جاڭا كوپىرلەرمەن بىرگە وبلىس اكىمىنە تالدىقورعان قالاسىندا ىسكە اسىرىلاتىن باسقا دا جوبالار كورسەتىلدى. اماندىق باتالوۆ الماتى – تالدىقورعان تراسساسىنىڭ قالاعا كىرەبەرىس اۋماعىنداعى قۇرىلىستارعا, اباتتاندىرۋ, كوگالداندىرۋ جوبالارىنا ەرەكشە نازار اۋداردى. وبلىس اكىمىنىڭ تۇراقتى باقىلاۋىمەن دايىندالعان بۇل جوبادا ۇساق-تۇيەككە دەيىن ەسكەرىلگەن. بۇل ۆەلوسيپەد جولدارىنا, جاسىل جەلەكتىڭ تۇرلەرى مەن فورمالارىنا, شاعىن ارحيتەكتۋرالىق فورمالاردىڭ ورنالاستىرىلۋىنا, جارىقتاندىرۋ مەن اۆتوماتتى سۋارۋ جۇيەسىنە جانە تاعى باسقالارعا دا قاتىستى.
- بۇل اۋماق – قالانىڭ كىرەبەرىس قاقپاسى, قالانىڭ بەت-بەينەسى كىرەبەرىستەن باستالادى. سوندىقتان بۇل جوبادا بارلىعى حالىققا قولايلى, ساپالى, ەستەتيكالىق تالعامعا ساي جاسالۋى ءتيىس, - دەپ اتاپ وتكەن ا. باتالوۆ قالا اكىمى ع.ابدىرايىموۆقا جوبانى جۇزەگە اسىرۋ جۇمىستارىن باستاۋدى تاپسىردى.
ال تالدىقورعانعا كىرە بەرىسكە جاقىن اۋماقتىڭ جوباسىن وبلىس اكىمى سىنعا الىپ, ونى دايىنداۋدى باسقا ساۋلەتشىلەر مەن جوبالاۋشىلارعا بەرۋدى تاپسىردى.
قالانىڭ وڭتۇستىك-باتىس اۋدانىندا بىرقاتار قاجەتتى نىساندار بوي كوتەرمەك. ەڭ ءبىرىنشى جابىق كوممۋنالدىق بازار سالىناتىنىن اتاپ وتۋگە بولادى. زامانۋي بازاردىڭ جالپى الاڭى 40 مىڭ شارشى مەتردى قۇرايدى, بارلىق قاجەتتى ينفراقۇرىلىممەن قامتىلعان ساۋدا ورنى استانا داڭعىلىنىڭ الدابەرگەنوۆ كوشەسىمەن قيىلىسىنان سالىنباق. جوبادا اۋماقتى اباتتاندىرۋ قاراستىرىلعان, كولىك قوياتىن الاڭ, جۇك ماشينالارى توقتايتىن ورىن, دەمالىس پەن ويىن الاڭدارى دا جاسالادى. وبلىس اكىمى جوباعا كەلىسىمىن بەردى.
ال 6-شى شاعىن اۋداندا ورنالاسۋى ءتيىس 1200 ورىندى جاڭا مەكتەپتىڭ جوباسى ماقۇلدانباي, جوبا تولىعىمەن قايتا جاسالاتىن بولدى.
تۇرعىن ءۇي قۇرىلىسىنا, سونىڭ ىشىندە از قامتىلعان جانە كوپ بالالى وتباسىلارعا ارنالعان باسپانالاردىڭ سالىنۋىنا دا ەلەۋلى كوڭىل ءبولىندى. جالپى بيىلعى جىلى تالدىقورعاندا 122,3 مىڭ شارشى مەتر بولاتىن تۇرعىن ۇيلەردى پايدالانۋعا بەرۋ جوسپارلانعان. كوتتەدجدى قالاشىق جاڭا تۇرعىن اۋدان رەتىندە بوي كوتەرەدى. جۋىق كۇندەردە 155 ءۇي بەرىلمەك.
سول سياقتى وبلىس اكىمىنە ءبىلىم بەرۋ, دەنساۋلىق ساقتاۋ, كوممۋنالدىق شارۋاشىلىق نىساندارى قۇرىلىسىنىڭ جوبالارى دا ۇسىنىلدى. ولاردىڭ قاتارىندا رايىمبەك اۋدانى نارىنقول اۋىلىنداعى 250 كەلۋشىگە ارنالعان ەمحانا, تالدىقورعانداعى 25 توسەك ورىندىق ستاتسيونارى بار 150 كەلۋشىگە ارنالعان ەمحانا, قاپشاعاي قالاسىندا 900 ورىندى, قاراساي اۋدانى ۇشتەرەك اۋىلىندا 600 ورىندى, پانفيلوۆ اۋدانى باسقۇنشى اۋىلىندا 300 ورىندى مەكتەپتەر جانە باسقا دا نىساندار بار. اتالعان جوبالاردىڭ بىرقاتارىن وبلىس اكىمى ماقۇلدادى, كەيبىرىنە شاتىرلارىنىڭ ءتۇرى, تۇستىك ۇيلەسىمدەرى تۇرعىسىنان وزگەرىستەر ەنگىزۋ قاجەتتىگى ايتىلدى. وزگەرىستەر مەن تولىقتىرۋلار ەنگىزىلگەننەن كەيىن وبلىس اكىمىنىڭ كەلىسىمىن الۋعا ۇسىنىلاتىن بولادى.
جالپى وسى كۇنى 200-دەن استام جوبا تانىستىرىلدى. ولاردىڭ بارلىعى دا وبلىستا جۇزەگە اسىرىلادى. بولاشاقتا سالىناتىن عيماراتتار حالىققا ۇزاق جىلدار ساپالى ءارى جايلى قىزمەت ەتۋى ءۇشىن ءاربىر جوبا ەگجەي-تەگجەيلى قارالادى.
