«الماتىلىقتار ءۇشىن ماڭىزدى جەردە جاياۋ جۇرگىنشىلەر جولى ەكولوگيالىق تالاپقا ساي وڭتايلاندىرىلىپ, جارىقتاندىرۋدىڭ ينجەنەرلىك جەلىلەرى مەن سۋارۋ جۇيەسى سالىنادى. سونداي-اق ءۇش كىرۋ ايماعى بولادى. جاڭارتىلعان بوتانيكا باعى ءوزىنىڭ عىلىمي-زەرتتەۋ جانە تابيعاتتى قورعاۋ قىزمەتىن جالعاستىرا وتىرىپ, قالانىڭ ەرەكشە كورىكتى جەرىنە جانە مەگاپوليس تۇرعىندارىنىڭ دەمالىس ايماعى بولىپ قالا بەرەدى. قايتا جوندەۋ جۇرگىزۋدىڭ باستى ماقساتى – ەكولوگيالىق تەپە-تەڭدىكتى قۇرۋ ارقىلى باقشانىڭ تابيعي ورتاسىن ساقتاۋ», – دەدى الماتى قالاسىنىڭ اكىمى باقىتجان ساعىنتاەۆ.
ودان بولەك, شاھار باسشىسى بۇرىنعى ساياسي اعارتۋ ءۇيىن قايتا جوندەۋدەن وتكىزىپ, دوستىق پەن اباي داڭعىلىنىڭ, پۋشكين مەن قۇرمانعازى كوشەلەرىنىڭ شارشىسىن دا قايتا جاڭعىرتۋ كەرەكتىگىنە نازار اۋداردى. مەردىگەرلەردىڭ نازارىنا اتالعان تاريحي عيماراتتىڭ ساۋلەتتىك كەلبەتىن قالپىنا كەلتىرۋ قاجەتتىگىن ەسكەرتتى.
«بۇل – الماتىنىڭ تاريحي جانە مادەني ورتالىعى. ەسكى الماتىنىڭ قايتالانباس كەلبەتى ساقتالۋى ءتيىس», – دەدى اكىم ءوز سوزىندە.
ءار ۋاقىتتىڭ ءوز ەرەكشەلىگى بولادى. ول كەزدە ء«تۇرى ۇلتتىق, مازمۇنى سوتسياليستىك» دەگەن قاعيدا بارلىق سالادا ۇستەمدىك ەتتى.
بىراق سول زاماننىڭ بەلگىسى دەپ تانىلعان عيماراتتاردى تاريحي ەسكەرتكىش رەتىندە ساقتاپ قالۋ تۋرالى ۇكىمەتتىڭ شەشىمى بار. قازىر تاريحي ەسكەرتكىشتەردىڭ رەسپۋبليكالىق جانە الماتى قالاسى دەڭگەيىندەگى ەكى ءتىزىمى بار. تاريحي ەسكەرتكىش بولىپ تابىلاتىن عيمارات, ول كىمنىڭ مەنشىگىندە بولسا دا, ۇكىمەتتىڭ قورعاۋىندا تۇر.
ونى بۇزىپ, ءتۇرىن وزگەرتۋگە ەشكىمنىڭ قۇقى جوق.
