاقسى بىلەتىن وسىنداي ينۆەستورلاردىڭ ءتىزىمى قازاقستان تۋرالى جاقسى ءبىلىپ كەلەدى جانە جاڭاراتىن ەنەرگيا كوزدەرىنە ۇلەستەرىن قوساتىن بولادى دەپ ۇمىتتەنەمىز», — دەدى قر ەنەرگەتيكا مينيسترلىگىنىڭ جاڭارتىلاتىن ەنەرگيا كوزدەرى دەپارتامەنتىنىڭ ديرەكتورى اينۇر سوسپانوۆا.
