كەزدەسۋ بارىسىندا حالىقارالىق كۇن تارتىبىندەگى وزەكتى ماسەلەلەر, ەۋروپا ەلدەرىنىڭ ورتالىق ازيامەن ءوزارا ءىس-قيمىلدارى, سونداي-اق قازاقستانداعى الەۋمەتتىك-ەكونوميكالىق جاڭعىرۋلاردىڭ ىلگەرىلەۋى تالقىلاندى.
فرانتسۋز ساياساتكەرى, ەۋروپالىق قايتا قۇرۋ جانە دامۋ بانكىنىڭ نەگىزىن قالاۋشى ءارى تۇڭعىش باسشىسى جاك اتتالي پرەزيدەنت قاسىم-جومارت توقاەۆقا كەزدەسۋ ءۇشىن العىسىن ءبىلدىرىپ, قازىرگى قۇبىلمالى الەمدەگى كۇردەلى احۋالدا قازاقستان تۇراقتىلىق پەن ورنىقتى دامۋدى ساقتاپ وتىرعانىن اتاپ ءوتتى.
مەملەكەت باسشىسى قازاقستاننىڭ باسقا ەلدەرمەن قارىم-قاتىناسىندا ارقاشان بەيبىتشىل ساياسات ۇستاناتىنىنا, ءوزارا ءتيىمدى ىنتىماقتاستىق پەن سەرىكتەستىككە اشىق ەكەنىنە, سونداي-اق شەتەلدىك كاپيتالدى تارتىپ, ينۆەستيتسيالىق احۋالدى جاقسارتۋ ءۇشىن بەلسەندى جۇمىس جۇرگىزىپ وتىرعانىنا باسا ءمان بەردى.
