تۋرنير اقپارات جانە قوعامدىق دامۋ مينيسترلىگى جانە «ازاماتتىق باستامالاردى قولداۋ» ورتالىعى كەاق-مەن بىرلەسىپ وتەدى. جوبانىڭ نەگىزگى ماقساتى جاستار جىلى اياسىندا قازاقستانداعى دەبات قوزعالىسىن جانداندىرۋ جانە ەلىمىزدە دەبات فەدەراتسياسىن قۇرۋ.
تۋرنير 20-21 قىركۇيەك ارالىعىندا قازۋتب ۋنيۆەرسيتەتىنىڭ عيماراتىندا وتەدى. فينالدىق ويىن 22 قىركۇيەك كۇنى نۇر-سۇلتان قالاسىنىڭ «وقۋشىلار سارايىندا» وتەدى.
اشىلۋ سالتاناتىنا «Nur Otan» پارتياسى حاتشىسى عابيدوللا وسپانقۇلوۆ, «ازاماتتىق باستامالاردى قولداۋ ورتالىعى» توراعاسى مۋكينا باتيما, «Jas Otan» جق توراعاسى كارىبەك داۋلەت قاتىسادى.
سونىمەن قاتار بريتاندىق پارلامەنت جانە لينكولن – دۋگلاس فورماتتارى بويىنشا تۋرنير قاتىسۋشىلارى مەن تورەشىلەرىنە ارنالعان ترەنينگتەر مەن ماستەر-كلاستار وتكىزىلدى.
قازاق جانە ورىس ليگالارى فينالىنان بولەك ساياسي جانە قوعام قايراتكەرلەردىڭ, بلوگەرلەردىڭ, باسقا دا تانىمال تۇلعالاردىڭ قاتىسۋىمەن «جۇلدىزدى ويىن» وتكىزۋ جوسپارلانۋدا.
تۋرنير قورىتىندىسى بويىنشا دەباتەرلەردىڭ ءوزارا بايلانىسى ءۇشىن سايت پەن ءموبيلدى قوسىمشا ازىرلەنىپ, ىسكە قوسىلادى. اتالعان ءموبيلدى قوسىمشا تايم-كيپەرلەردى الماستىراتىن ەلىمىزدە بالاماسى جوق قۇرال.
