سونىمەن قاتار ول قالاداعى №1 جانە №3 جىلۋ ەلەكتر ورتالىقتارىندا نەگىزگى ازىرلىك جۇمىستارىنىڭ تولىعىمەن اياقتالعانىن حابارلادى. ينجەنەرلىك جەلىلەر دە ماۋسىمعا ساقاداي ساي دايىن. وبلىس ورتالىعىنداعى 2365 تۇرعىن ءۇيدىڭ 2316-ءى جىلۋ بەرۋگە دايىندىق اكتىسىن العان. قالعان 49 كوپقاباتتى تۇرعىن ۇيدە جىلۋ جانە سۋمەن قامتاماسىز ەتۋ جۇيەلەرىن جوندەۋ جۇمىستارى اياقتالۋعا جاقىن. دايىندىق تولقۇجاتتارىن ولار الداعى 10 كۇندە الۋى ءتيىس.
قالا اكىمى حابارلاعانداي, جىلۋ ءبىرىنشى كەزەكتە پريشاحتينسك جانە سۇرىپتاۋ ەلدى مەكەندەرىنىڭ تۇرعىندارىنا بەرىلەدى. سودان كەيىن قالانىڭ قالعان اۋداندارى ورتالىق جۇيەدەن جىلۋ الا باستايدى.
وبلىس اكىمى جەڭىس قاسىمبەك جىلىتۋ ماۋسىمىنىڭ باستالۋىنا از ۋاقىت قالعانىن جانە مۇنىڭ قىسقى كەزەڭدەگى اسا ماڭىزدى شارۋالاردىڭ ءبىرى ەكەنىن تاعى ءبىر مارتە ەسكە سالدى.
– دايىندىق جۇمىستارىنىڭ بەلگىلەنگەن مەرزىمدە جۇرگىزىلگەنىن كورىپ وتىرمىن. ەنەرگەتيكا باسقارماسىنىڭ جىلىتۋ ماۋسىمىنىڭ باستالۋىن ءجىتى باقىلاۋعا الۋىن سۇرايمىن, – دەپ اتاپ ءوتتى وبلىس باسشىسى.
وبلىستىق ەنەرگەتيكا جانە تۇكش باسقارماسىنىڭ باسشىسى ۇلانتاي ۇسەنوۆ شاحان جانە اقادىر كەنتتەرىندەگى قازاندىقتار قۇرىلىسىنىڭ جۇمىستارى كەستە بويىنشا جۇرگىزىلىپ جاتقانىن باياندادى. بۇگىندە اقادىر كەنتىندە قازاندىق جابدىقتارى مەن ينجەنەرلىك جەلىلەر قۇراستىرىلعان. ال شاحاندا قۇرىلىس-قۇراستىرۋ جۇمىستارى جۇرگىزىلىپ جاتىر. قۇرىلىس باسىندا بارلىق قاجەتتى تەحنيكا مەن جۇمىسشى كۇشى بار. قازىر جەر قازاندىعى, سونداي-اق قازاندىقتار نەگىزىن سالۋ جۇمىستارى جۇرگىزىلۋدە.
تەمىرتاۋ قالاسىنداعى جەو-2-ءنىڭ جىلىتۋ ماۋسىمىنا دايىندىعى ەرەكشە باقىلاۋعا الىنعان. تۋربواگرەگاتتار مەن قازاندىقتاردى جوندەۋ بويىنشا بارلىق جۇمىستار كەستە بويىنشا ورىندالادى, دەپ سەندىردى ۇلانتاي ۇسەنوۆ.
جيىندا ءوڭىر باسشىسى كوممۋنالدىق-تۇرمىستىق قاجەتتىلىكتەرگە ارنالعان كومىر قورىنىڭ كولەمى تۋرالى دا سۇراپ ءبىلدى. قازىر ءوڭىردىڭ بارلىق ەلدى مەكەندەرىندە شىلدە ايىنان باستاپ وتىننىڭ قاتتى ءتۇرى ساتىلۋدا. ساۋدا نۇكتەلەرىندە كەزەك پەن دۇرلىكپە جوققا ءتان. وبلىس تۇرعىندارى شۇباركول كومىرىنىڭ تونناسىن 10 100 تەڭگەگە ساتىپ الا الادى, ال ء«سات كومىر» ماركالى كومىردىڭ باعاسى 6000-6500 تەڭگەنى قۇرايدى.
جيىن سوڭىندا وبلىس اكىمى كومىر باعاسىنىڭ اياق استىنان نەگىزسىز قىمباتتاپ كەتپەۋىن باقىلاۋعا الۋدى تاپسىردى.
قاراعاندى وبلىسى
