قازاقستان رەسپۋبليكاسىنا تۇراقتى كوشىپ كەلۋدى ماقسات ەتكەن ولار, ازاماتتىق الا الماي جۇرگەندىگىن ايتىپ, اقتاۋ قالاسىندا ورنالاسقان يران رەسپۋبليكاسىنىڭ باس كونسۋلدىعىنا جولىققان.
بۇل ازاماتتاردىڭ قۇجاتتارىنا ءمور قويۋ ءۇشىن نۇر-سۇلتان قالاسىندا ورنالاسقان قر سىرتقى ىستەر مينيسترلىگىنە بارۋى تالاپ ەتىلەدى. يران ازاماتتارى ەلىمىزدىڭ باس شاھارىنا بارۋ ءۇشىن, ورىس ءتىلىن بىلمەيتىنىن ايتىپ, ماسەلەنى اقتاۋ قالاسىندا شەشىپ بەرۋ جونىندە ءوتىنىش بىلدىرگەن.
گۇلشارا باستاۋباەۆانىڭ ايتۋىنشا, بۇل ماسەلە كوشى–قون پوليتسياسىنىڭ قۇزىرىنا جاتپايدى جانە بۇل ىسپەن قر سىرتقى ىستەر ءمينيسترى اينالىسادى.
-سەبەبى, شەتەل ازاماتتارى الىس شەت ەلدەن كەلگەن بولسا, كەتكەندىگىن راستايتىن قۇجاتقا ارنايى ءمور سوعىلۋى قاجەت. نۇر-سۇلتان قالاسىنا ءبىز قر ىشكى ىستەر مينيسترلىگىنە ءسىزدىڭ تالاپتارىڭىزدى جازىپ جىبەرەيىك, وسىنشاما ازامات قازىرگى تاڭدا «Nur Otan» پارتياسىنا كەلىپ, نۇر-سۇلتان قالاسىنا بارۋعا قاراجات جاعى قيىندىق تۋدىراتىنىنا شاعىمدانىپ وتىرعانىن دا جازىپ كورسەتەمىز, دەدى ول.
الايدا رەسمي تۇردە جولدانعان حاتقا جاۋاپ الۋبەلگىلى ءبىر ۋاقىتتى تالاپ ەتەدى, سوندىقتان وتىنىشپەن جۇگىنگەن بارلىق ازاماتتاردىڭ قۇجاتتارىن جيناقتاپ, سەنىمحات ارقىلى ءبىر ادامنىڭ بارىپ كەلۋى ۇسىنىلدى.
سونىمەن قاتار, اقتاۋ قالاسىندا ورنالاسقان يران يسلام رەسپۋبليكاسىنىڭ باس كونسۋلدىعىنا بارىپ, كەلەسى كەلگەن ازاماتتاردىڭ قۇجاتتارىن وزدەرى قابىلداۋىن جانە يران ەلشىسىنەن قويدىرىپ اكەلەتىن ءموردىڭ ۋاقىت شەكتەۋىن قويماۋىن قاداعالاۋسۇرالدى.
يران ازاماتتارىنىڭ اۋىزشا وتىنىشتەرى تولىقتاي قارالىپ, زاڭدى تۇردە كەڭەستەر بەرىلدى, دەپ حابارلايدى «Nur Otan» پارتياسى ماڭعىستاۋ وبلىستىق فيليالىنىڭ ءباسپاسوز حاتشىسى ك.ايبەرگەنقىزى.
