قوعام • 23 قىركۇيەك، 2019

ءمامس: كىم، قانشا، نە ءۇشىن تولەيدى؟

105 رەتكورسەتىلدى

«الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالى تۇرعىندار تاراپىنان ءجيى قويىلاتىن ساۋالدارعا جاۋاپ بەرەدى دەپ حابارلايدى قوردىڭ ءباسپاسوز قىزمەتى. 

مەديتسينالىق ساقتاندىرۋعا نە ءۇشىن تولەۋ كەرەك؟

مەديتسينالىق ساقتاندىرۋ تولەمدەرىن اۋدارۋ سىزگە مەديتسينالىق قىزمەتتىڭ ساقتاندىرۋ پاكەتىن پايدالانۋعا مۇمكىندىك بەرەدى. مەديتسينالىق ساقتاندىرۋ پاكەتى ارقىلى تەگىن كومەككە قاراعاندا الدەقايدا cالالى قىزمەت الۋعا بولادى. ساقتاندىرىلعان ادامدار دارىگەرگە قارالۋعا، ەم قابىلداۋعا كەتەتىن شىعىندارعا الاڭداماسا دا بولادى. سوندىقتان مەديتسينالىق ساقتاندىرۋ تولەمدەرىن اۋدارعان ءتيىمدى.

دەگەنمەن، بۇل مەديتسينالىق ساقتاندىرۋ جارناسىن اۋدارماعان ازاماتتارعا مەديتسينالىق قىزمەت كورسەتىلمەيدى دەگەن ءسوز ەمەس. ولار ۋچاسكەلىك تەراپەۆت قابىلداۋىنا جازىلىپ قانا قويماي، تەكسەرىستەن ءوتىپ، بىرقاتار قاۋىپتى دەرت بويىنشا تەگىن ەم الادى. جەدەل مەديتسينالىق جاردەمنىڭ قىزمەتى دە اقىسىز بولىپ قالا بەرەدى.

مەديتسينالىق ساقتاندىرۋدى حالىق نەعۇرلىم كوپ تاڭداسا، جۇيە سوعۇرلىم تۇراقتالادى.

 كىم ءۇشىن جانە قانشا جارنا؟

زاڭ بويىنشا بارلىق جۇمىس ىستەيتىن تۇرعىنداردىڭ تابىستارىنان مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىنە جارنالار الىنۋى ءتيىس. اعىمداعى جىلى جارنانى تەك جۇمىس بەرۋشىلەر عانا تولەيدى. ونىڭ كولەمى - جالدامالى قىزمەتكەرلەرگە بەرىلەتىن ەڭبەكاقىنىڭ 1،5%-ى.

ءسىزدىڭ مەملەكەتتىك قۇرىلىمدا نەمەسە جەكەمەنشىك ۇيىمدا بولسىن، قاي جەردە جۇمىس ىستەيتىنىڭىز ماڭىزدى ەمەس: جۇمىس بەرۋشى ءوز قاراجاتى ەسەبىنەن تولەم جۇرگىزۋگە مىندەتتى. بۇل ءسىزدىڭ جالاقىڭىزعا اسەر ەتپەيدى.

وسى ماسەلەگە كوز جەتكىزۋ ءۇشىن سىزگە اي سايىن بەرىلەتىن ەسەپ پاراعىمەن مۇقيات تانىسىپ شىعىڭىز. جۇمىس بەرۋشىنىڭ ءمامس جۇيەسىنە قاتىستى اعىمداعى اي مەن جىل باسىنان بەرگى اۋدارىمدارى جەكە جولاقتا كورسەتىلگەن. نازار اۋدارىڭىز: قازىر ءمامس ءۇشىن «ۇستاپ قالۋ» باعانىندا ەشقانداي سوما جوق!

ەسەپتەۋ ۇلگىسى:

2019 جىل

تۇسكەنى - 100 000 تەڭگە

ەڭبەكاقىدان ءمامس-كە جارنا ۇستاپ قالۋ - جوق

جۇمىس بەرۋشىنىڭ اۋدارىمدارى – 1500 تەڭگە

كەلەسى جىلى ساقتاندىرۋ مەديتسيناسى ەنگىزىلگەندە جاعداي وزگەرەدى. 2020 جىلدىڭ قاڭتار ايىنان باستاپ جۇمىس بەرۋشى ءسىزدىڭ ەڭبەكاقىڭىزدىڭ 1%-ىن (2022 جىلى – 2%-دان) ۇستاپ، مەديتسينالىق ساقتاندىرۋ قورىنا اۋدارا باستايدى. ايتسە دە بەلگىلى شەگى بار – ەڭ كوپ دەگەندە 10 ەڭ تومەنگى جالاقىدان ەسەپتەلەدى.

جۇمىس بەرۋشى جالدامالى پەرسونال ءۇشىن 2020-2021 جىلدارى - 2%، 2022 جىلى - 3% اۋدارىم جاساۋدى جالعاستىرا بەرەدى.

ەسەپتەۋ ۇلگىسى:

2020-2021 جىلدار

تۇسكەنى - 100 000 تەڭگە

ەڭبەكاقىدان ءمامس-كە جارنا ۇستاپ قالۋ – 1000 تەڭگە

جۇمىس بەرۋشىنىڭ اۋدارىمدارى – 2000 تەڭگە

 

2022 جىل

تۇسكەنى - 100 000 تەڭگە

ەڭبەكاقىدان ءمامس-كە جارنا ۇستاپ قالۋ – 2000 تەڭگە

جۇمىس بەرۋشىنىڭ اۋدارىمدارى – 3000 تەڭگە

 كىم ءوزى تولەيدى؟

جەكە كاسىپكەرلەر، شارۋا قوجالىقتارىنىڭ يەلەرى جانە جەكە تاجىريبەمەن اينالىساتىن تۇلعالار (جەكە ادۆوكاتتار، سوت ورىنداۋشىلارى، ت.ب.) 2020 جىلدان باستاپ اي سايىن 1،4  ەڭ تومەنگى جالاقىنىڭ 5% ستاۆكاسى بويىنشا ءمامس جارنالارىن اۋداراتىن بولادى. اعىمداعى جىلدىڭ باعاسىمەن ەسەپتەسەك، جارنانىڭ كولەمى 2975 تەڭگەنى قۇرايتىن ەدى.

ەسەپتەۋ ۇلگىسى:

ەڭ تومەنگى جالاقى 2019 جىلى – 42500 تەڭگە

42500 تەڭگە ح 1،4 = 59500 تەڭگە

59500 تەڭگەدەن 5%  = 2975 تەڭگە

ەڭ تومەنگى جالاقى جىلما-جىل وزگەرەتىندىكتەن، 2020 جىلى جارنا سوماسى وزگەشە بولۋى مۇمكىن.

 

بارلىق تۇرعىندار (دەربەس تولەۋشىلەر) مەديتسينالىق ساقتاندىرۋ ءۇشىن ەڭ تومەنگى جالاقىنىڭ 5% مولشەرىندە تولەم جاساي الادى. 2019 جىلى - 2125 تەڭگە.

ەسەپتەۋ ۇلگىسى:

ەڭ تومەنگى جالاقى 2019 جىلى – 42500 تەڭگە

42500 تەڭگەدەن 5%  = 2125 تەڭگە

تۇراقتى تابىسى نەمەسە رەسمي ەڭبەك شارتى جوق ازاماتتار دا مەديتسينالىق ساقتاندىرۋ جۇيەسىنىڭ قاتىسۋشىسى بولا الادى. مۇنداي مۇمكىندىك جالدامالى ەڭبەك كۇشىن تارتپاي، وزگە جەكە تۇلعالارعا قىزمەت كورسەتىپ، ءوزىن-ءوزى جۇمىسپەن قامتىپ وتىرعان ازاماتتارعا (مىسالى، ساياجايىنىڭ كوكونىستەرى مەن جەمىستەرىن ساتۋمەن، كومىر تيەۋمەن نەمەسە باقشاعا ەگىن ەگۋمەن، بالا كۇتۋشى، رەپەتيتور سەكىلدى جۇمىستارمەن، ۇيدە كومپيۋتەر جوندەۋمەن اينالىساتىن ازاماتتار) بەرىلەدى.

ءوزىن-ءوزى جۇمىسپەن قامتىعان ازاماتتار بىرىڭعاي جيىنتىق تولەم (بجت) جاساي الادى. ەڭ تومەنگى اۋدارىمدار ءۇشىن (0،5 – 1 اەك) ازامات بىردەن ءۇش الەۋمەتتىك جۇيەنىڭ قاتىسۋشىسى بولادى: زەينەتاقى (جۇمىس ءوتىلى ەسەپتەلەدى)، الەۋمەتتىك جانە مەديتسينالىق ساقتاندىرۋ. 2020 جىلى كەمىندە ءۇش اي قاتارىنان بجت تولەۋ مەديتسينالىق قىزمەتتەردىڭ ساقتاندىرۋ پاكەتىن الۋعا مۇمكىندىك بەرەدى.                                             

بجت ەسەپتەۋ ۇلگىسى:

رەسپۋبليكالىق جانە وبلىستىق ماڭىزى بار قالالار ءۇشىن - 1 اەك (2019 جىلى  2525 تەڭگە)

اۋىلدىق جەرلەر ۇشىن  - 0،5 اەك ( 2019 جىلى  1263 تەڭگە)

ەسكە سالا كەتەيىك، مەديتسينالىق ساقتاندىرۋ جۇيەسى زاڭ ارقىلى ەنگىزىلدى. جۇمىس بەرۋشىلەردىڭ، جك، جەكە تاجىريبەمەن اينالىساتىن ادامداردىڭ جۇيەنى ورىنداۋىن مەملەكەتتىك كىرىستەر دەپارتامەنتى سالىق مىندەتتەمەلەرىن ورىنداۋ قاعيداتى بويىنشا قاداعالايتىن بولادى. تولەم مەرزىمىن كەشىكتىرگەندەر ءۇشىن ءوسىمپۇل جۇرەدى، قاساقانا تولەم جاسامايتىنداردىڭ شوتىنا تىيىم سالىنادى.

                                                      

 

 

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار