كاسىپكەرلەر كاپيتالعا قۇيۋدىڭ ارقاسىندا ءتيىمدى شارتتارمەن: تەڭگەمەن جىلدىق 8%-عا دەيىن, 10 جىلعا دەيىنگى مەرزىمدە بالامالى قارجى كوزدەرىنە يە بولا الادى. بۇل رەتتە Baiterek Venture Fund كومپانيالاردى ولاردىڭ كاپيتالداعى قاتىسۋ ۇلەستەرىن 49%-دان ارتىق ەمەس مولشەردە ۆتب بانكى (قازاقستان) كەپىلدىگىمەن ساتىپ الۋ ارقىلى قور جينايتىن بولادى. شاعىن جانە ورتا كاسىپكەرلىك سۋبەكتىلەرى ءۇشىن ينۆەستيتسيا سوماسى 1 ملرد تەڭگەدەن اسپاۋى قاجەت.
– ءبىز Baiterek Venture Fund-پەن كەلىسىمگە قول قويدىق, وعان سايكەس بانك كاپيتالعا جەڭىلدىكپەن قارجىلاندىرۋ باعدارلاماسىنىڭ شارتتارىن قولدانۋدى ۇيعارعان كومپانيالاردىڭ جوبالارىن وزدىگىنەن ىرىكتەپ الادى جانە Baiterek Venture Fund پايداسىنا قاراي كەپىلدىك شىعارادى. ينۆەستيتسيالاۋدىڭ مۇنداي ءتۇرى – بۇل مەملەكەتتىك دامۋ ينستيتۋتتارى مەن كوممەرتسيالىق بانكتەردىڭ اراسىنداعى ءتيىمدى ءوزارا ارەكەتتەسۋدىڭ مىسالى, سونداي-اق شوب سەكتورىن دامىتۋدىڭ ءوتىمدى ءتاسىلى, – دەدى ۆتب بانكى (قازاقستان) باسقارما مۇشەسى يگور لي. – ءبىزدىڭ بانك - ەلىمىزدەگى كاسىپكەرلىكتى دامىتۋعا جانە بەرىك شوب سەكتورىن قۇرۋعا باعىتتالعان 13 مەملەكەتتىك باعدارلامانىڭ بەلسەندى قاتىسۋشىسى. ءبىز كليەنتتەرىمىزگە وتاندىق نارىقتا ۇسىنىلعان كەز كەلگەن مۇمكىن بولاتىن قۇرالدارمەن كومەكتەسۋگە دايىنبىز.
وپەراتور رەتىندە Baiterek Venture Fund اق تانىلاتىن, ەكىنشى دەڭگەيدەگى بانكتەر ارقىلى كاپيتالعا جەڭىلدىكپەن قارجىلاندىرۋ باعدارلاماسىن ىسكە اسىرۋعا 30 ملرد تەڭگە ءبولىندى – بۇل «قازىنا كاپيتال مەنەدجمەنت» اق قاراجاتى. جوبانىڭ نەگىزگى ماقساتى – ەكونوميكانىڭ شيكىزاتتىق ەمەس سالالارىن دامىتۋ, شيكىزات ەمەس ءونىمنىڭ ەكسپورتىن قولداۋ, جۇمىسباستىلىق دەڭگەيىن ارتتىرۋ.
باعدارلاما مەحانيزمى بىرنەشە كەزەڭدى كوزدەيدى: الدىمەن كاسىپكەر كەپىلدىك الۋعا وتىنىممەن بانككە جۇگىنۋى جانە ءوز كومپانياسىن باعالاۋى قاجەت, سودان سوڭ بانك بيزنەسكە ساراپتاما جۇرگىزەدى; كاسىپكەر بانكتەن حات العاننان كەيىن Baiterek Venture Fund-كە ءوتىنىم بەرە الادى, كەيىن قور ءوزىنىڭ جەدەل-تالداۋىن جۇرگىزەدى. ەگەر ەكى ساراپتامانىڭ دا ناتيجەلەرى وڭ بولسا, وندا كاسىپكەر, بانك جانە قور اراسىندا قارجىلاندىرۋ تۋرالى قۇجاتتارعا قول قويىلادى جانە قاراجات بولىنەدى.
الماتى
