ايماقتار • 17 قىركۇيەك، 2019

اقتاۋداعى ەندوحيرۋرگتەر كونگرەسى: وتالار ءساتتى باستالدى

65 رەتكورسەتىلدى

اقتاۋ قالاسىندا ءوتىپ جاتقان كاسپي ماڭى مەملەكەتتەرىنىڭ 1-ءشى پانارالىق ەندوحيرۋرگيالىق كونگرەسى اياسىندا فرانتسيا، رەسەي، ۋكراينا جانە قازاقستاننىڭ ونكولوگ جانە گينەكولوگ دارىگەرلەرى عىلىمي – پراكتيكالىق سەسسيا بارىسىندا ءوزارا پىكىر الماسىپ، شەبەرلىك-كلاسىن وتكىزىپ، بىرنەشە وتانى ءساتتى باستاپ كەتتى. بۇل تۋرالى ماڭعىستاۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى حابارلادى.

اتاپ ايتقاندا، جاتىر مويىنى وبىرى حيرۋرگياسىنداعى لاپاروسكوپيانىڭ مۇمكىندىكتەرى مەن شەكتەۋلەرى، ونكوگينەكولوگياداعى يننوۆاتسيالار تاقىرىبىندا ءسوز قوزعادى. ال وپەرايالاردى ترانسلياتسيالاۋ كەزىندە 3D «جاتىر مويىنى وبىرى. ۆەرتگەيم وپەراتسياسى» جانە «رەتروتسەرۆيكالدى ەندومەتريوز – ىشەك كەسۋ» ءساتتى ءوتتى.

ۋكرايندىق جوعارى ساناتتاعى دارىگەر، حيرۋرگ سەرگەي بايدو انالىق بەزى وبىرىنىڭ تارالعان ءتۇرى كەزىندەگى لاپاروسكوپيالىق تولىق ءبىرىنشى تسيتورەدۋكتسيانىڭ دۇنيەجۇزىندەگى العاشقى تاجىريبەسىمەن ءبولىستى. ال رەسەيدىڭ سانكت-پەتەربور شاھارىنان كەلگەن مەديتسينا عىلىمدارىنىڭ كانديداتى الەكساندر باسوس ەلەكتروحيرۋرگيانىڭ فيزيكالىق نەگىزدەرى تۋرالى ايتىپ بەردى. «وبىر ەندومەتريا ICG» جانە «پارااورتالى، جامباس ليمفوديسسەكتسيا» اتتى وتالار جۇرگىزىلدى. سونداي-اق رەپرودۋكتيۆتىك جاستاعى ايەلدەردە جاتىر مويىنى پاتولوگياسىن ەمدەۋدىڭ قازىرگى زامانعى ادىستەرى مەن باستاۋىش ەندوسكوپيستتىڭ داعدىلارىن دامىتۋداعى Wetlab ءرولى جايلى ايتىلدى.

سونىمەن قاتار بۇگىن گيستەروسكوپيا مەكتەبى ۇيىمداستىرىلدى. ونىڭ اياسىندا ماڭعىستاۋ وبلىستىق پەريناتالدىق ورتالىعى بازاسىندا، وڭىردەگى گينەكولوگيالىق ناۋقاستارعا مەديتسينالىق كومەك ساپاسىن جاقسارتۋ جانە اكۋشەر-گينەكولوگتاردىڭ بىلىكتىلىگىن ارتتىرۋ ماقساتىندا «وپەراتيۆتى گيستەروسكوپيا» تاقىرىبىندا ءبىلىم جەتىلدىرۋدىڭ تسيكلى ءوتتى.

وقۋعا وبلىستاعى مەملەكەتتىك جانە جەكە كلينيكالارىنداعى اكۋشەر-گينەكولوگ جانە حيرۋرگ ماماندار بەلسەندى قاتىستى. ءدارىس بەرۋشى لەكتور - ن.ي.پيروگوۆ اتىنداعى رەسەي مەملەكەتتىك مەديتسينا ۋنيۆەرسيتەتىنىڭ پروفەسسورى، مەديتسينا عىلىمىنىڭ دوكتورى لاۋرا كاپپۋشەۆا بولدى. لەكتسيا بارىسىندا جاتىر قۋىسى قابىرعالارىن گيستەروسكوپيا ءتاسىلى ارقىلى تەكسەرۋ، جاتىرىشىلىك پاتالوگيالاردى انىقتاۋ، تىندەر بيوپسياسىن الۋ، وبىر ساتىسىن انىقتاپ، ەمدەۋ ءتاسىلىن تاڭداۋ جانە ت.ب سۇراقتار قامتىلعان.

الدا رەسەيلىك مامانداردىڭ قاتىسۋىمەن گينەكولوگيالىق ناۋقاستاردى رەزەكتوسكوپيا، انالىق بەزدىڭ قاتەرسىز وسپەلەرى، جەڭىل ەندوسكوپيالىق وپەراتسيالاردىڭ پرينتسيپتەرى تالقىلانىپ، كۇردەلى ميومانى قالاي تەز ەمدەۋگە بولاتىنى، كۇردەلى جاعدايلاردى تالداپ، بەينەپرەزەنتاتسيا جاسالماق. ال ازەربايجاننان كەلگەن دارىگەرلەر لاپاروسكوپيالىق گيستەر – جانە ميومەكتوميا كەزىندە تۇيىندەر مەن جاتىر كولەمىنىڭ ۇلكەندىگىنىڭ ماڭىزدىلىعىن تۇسىندىرمەك.

اقتاۋلىق دارىگەرلەر دە قالىس قالعىسى جوق. سۋبمۋكوزدى ميوماتوزدى تۇيىندەردىڭ قاۋىپسىز جانە ءتيىمدى گيستەروسكوپيالىق رەزەكتسياسىن جاساۋ پرينتسيپتەرى جونىندە ءوز تاجىريبەسىمەن ءبولىسۋدى كوزدەيدى. فرانتسيادان كەلگەن پروفەسسور رەۆاز بوچوريشۆيلي اۋىر ەندومەتريوزدى ەمدەۋدىڭ زاماناۋي تاسىلدەرىن كەيىنەن ءتۇسىندىرۋدى كوزدەيدى.

سونداي-اق جاتىر مويناعىنا بالا ءبىتۋ كەزىندەگى اعزالاردى ساقتاپ قالۋ تەحنولوگيالارى، پوليكيستوزدى انالىق بەزدەرىنىڭ اۋرۋى كەزىندە ەندوسكوپيالىق وپەراتسيالاردىڭ ءاربىر تۇرلەرىنىڭ تيىمدىلىگىن سالىستىرمالى زەرتەۋ، پوستمەنوپاۋزاداعى سپەتسيفيكالىق پروتسەستەردىڭ دياگنوستيكاسى كەزىندەگى گيستەروسكوپيانىڭ ءرولى تۋرالى ايتىلادى دەپ كۇتىلۋدە.

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

تەمەكىنىڭ تاۋقىمەتى

مەديتسينا • بۇگىن، 07:05

ۇقساس جاڭالىقتار