مەملەكەتتىك كىرىستەر كوميتەتى سالىق تولەۋدەن جالتارعان 100 جەكە تۇلعانىڭ ءتىزىمىن جاريالادى. بۇل ازاماتتاردىڭ مەملەكەت الدىنداعى جالپى بورىشى 286 019 395 تەڭگەنى قۇراپ وتىر. ونىڭ 175 354 401 تەڭگە – نەگىزگى بورىش سوماسى, ال قالعان 110 664 995 تەڭگە – ءوسىمپۇل بولىپ تابىلادى.
سالىق بويىنشا ەڭ كوپ بەرەشەگى بار ازامات قاراعاندى وبلىسىندا تۇرادى. اسقار نابيەۆتىڭ جەر سالىعى بويىنشا (بسك 104302) نەگىزگى بورىش سوماسى 37 163 849 تەڭگە, ەسەپتەلگەن ءوسىمپ ۇلى - 28 192 533 تەڭگە. جالپى قارىزى 65 356 383 تەڭگەنى قۇراپ وتىر.
ەلدە سالىعى بويىنشا ءوسىمپۇل سوماسى نەگىزگى بورىش سوماسىنان اسىپ كەتكەن ازاماتتار دا بار. مىسالى, نۇر-سۇلتان قالاسىنىڭ تۇرعىنى تالعاتبەك يلياسوۆتىڭ جەر سالىعى بويىنشا جالپى بەرەشەك سوماسى 19 050 875 تەڭگە, ونىڭ ىشىندە نەگىزگى بورىشى - 8 685 027 تەڭگە, ءوسىمپ ۇلى - 10 365 848 تەنگە.
كولىك سالىعى (بسك 104402) بويىنشا بورىشكەرلەر ءتىزىمىن تاعى دا قاراعاندى وبلىسى باستاپ وتىر. فاديس مۋستاكيموۆ بۇل سالىق ءتۇرى بويىنشا جالپى 6 081 323 تەڭگە قارىز جيناعان. ونىڭ تولەۋى ءتيىس نەگىزگى سوماسى - 4 059 318 تەڭگە, ەسەپتەلگەن ءوسىمپ ۇلى - 2 022 005 تەڭگە.
كەيبىر قازاقستاندىقتار م ۇلىك سالىعى (بسك 104102) بويىنشا دا قارىز جيناپ ۇلگەرگەن. مىسالى, جامبىل وبلىسىنىڭ تۇرعىنى ەرلان توكسانباەۆتىڭ جالپى بەرەشەك سوماسى 576 191 تەڭگە, ونىڭ ىشىندە نەگىزگى بورىش سوماسى - 335 811 تەڭگە, ءوسىمپۇل - 240 380 تەڭگە.
م ۇلىك, جەر, كولىك سالىعى بويىنشا بەرەشەگى بار ازاماتتاردىڭ جالپى ءتىزىمى ءباسپاسوز حابارلاماسىنا قوسا جىبەرىلگەن قوسىمشادا كورسەتىلگەن. ايتا كەتەيىك, مەملەكەتتىك كىرىستەر ورگاندارى سالىق بويىنشا بەرەشەگى بار ازاماتتار ءتىزىمىن جاريالاۋ ءۇردىسىن الداعى ۋاقىتتا دا جالعاستىرۋدى كوزدەپ وتىر.
قازىرگى ۋاقىتتا قازاقستاندا سالىقتىق راقىمشىلىق جۇرۋدە: اعىمداعى جىلدىڭ 31 جەلتوقسانىنا دەيىن (قوسا العاندا) نەگىزگى بورىش سوماسىن تولەگەن ازاماتتاردىڭ ءوسىمپ ۇلى ەسەپتەن شىعارىلاتىن بولادى.
سالىق تولەۋشىلەر بورىشتارىنىڭ بار-جوعىن مەملەكەتتىك كىرىستەر كوميتەتىنىڭ سايتىندا مىنا سىلتەمە بويىنشا http://kgd.gov.kz/ru/app/culs-taxarrear-search-web تەكسەرە الادى.
