ارداگەر عاسىرعا تولعان جاسىندا جاڭا كىتابىن جازىپ جاتىر. يۆان فەدوروۆيچتىڭ مۇنىڭ الدىندا جازعان «جولدار – مەنىڭ تاعدىرىم» اتتى ونىڭ سوعىستان كەينگى بەيبىت جالدارى ەلىمىزگە سىڭىرگەن ەڭبەگى تۋرالى جازدى. ول سوعىستان كەيىنگى بەيبىت ومىردە جولدار سالۋمەن اينالىستى.
يۆان فەدوروۆيچ كەڭەس وداعى جىلدارى وبلىستاعى جول باسقارماسىنىڭ باستىعى بولىپ قىزمەت ەتتى. سول جىلدارى قاراسۋ اۋدانىنا 350 شاقىرىم تاس جول سالعىزعان بولاتىن. اۋدان تۇرعىندارى ونى ءالى كۇنگە دەيىن ريزاشىلىقپەن ەسكە الادى. بۇگىندە ارداگەردىڭ بۇل كىتابى تۇڭعىش پرەزيدەنت مۋزەيىندە ساقتاۋلى تۇر.
ارداگەر ومىرىندەگى ەڭ جوعارى ماراپاتى ەلگە مايداننان امان-ەسەن ورالۋى دەپ بىلەدى.
«1941 جىلعا دەيىن سامۋرايلارمەن بولعان سوعىسقا قاتىستى. سول جىلدارداعى ەڭبەگىم ءۇشىن مارشال جۋكوۆ مەدالىن تاقتى. 1942 جىلدان باستاپ باتىسقا, ەكىنشى ۋكراين مايدانىنا جىبەرىلدى» دەپ اڭگىمەلەدى يۆان فەدوروۆيچ تۋرالى قوستاناي قالالىق ارداگەرلەر كەڭەسىنىڭ توراعاسى يۋري حورياكوۆ.
ارداگەردىڭ عاسىرلىق تۋعان كۇنىنە قوستاناي جانە ونىڭ ءوزى وسكەن قاراسۋ اۋداندىق ارداگەرلەر كەڭەسىنىڭ مۇشەلەرى كەلدى. ولار قوستاناي قالاسىنىڭ اكىمى قايرات احمەتوۆتىڭ توي يەسىن قۇتتىقتاۋىن جەتكىزدى. اكىمنىڭ اتىنان مەرەيتوي يەسىنە قوستاناي قالاسىنىڭ 140 جىلدىعىنا ارناپ شىعارىلعان ساعات سىيعا تارتىلدى.
