زارداپ شەككەندەرگە – 100 ميلليون تەڭگە

الماتى وبلىسىنىڭ “قى­زىل­اعاش” اۋىلىندا تا­بيعات اپاتى­نان زارداپ شەككەندەرگە كومەك قولىن سوزۋشىلار قاتارى دا كوبەيە تۇسۋدە. تاسقىن سالدارى­نان كەلگەن شىعىننىڭ ورنىن تول­تى­رىپ, قىزىلاعاشتىقتارعا قام­قورلىق كورسەتۋشىلەردىڭ اراسىندا الماتى قالاسىنىڭ تۇرعىندارى دا بار. الماتى قالاسىنىڭ اكىمى اح­مەت­جان ەسىموۆ وبلىستا ورىن العان توسىن وقيعاعا بايلانىستى ءوت­كى­زىلگەن قالالىق كەڭەستە الماتى وب­لىسىنىڭ اكىمدىگىنە 100 ميلليون تەڭگە كولەمىندە ماتەريالدىق كو­مەك كورسەتىلەتىندىگىن حابارلادى. سونىمەن قاتار, تابيعات اپاتىنان زارداپ شەككەندەرگە قالالىق اكىم­دىك قىزمەتكەرلەرى ءبىر كۇندىك جا­لاقىسىن اۋدارۋدى ۇيعارىپ وتىر. قالا باسشىسى  وڭتۇستىك استاناداعى بارلىق مەكەمەلەرگە قالىپتاسىپ وتىرعان جاعدايعا بايلانىستى كومەكتىڭ بارلىق ءتۇرىن كورسەتۋدى تاپسىردى. ماسەلەن, قالادا مەم­لە­كەتتىك ەمەس ۇيىمداردىڭ كۇشىمەن الماتى وبلىسىنداعى تابيعات اپاتىنان زارداپ شەككەن تۇرعىن­دارعا ارنالعان قور قۇرىلىپ, وعان كوپشىلىك كيىم-كەشەك تاعى دا باسقا تۇرمىسقا قاجەتتى زاتتاردى تاپ­سىرۋدا. قالالىق كەڭەستە ءسوز العان ا.ەسىموۆ الماتى قالاسىنا تونگەن تاسقىن جانە سەل اپاتىنىڭ قاۋپى جوق ەكەندىگىن مالىمدەدى. قالالىق توتەنشە جاعدايلار دەپارتامەنتى جىل بويى تابيعات اپاتىنا باي­لا­نىستى جاعدايلاردىڭ, قار تاس­قى­نىنىڭ, سۋ تاسقىنىنىڭ جاعدايىن جۇيەلى تۇردە قاداعالاۋدا. سوعان قاراماستان, وبلىستا ورىن العان توسىن وقيعا قالالىق قىزمەت ور­ىن­دارىنىڭ جۇمىستىڭ ەرەكشە ەرە­جە­سىنە كوشۋدى تالاپ ەتىپ وتىر. وڭ­تۇستىك استانانىڭ تاۋلى جانە تاۋ باۋرايىنداعى اۋداندارىندا “قاز­سەلقورعاۋ” جۇيەسىنىڭ پوستىلارى قويىلعان. احمەتجان ەسىموۆ تاسقىن سۋ­لاردىڭ قاۋىپسىزدىگىن قامتاماسىز ەتۋ جونىندەگى قالالىق شتابتى قۇرۋدى تاپسىردى. وعان قالا اكىمىنىڭ ءبىرىنشى ورىنباسارى ءماۋ­لەن مۇقاشەۆ جەتەكشىلىك ەتەدى. باقىت بالعارينا, الماتى.